Agoraleaks Agoraleaks
– يا لطيف الطف… + تعليق بسيط
مقتطف من حوار النائب سيمون أبي رميا مع الإعلامية ديما صادق لقناة الـ”LBC”:
تسأل صادق، أنه لم يتمّ فصل النيابة عن الوزارة كما في أوروبا.. يردّ أبي رميا:
- بدّي احكيكي كنائب أنتمي الى التيار الوطني الحرّ،
توضّح ديما السؤال: بفرنسا في هيدي الحالة، ولكن هناك فرق بالرقابة بين لبنان وفرنسا، وبالتالي خطر جمع النيابة مع الوزارة مش بخطرو بلبنان
- في معلومات غلط
بفرنسا في فصل بين النيابة والوزارة، ولكن الوزراء الحاليين بيتشرحو على الإنتخابات النيابية،
في حال طلعو نواب ببطلو وزرا.
وكل نائب، عندو نائب رديف، في حال حصل وزير، نائب الرديف للنائب بصير نائب مكانو
إذن ما بيقدر يكون وزير ونائب.. بس بيقدر يترشّح الوزير للنيابة، وبيقدر النايب يصير وزير، لنو بحلّ نائبو الرديف
تقاطعه ديما صادق: ولكن آلية الرقابة هونيك اكتر من هون.. يضيف أبي رميا:
- نحنا كتيار وطني حرّ مقدمين اقتراح قانون الى مجلس النواب عمرو سنين،
من أصل فصل اليابة عن الوزارة - نحنا مش لوحدنا بلبنان، في عنا قوى سياسية أخرى، هذه القوى السياسية الأخرى حتى الآن، منا مقتنعا بهيدي النظرية
ونحنا لأنو ما في عنا اقتناع من قبل آخرين،
ما قدرنا حولنا هيدا الإقتراح الى قانون عملي،
شو عم نعمل بالممارسة تبعنا، كتيار وطني حرّ
ما بتشوفي عنا نواب ووزرا بذات الوقت - نحنا بهيدا الموضوع ملتزمين بهيدا الخيار، كتيار الوطني الحر
تسأل صادق أبي رميا: يعني إذا طلع الوزير باسيل نائب لن نراه وزيراً، يقول أبي رميا:
- مبدئياً، هيدا الخيار تبعنا
ونحنا ملتزمين بهيدا الخيار
ونحنا بالممارسة ديما
تسأل مرة ثانية: إذا طلع الوزير باسيل نائب، ببطّل وزير، يكرّر أبي رميا:
- هيدي بصلب قناعاتنا،
وبصلب ثوابتنا
وبصلب ممارستنا، وعم تشوفيها
تعلّق صادق: رح أطلب أرشفة هذه المقابلة، وطبعاً رح نرجعلا بعد سنة
***
تعليق بسيط
- ليه بعض الإعلاميين وبعض السياسيين، هاجسن جبران باسيل…
- ليه إذا صار جبران باسيل صار نايب… منو قادر يشتغل…
اللي بدو يشتغل.. بيشتغل
ان كان نايب
ان كان وزير…
او ان كان مذيع شاطر
الرصد Agoraleaks.com
