Agoraleaks Agoraleaks
– الحب ما فينا نفرجي… بس بأمور صغيري بتدلّ عليه
زوادة اليوم
- بخبرو عن رجال ختيار عمرة حوالي 80 سنة،
كان قاعد حدّ ابنو الشبْ يللي عمرو حوالي الـ 40 سنة بحديقة القصر - بيلمح البيْ عصفور “كنار” عم يتنقل من غصن لغصن بالشجرة اللي فوقو،
بيسأل ابنو: شو هيدا؟
بجاوب الإبن: عصفور كنار - بعد وقت قصير، بطير العصفور وبغطّ بالقرب منو،
بيسأل البيْ ابنو: شو هيدا؟
بكل انفعال، بقول الإبن: عصفور كنار، شو ممكن يكون! - بعد شوي بقرّب أكتر،
وبصير العصفور حدّن،
بيسأل البيْ ابنو، من جديد: شو هيدا؟
هون الإبن بيفقد أعصابو، وبصير يصرخ: عصفور كنار، عصفور كنار..
البيْ بيصمت، وبفوت على البيت، بشيل بايدو دفتر قديم، بيفتحو عَ صفحة، وبيطلب من ابنو، يقرا..
- الإبن ببلش يقرا..
بيوم من الإيام، كنت انا وابني الصغير، بحديقة القصر،
شاف عصفور “كنار” سألني هيدا شو؟
غمرتو، وبستو، وضحكتلو، وقلتلو عصفور “كنار” - سألني أكتر من 20 مرة،
كنت كل مرة اغمرو، وبوسو، وجاوبو بابتسامة كبيري، عصفور “كنار” - ساعتا الإبن بينتبه للغلط، يللي عملو،
ببوس بيّو وبقلو:
أنا بعتذر، بس عندي ثقة كبيري، انك بتعرف قديه بحبك
الزوادة بتقلي وبتقلك
- الحب هوي شي معنوي، منو نسبي،
ما فينا نفرجي للآخرين، الاّ من خلال أعمال مرات كتير بتكون صغيري
الله معكم
https://www.youtube.com/watch?v=IrpHZIovN4U&feature=youtu.be
