ربيع الهبر: المشكلة بتركيبة المسيحي، والتجنيس وتوزيع المقاعد بيعطي 105 نائب للمسلمين و24 للمسيحيي! (Audio)

– لبنان دائرة واحدة نسبي، 42 نائب للمسيحي، إذا كانو المسيحيي رزمة وحدي من الناقورة لنهر الكبير الشمالي
– المجتمع المدني حوالي 6%، و93% من الشيعة مع حزب الله وامل

مقتطف من حديث الرئيس التنفيذي لشركة “Statistics Lebanon ربيع الهبر لقناة الـ”OTV” ضمن برنامج “بلا حصانة”:

عن قانون الإنتخاب

• المطلوب نوايا، متى وُجدت النوايا، بتنحلّ كل الأمور، وكل المواضيع،
  نحن نعيش في زمن ما بين 12 ت1 – 1990 وما بين 14ت1 1990،
  بمعنى ما نتج عن الحرب التي دامت من 1975 للـ1990، (رغم اللي مضيو باتفاق الطائف من المسيحيين) كل هالحرب هدفا نقل السلطة من مكان الى مكان آخر
• صار في مفاعيل بعد هيدا الإنتقال، صار في أمور اجرائية، متل:
  1– نقل النفوس
  2– مرسوم التجنيس
  3– زيادة اعداد النواب من 108 الى 128 نائب
  4– وضع جميع المقاعد في مناطق ذات غالبية اسلامية، لحتى يطلعوها بأصوات المسلمين

• نحنا أمام مش مشكلة تقنية، نحنا امام مشكلة عدم توفّر النية
• 27 قانون نطرحو، ولا واحد تقنياً صالح؟
  القصة قصة نيّة،
  وحتى الآن النية المتوفرة هيّي نيّة التمديد لقانون الستين
• إجا الطائف، ولم تُنفّذ المناصفة، بفعل المفاعيل، وسقوط القوة المسيحية، وبفعل ما حصل عام 1994، بتوقيع مرسوم التجنيس، عندها سقطت مفاعيل الطائف التي تضمن المناصفة بين المسيحيين والمسلمين
• بالنتيجة في مكتسبات اكتسبوها الكلّ:
  كل القوى السياسية، اخدو حصة إضافية من حصة المسيحيين
• المرشح الدرزي عن دائرة بيروت التالتة، هل يجوز انو يكون في نائب درزي في 800 مقترع درزي، ووفي 400 الف ناخب
• المقعد الماروني في طرابلس المقترعين بالمئات،
  هيدي أمثلة عيب تكون، برأيي مش القانون بدّو إعادة نظر، توزيع المقاعد بدها إعادة نظر
• قانون الستين مهزلة،
  الكلام انو المسيحيي صارو قلال حكي برأيي مش صحيح،
  السبب في عدم قدرتن إيصال نوابهم، المشكلة بتركيبة المسيحيين،
  انتشارن عكل الجغرافيا اللبنانية، وعلى الحدود، والمسيحي قاعد مع السنّي، وقاعد مع الشيعي، وقاعد مع الدرزي، قادر يعيش مع السني بوفق ووئام، وقادر يعيش مع الشيعي بوفق وأكتر من وئام، وقادر يعيش مع الدرزي بوفق وكتير وئام، كلو هيدا يخلّي يصير المسيحي مغرق بأصوات اكترية من الطوائف الأخرى،
  وإجا القانون تبع الستين، وزّع المقاعد أيضا بخلل..
• نشتغل على صخر مش على رمل، بدن نقل مقاعد النواب
• حتى المجتمع المدني، بس نعمل استطلاع، بيطلع عندك القوى السياسية عندا حجم، المستقلون عندن حجم، بيطلع 30% عند المجتمع المدني واللي ما اعلنو صراحة، قبل 5 أيام من الانتخابات بالخبرة، ببلشو ينحسرو، بصيرو 6%، الناس بتصير تفصح عن اتجاهاتن السياسية

• بالبلديات، اللي صار، ومؤشر واضح:
  انتخابات زغرتا، مين ما ترشّح بوجّ السلطة الأقوى يللي هيّي تيار المردة، بياخود 25%
  ببيروت كمان، يللي ضدّ السلطة شو ما كان اسمن، مجتمع مدني، اسمن تحالف بوجّ السلطة بياخود هيدا الحجم ذاتو
• عنا 128 مقعد نيابي في لبنان،
  المسيحيي بجيبو بقدرتن الذاتية، 24 مقعد،
  معقولي تاركين 24 مقعد للمسيحيين، و104 مقاعد للمسلمين!
• لبنان دائرة واحدة، بيعطي 42 نائب بالحدّ الأقصى للمسيحيين بالصوت المسيحي، إذا كان المسيحيون متحالفين من الناقورة حتى النهر الكبير الجنوبي، وكلن رزمة وحدي، ورأي واحد وصوت واحد
• النسبية هي حكماً هي ديمقراطية عددية، ومع الوقت رح تتكبّش بالعددية، وبتروح باتجاه العددية
• بالواقع الشيعي، لا يوجد تبدلات نهائية، 93% من الشيعة يؤيدون الثنائي الشيعي،
  وهي حالة خاصة جدأً ما شفتا بالعالم،
  العلمانيين غير موجودين لدى الشيعة

رصد Agoraleaks.com