كريستيان أوسي: الأوراق عم تنخلط كلها سوا بالنسبة للتيار والقوات وجنبلاط والمستقبل وبري (Audio)

– مرحلة حساسة وخطيرة ودقيقة

مقتطف من حديث الإعلامي “كريستيان أوسي” لقناة الـ”nbn”:

• نحنا بمرحلة كتير حساسة، وكتير دقيقة، وكتير خطيرة.
  نحن نكاد نصل الى التوقيت الصفر،
  وبالتالي هيدا الشي لازم يكون محفّز لكل الأفرقاء، ليقعدو مرّة تانية، بإيجابية متل ما قال الرئيس سعد الحريري، ويبتعدو عن السلبيات
• اللي عندن طموحات كتير كبيري يتواضعو شوي بطموحاتن،
  واللي عندن حيثيات يحافظولن على حيثياتن،
  وبعتقد بعد ما فات الأوان
• للأسف اللي صار فيها حساسية وجفى، بين المردة والتيار الوطني الحر،
  وتحديداً بين الوزير فرنجية وفخامة الرئيس، هالعلاقة بسلبياتا الجديدي المستجدّة هيّي اللي عم تأثر عَ كل المواقف السياسية بيناتن،
  الدليل انو المواقف التلفزيونية للوزير فرنجية كانت ملأى بالمواقف
•  متل ما عم ينحكى دوائر تكون فيها زغرتا ومنطقتا، تكون قادرة توصّل النواب اللي فيها،
  ما بتكوني عم تنتقصي منن، لكن لأنو في علاقة سلبية عم يصير في نوع من انتقاد مباشر، انو هوي الهدف الغائنا
• إذا بدنا نخلّص البلد، لا بدّ من كل الأفرقاء تقدّم بعض التنازلات

ورداً على سؤال قول الرئيس عون، البعض يخاف من تغيير موازين القوى، يقول أوسي:

• فيشي منّو، ولكنّ
  لنسلّم جدلاً، حصل إقرار لقانون جديد، وانو الصيغة الميّالة أكتر، هيّي التأهيلي،
  قديه المسيحيين رح يجيبو بأصواتن؟

تقول الإعلامية أمل: يقولون 54 مقعداً نيابياً مسيحيا، يردّ كريستيان أوسي: هذا ما يُحكى على الورق، لنفترض إنّو:

• بعض الإحصاءات بتقول 45 نائب..
  هل كافيين هالنواب الـ45 نائب، انو تحدث انقلاب بالمسار السياسي العام

لا بد من تحالفات!

• بالتركيبة اليوم الصايرة بلبنان، ما فيكي تعملي تغيير بالتركيبة السياسية وفي الأسلوب السياسي لحالك
• وبالتالي حتمية الإلتقاء مع اطراف آخرين
• جنبلاط شو بقول:
  انا بايام ما كنت مضطّر قدّم تنازلات، جبتْ نائب للأحرار، وجبتْ نائب للقوات بمنطقة الشوف – عاليه
• المسيحيين عم يقولو:
  مزبوط جبتن، بس نحنا بدنا نجيب اللي بدنا ياهن
• الجوهر منو كتير بعيد عن بعضو،
  لكن اليوم الصورة اليوم مختلفة كلياً عن الصورة من 6 أشهر:
  1) في شريط كهربائي ما بين التيار والقوات
  2) في تقارب بين القوات والإشتراكية
  3) في ابتعاد ما بين المستقبل وجنبلاط والرئيس بري
  4) في تقارب واضح جداً بين المستقبل والتيار الوطني الحر
  إذا الأوراق عم تنخلط كلها سوا، وبالتالي نحنا أمام وضع سياسي مختلف عن الوضع اللي كان من 6 اشهر.
  يعني الرئيس الحريري هوّي اللي قال: ما بروح مدّد. وبالتالي وضع جلسة 15 أيار قدام امر واقع جديد،
  بس لازم نوصل لقانون،
  والاّ رح نرجع نفس التركيبة السياسية الى البلد

رصد Agoraleaks.com