طوني ماروني: الرئيس عون سمع صرخة “خالد البدوي” وما في قطع للأرزاق بس تكون الأمور متعلقة “باللقمة” (Audio)

– “بوابة حمص” صارت بطرابلس… (التفاصيل)

مقتطف من حديث مستشار وزير الطاقة والمياه سيزار أبي خليل ، الاستاذ طوني ماروني لقناة الـ̰OTV”:

صرخة أهالي “الكيوسك” (Kiosk) في طرابلس 

• السيد خالد بدوي، اطلق صرخة عبر شاشة التلفزة،
  وهيدي الصرخة وصلت لالنا، وبدوري نقلتا لدوائر القصر، وفخامة الرئيس اضطلع على الصرخة، وكلّف بدورو الوزير رفول، اللي تواصل مع سعادة محافظ لبنان الشمالي القاضي رمزي نهرا، لمتابعة الموضوع مع أصحاب البسطات.
• الرئيس عون بقول، بس لازم نبلش بإزالة المخالفات،
  منبلش بالمخالفات الكبيري، وبالحيتان الكبيري، وبعدان منتطلع على “أكشاك” الفقرا، وقبل ما نلاقيلن حل سليم وننظمهم، ما مفروض نشيلن. لازم تنحفظ لالهن اللقمة الشريفة بعرق جبينن، ما رح يتمّ إزالة الكيوسكات أو “البسطات” بمينا طرابلس
  وتوجيهات الرئيس هيدي انتقلت للمحافظ، وبدورو نقلهم ياها.
• الحيتان المخالفين الكبار، هني:
  – معارض السيارات
  – المطاعم الكبيري
  – Valet Parking المعتديين على الأرصفة
  فقبل ما نتطع بالفقرا اللي عاملين أكشاك على البحر، ليبيعو قهوة وارغيلة، نعالج المشاكل الكبيري، لأنو الكبار هني المعتديين على الأملاك العامة ورزق الدولة.
• كل مصلحة في مصاري عم تنضخ لنافذين سياسيين لحتى يضلن مغطايين.
  بس الفقرا اللي منظمين وضع البحر والشط، وعم يكونو عين سهرانة، بأكشاك خشب، ومحطوط قش من فوق، منروح نشيلا!!
  كلها أجواء عائلية، ولكن في حملة لتشويه المدينة، ومبلشي من وقت جولات العنف اللي روحّت اكتر من 250 ضحية عدا عن الجرحى.. ومكملة، وكأنو ع طول بدها تكون المناطق الفقيرة صندوق بريد بين السياسيين لَ يوجهو رسايل لبعض من خلال؟ا
• اول طلب طلبو خالد البدوي، عبر الرسالة اللي وجهها،
  انو يتنظم وضعن، وعم يطالبو يكونو ضمن الأطر والقوانين.
  عم يقولو: تعو فرضو علينا واعطونا شكل موحّد، وطريقة معينة، وخدو منا أيجار، وأمنولنا بنى تحتية اللي عم تجبرونا فيا.. أنو اجرونا الأملاك العامة، يا بلدية أو يا محافظة او يا وزارة أشغال.
• المطالبة بالتنظيم، لأنو هني كأشخاص مش قادرين ينظمو وضع من 70 ل 100 محل. وصرلن 3 – 4 سنين.
  بفترة العيد بزيد العدد، وبيجي بياعين متجولين، وبصفو حدن، وحتى أصحاب “الأكشاش” ما بيقطعو برزقة حدا..
• قمت بجولة ما بتلاقي “زرزور سيغارة” على الأرض. مهتمين بالنضافة، وبكلشي، وعم يقولو تعو نظموننا. وإذا عم نحكي ب 70 او 100 “كيوسك”، فالبلدية إذا أخدت أيجار، فهيدا مورد شهري لالها.

النازحون السوريون

• نحنا متأملين بالعهد الجديد، والإنجازات بلشت تبيّن.
  ومع الروحية اللي ماشية فيها الدولة والجلسات التشريعية، بعتقد رح يكون عنا حلول للبلد، وان شاالله نقدر نرضي اكبر شريحة ممكنة من الناس، بتوقعاتن.
• السوريي بيستهلكو تقريباً من الطاقة المنتجة حوالي 4 ساعات أو 4 ساعات ونص يومياً.
  اليوم في عندن مخيمات موجودي بسورية، صار بيقدرو يرجعو عليها.
• مش حتى عم يزاحمونا كأيدي عاملة، صارو عم يزاحموننا على أسماء المحلات، وبطرابلس صار في بوابة حمص…
• فوق انو آخدين الوظائف، وعم يشغلو سوريي، وعم تجيبو البضاعة من سورية. وعم تشتغلو وعم تاخدو من قدامنا، وحتى الأسماء صارت سورية!!
• معدات الكهربا عم تتعرض للتلف بسبب الحمولة الزايدة. وحالياً نحنا اللبنانيي عم ندفع حق 4 ساعات ونص، واستهلاكم عم يفوق حدّ 500 مليون $ سنوياً.

رصد Agoraleaks.com