Agoraleaks Agoraleaks
– مستقبلكم، هوي أول يوم بالعالم الآخر
مقتطف من حديث الأب الياس مارون غاريوس:
- اليوم كلنا عم نركض لمتاع الجسد،
عم نفتّش كلنا سوا حتى نأمّن مستقبلنا، ومستقبل ولادنا، عم يصير معنا مرض أعصاب… - عم يصير في عنا جنون. وعم يصير في عنّا خَوَت بالبيوت.
عم يصير في عنا تخلّي عن ذاتنا،
عم نطلع برات بيوتنا بحجّة (أنا متألم) يا أبونا، وموجوع…!
ولأنو موجوع صار بحقلو يخون مرتو..!! وتخون جوزا…!! - لأنو بطّل معا دولارات تشتري “حمرة وبودرة” 300 $ باليوم !!!
لأنو بطّل معو دولارات يروح يسهر ويسكر…!!!
هيدي الحقيقة، بكل بيوتنا 90% من بيوتنا
لذلك أرجوكم،
- تذكرو دايماً مستقبلكم، انو هوي أول يوم بالعالم الآخر.
اليوم عم تعيشو 80 سنة، حتى تموت. - وين بدكم تعيشو..!!
إذا عم تركضو للموت..!!
وين بدكم تكفو حياتكم..!! - بطّل في حياة بعد الموت، لأنو كلنا عم نسعى لما هو الى الجسد.
كلنا… مكرسين، وغير مكرسين.. - أرجوكم، تأكدو بحياتكم أنو اليوم بتنتقل روحكم للاله، هيدا هوي اليوم اللي بتبلش فيه حياتكم… لذلك قبل ما الشعب ينبّش كيف بدو يلبس لباس يغري فيه الحواليه، قبل ما نلبس عَ أكاليلنا اللباس الوقح البلا أخلاق، وبلا شرف… نعرف انو أجسادكم هيكل الله مش معرض، بدكم تبيعو فيه حالكم قدام الناس…
رصد Agoraleaks.com
