شامل روكز: بشرفني كون بالتحقيق بقضية العسكريين حتى ما يكون فيشي مخبا، ولنعتبر بالمستقبل.. (Audio)

– الحقيقة مطلبنا، لّ يكون كلشي واضح، والصلاحيات ما تكون ضايعة

***

مقتطف من حديث العميد شامل روكز لقناة الـ”OTV”، ضمن فقرة “أجندة اليوم”: (9 أيلول 2017)

• شعوري في هذا اليوم (مراسم تشييع شهداء العسكريين الذين ذبحوا من قبل داعش) رغم معاناة أهلهم، ان عظمة استشهادهم كانت دافع أساسي للنصر يتحقق، لأنو روحن الليكانت غايبة، وكانت موجودة عند كل عسكري وعند ضابط وقيادة الجيش، حتى النصر تحقق.
• اللي بينقال لإلن: المجد والخلود،
  ولأهلن: العزاء، والعظمة والكرامة والعنفوان، لأنو من خلال روحن الطاهرة استردنا الكرامة اللبنانية بكل معنى الكلمة

عن متابعته للتحقيقات والإصرار عليه، يقول:

• نحن مصرون على التحقيق لمعرفة الأمور، الأبيض من الأسود.
  وينعرف كل واحد شو مسؤوليتو بالموضوع.
• التحقيق لتبيان الحقيقة، ولَ يكون عبرة للمستقبل، حتى هيك أمور ما تتكرر.
  الجيش هوي دعم وأنظار كل اللبنانيين، لهيدا السبب لازم ينعمل التحقيق.

وهل سيكون له شهادة بالموضوع سيما أنه كان من القادة الميدانيين، يقول:

• بشرفني كون بالتحقيق متل قضية العسكريين. يللي هزّت ضمير البلد لفترة طويلة. وراح ثمنا شهدا كتير.
• طبيعي يكون عنا استعداد كامل لنشهد للحقيقة تتبين.
  الشهادة منا ابداً سيئة، بالعكس شغلة إيجابية للمستقبل، حتى تكون الأمور واضحة ومحددة وما فيشي مبهم، ولا فيشي مخبا، او في “غبرة” بالموضوع.

يسأله المحامي وديع عقل، عن تخوّف الناس من تقصير قضائي، وتعويله عليه، بتقديم افادته أو اخبار لدى القضاء (أو من عسكريين آخرين) حتى يأخذ التحقيق مجراه، يقول شامل روكز:

• ما في مشكل أبداً، كلشي بينعمل لتبيان الحقيقة نحنا جاهزين لالو..
  ونحنا بتصرف القضاء لكل شي يتوضّح..
  ومن خلال مشاهداتنا وممارستنا للمهمة منقدر نحكي
• الحقيقة مطلبنا،
  والحقيقة هيي اللي بتريّح أهالي الشهدا،
  والحقيقة بتريّح الشهدا مطرح ما هني،
  والحقيقة بتريح الجيش للمستقبل، بشكل يكون كلشي واضح، والصلاحيات ما تكون ضايعة كما المسؤولية.

رصد Agoraleaks.com