Agoraleaks Agoraleaks
لأنّ الأسئلة الموجهّة من الإعلامي جورج ياسمين ضمن برنامج “حوار اليوم” مع الكاتب السياسي ادمون صعب، على درجة من الأهمية، موقع “Agoraleaks.com” يدونّها، علّها تقرأها الأحزاب والجرايد العلمانية، من اجل تصويب كلامها على الذين يجب أن تصوّب عليهم التهم بالطائفية:
- النائب وليد جنبلاط، والحزب التقدمي الإشتراكي، بيرفضو كل شي الو علاقة بالنسبية، وبدن الستين علناً، وأحد الوزراء بقول بدنا نسكّر الجبل، وبقول، نحنا متفقين مع رئيس الحكومة ورئيس مجلس النواب، ورئيس الجمهورية مش موجود بالنسبة لالو!!
- وزير اشتراكي، بقول: البعض ما تعلّم من دروس الماضي،
شو هالمفارقة جنبلاد بدّو الستين، وهواجسو مفهومة، وهواجس فريق تاني وازن، ومكوّن أساسي بالبلد، هنّي المسيحيين هواجسن مش مفهومة!! - العريضي ووائل بو فاعور، بيحكو عن حرب أهلية، ونحنا ما منقبل، وهول المسيحية ما تعلمو من الماضي، وبدن يربوهم من أوّل جديد..
- كل العالم بتعرف انو سنة 1983، كل امّة الله، والعالم كلّو تجمّع على القوات وعلى المسيحيي بالجبل، 250 – 300 مقاتل وقفو بوجّ جحافل وجحافل، وكل شبر وحدّو قبر بالضيع اللي صار فيها معارك..
مش عم نفتح بواب مغلقا، بس عم يطلعو يهددوك بحرب أهلية، ومبارح جريدة الأخبار كمان نفس الشي، (رغم انو جريدة الأخبار كانت من الداعمين وما زالت للرئيس، حتى ما نكون بعيدين عن الحقيقة..) - واحد بقلك بدي سكّر البلد، وواحد بقلك انتبهو بتاكلو “قتلة”، وواحد بقلك “ما تعلمتو – ما تربيتو”، وما حدا بيحكي شي؟
بس وقتا بيحكي جبران باسيل بقدّم اقتراح قانون، انتا تقسيمي، انتا انعزالي.. - من 25 سنة، كان مطلوب من المسيحيين، انو يقبلو يخضعو، ويسكتو، ويخنعو، بكونو وطنيين مش تقسيميين،
وقت واحد بيطلع يقول: يا جماعة، عطوني حقي، ما عم آخدلكم حقكن… انتا تقسيمي وانعزالي..
هيدي النغمة والمعزوفة، أيمتى بدنا نخلص منها
ما حدا عم يدافع عن طرح جبران باسيل! - الإشتراكي بقول: مواجهة لا شفقة فيها ولا رحمة مع المجانين الجدد، إذ لا يبدو أنّ درس الحرب الأهلية قد أفادكم،
للاسف، هيدا الكلام بس ينقال: ما حدا بقول لاق يا شباب، هيدا كلام خطر،
بس، يكون في قانون تأهيلي، على الأرثوذكسي، على الأكثري بالقضاء، وانتخاب على المستوى النسبي بالمحافظات، هيدا كلام تقسيمي، وهيدا كلام انعزالي، وبعيدنا الى زمن - ليه عم نشوف القشة بجبران باسيل، وما عم نشوف الخشبة بعيون اللي عم يقول بدنا نربيكم،
مين أخطر اللي عم يهدّد بالحرب، او اللي عم يقول بدنا نعمل قانون ينصف الناس، بركي ما يرضي الكل، لأنو في ناس بدها تزعل.. لأنو بدك تقشطها يللي سرقتها من المسيحيين أولاً، والمسلمين ثانياً
رصد Agoraleaks.com
