كلام مؤثر جداً لوالدة روي حاموش للجنرال.. والرئيس عون يردّ (Audio)

قضائياً، باشر قاضي التحقيق الأول في بيروت غسان عويدات، تحقيقاته في قضية مقتل الشاب روي الحاموش، ومحاولة قتل الشاب جوني نصار.

القاضي عويدات استجوب في هذا الإطار الموقوف هاني المولوي، واستمهل الموقوفين محمد الأحمر، وزوجته أمال الياس وعدنان غندور لتوكيل محامٍ، وأصدر القاذي عويدات مذكرات وجاهية بتوقيفهم سنداً لمواد الإدعاء، قبل أن يُرجئ الجلسة الى 19 الجاري.

وعلى وقع هذا التطوّر القضائي، عائلة الضحية روي حاموش، في قصر بعبدا.

فقد التقى الرئيس ميشال عون وفداً من عائلة حاموش، عارضة له ما تعرضّ له روي.

العئلة ناشدت الرئيس عون من اجل تحقيق العدالة، في هذه القضية، ليتحوّل الأمر الى عبرة، لكلّ من خولتّه نفسه أي جريمة مشابهة.

يقول الرئيس عون لعائلة روي حاموش:

• نحنا منعرف المصيبة كبيري، منا قليلي إنو انسان يفقد شبْ بأول عمرو
  بس دايماُ في اجرام. والإجرام متل القدر بيوقع عليه الواحد.
  لذلك في عقوبات. بتنزل بالمجرم.
• نحنا مصممين على أقصى العقوبات بدها تنفرض،
  ونشالله كمان منسرّع بهالجريمة، حتى يكون فيا عبرة لأن الناس بتنسى.
  ومش لازم تنسى. لازم العبرة تنفرض بأسرع وقت ممكن

من جهتها، تقول والدة روي حاموش:

• فخامة الرئيس نحنا جينا لعندك تَ نتعزّى فيك،
  لأنو حضرتك بينا، وما فيك تحلّ عنّا
• نحنا أملنا كبير فيك، ت هالبلد يقوم، ونقدر نضلنا فيه.
  نحنا واللبنانيي كلن.
  عنا بعد كلّ الشباب، خيّو. وصاحبو اللي الله خلصو من الموت.
  وشباب لبنان كلّن.
  كلّ، ولادنا، والله لا يجرّب حدن، حرقة أهل على ولدن
  
• نحنا املنا كبير فيكم. ولو ما هيك. كنّا فليّنا من زمان من هالبلد.
  نحنا منشكركم انكم كمشتن المجرمين بنفس النهار.
  
  هيدا إنجاز كتير كبير.
  وهيدي بداية أمل بهالبلد.
  وإن شالله تقدرو تكفّو، ويكون الله عونكم، تتقدرو تحاسبوهم الحساب اللي لازم يتحاسبو.
• خليلنا لبنان تحت ايديكم

المصدر: OTV

رصد Agoraleaks.com