سليم عون: ما عاد ينضحك علينا بقانون الإنتخابات.. وحزب الله صوّت للقوات بشكل كامل بانتخابات المهندسين (Audio)

– ما حدن يمزح بهيدا الموضوع، ما يخملوه مزحة
– داعش بتهجّرالمسيحي بالسيف.. وانتو بتهجرو بالقانون الإنتخابي والتمديد

مقتطف من حديث النائب السابق سليم عون لقناة الـ”OTV” ضمن برنامج “يوم جديد”:

قانون الإنتخاب

• شو بدنا من القانون، بدنا:
  1) نصحّح التمثيل
  2) نقرّب من المناصفة،  ليك حديثي، شو قلت: نقرّب من المناصفة.. لأنو حقنا بالمناصفة الكاملة.
• القانون الأرثوذكسي، بيعطي المناصفة الحقيقية الكاملة
• عم يحاسبونا على نوايا الآخرين، مش على نوايانا حتى،
• اليوم مش كلن عم يرذلو المختلط، نرجع بالتاريخ لورا،
  بس تحكي حزب اشتراكي ومستقبل وقوات ومستقبل طارحين المختلط، هودي نص البلد،
  وبس لاقاهم بري، كمان طرح فكرة قانون المختلط، صرنا اكتر من نص البلد،
  نحنا عم نقدّم حلول،  أخدنا هواجس الجميع، ونحنا بدنا قانون يقربّنا للمناصفة، يعني يكون عنا 64 نائب
• يللي عم يرفض شو عم يقدّم بديل. عم ننسى واقعنا، ويُراد من هالشعارات، بس هضم حقوق
• بدنا نشوف الممارسة، بالنسبية (باعتراف الكل) تأثير الصوت المسيحي بنتيجتو شو بدها تصفّي؟؟؟
  الممارسة اهمّ من القانون. نحنا مع النسبية فكرة النسبية، ولكن بدنا المناصفة
• منا معقدين، إذا بيّن معنا قانون بيعطي تمثيل أفضل للمسيحيين، وبيعطي مناصفة أكتر، وبمثّل كل الأفرقاء، مش معقدين نقول هيدا افضل.
• المرفوض النسبية كل لبنان،
  يعني ابن الجنوب يأثّر عَ منطقة الشمال، ومنطقة الشمال يأثّر على الجنوب. وابن البقاع يأثر عَ نتيجة صيدا،
  في اللي عندن خزانات بيقدرو يأثرو على مناطق تانية.
• بدايرة متل زحلة، بس تجي تقدّر نتايج الانتخابات:
  بتصير تشوف مرشحين السنة من وين بجيب أصواتو التفضيلية.
  المرشح الشيعي، بجيبا من الشيعة،
  المرشح المسيحي من المسيحيي..
  شو هالوطنية هيدي اللي عم نتغنى فيها.
• مشينا بالمختلط بشكل يكون في معيار واحد،
  بزحلة إذا أخدنا 4 أكثري، و3 نسبي، عم نجمع الوطني مع الطائفي، حتى نحقّق المناصفة
• كل الأفرقاء عَ طاولة الحوار، مش الكلّ اتفقوا نعمل مجلس شيوخ، عَ أساس قانون ارثوذكسي،
  رحنا الو، بطريقة مجلسين منعملن بمجلس واحد،  نص المجلس وطني، ونصو الآخر طائفي
• ما عاد ينضحك علينا، انو تحت عنوان النسبية، وبالإداء رح يكون طائفي،
  نروح لمكان معيّن، ونلاقي انّو عم تتمارس الطائفية،
• أكيد نسبة ما بتتعدى الـ10% من المواطنين، ما بتفرق معن الطائفية،
  ولكن رح يصير في طوائف رح تختار نوابا، ورح تختار نواب طوائف غيرا
• نسير بالنسبية، شرط يتأمن يكون في حيثية، بتعمل دورة تأهيلية، متل كتير دول بالعالم.
  يصير في تصفية للمرشحين، اللي ما عندو تمثيل، ما يقطع للمرحلة التانية..
• ما بدنا نوقع بالغلطة مرة تانية، نرجع بكرا بعد 4 سنين،
  اذا قلنا القانون ما بيسوا، قبلنا فيه على مضض. ونرجع بعد 4 سنين، بقولولنا ما انتو قبلتو بالدوحة
• إذا بدّي منك 100% مش قادر آخدا كلها،
  إذا أخدت أوّل 50$ وقلت بوقتا، انو استطعت انو ردّ 50$،
  وإذا رجعت عم طالبك بالـ50 $ التانية، بتقلي: هيديك المرّة هللت..
• 19 نائب مسيحي، كان يجيبن القانون السابق، طلعناهن لـ32 نائب… ما منكون عملنا تصحيح!
  بشري – الكورة – البترون – جزين – بيروت الأولى..
  ما قدرنا نكفّي عَ الكل. بس بهيدي الدوائر صار كلمة المسحيين مسموعة
• مل فينا بالآخر، إذا عنّا قوى وازنة، تجي تقول: عم تاخدو التمثيل.. روحو قعدو برا ويجي مين مكان؟

نقابة المهندسين

•  ليه ما مننظر بإيجابية صارت بنقابة المهندسين،
  قدرنا جمعنا القوات اللبنانية وحزب الله عَ فرد لايحة، ما انو حاولنا كتير ببلدية زحلة، ما قدرنا
  بس كان التصويت من قبل حزب الله بشكل تقريباً كامل،
  ومن القوات لحزب الله مش كامل كتير، بس مقبول
• القبول انو يكونو عَ لايحة وحدي علناً مرشح حزب الله مع مرشح القوات اللبنانيي

عن علاقة التيار والقوات

• طالما المجتمع اللبناني عامة، والمسيحي حابب هيدي العلاقة،
  وبيتأمل فيها، ما حدا، لا نحنا، ولا هنّي، رح نطلع منا بسهولة

التهديد بالفراغ

• التهديد بالفراغ، مش للوصول الى الفراغ،
  التهديد بالفراغ، هوي تيقلك، عمال فرضك.
  27 سنة ومش عم تعمل فرضك

وإذا ما عملو شو رح تعملو

• أيمتى بدن يعملو فرضن؟  معناتا مش رح يعملو بعدان
• في عنا مشكلة كبيري.. ما بدنا نفكّر بهيدي اللحظة

ولكن إذا مشيو من دونكم، يسأل الإعلامي رواد، يردّ سليم عون:

• لاق مش بهالسهولة،
  بلش ينطال شي من العهد، ما حابين يتاكل أي جزء من العهد،
  كيف اذا كان فريق أساسي منّا، وفريقين أساسيين من العهد إذا مش اكتر،
  نحنا رح ننزل قدام العالم عَ الشارع، نحنا اللي بدنا نكون بداية هيدي الثورة،
  ما حدن يمزح بهيدا الموضوع، ما يخملو مزحة
• بدنا نتطلع لمستقبل ولادنا،
  أوّل تمديد لشو اخدوه، تحت أي حجّة، مش إقرار قانون انتخابات!!!!

الأقباط وداعش

• شو في بمصر،
  فيشي شيعة بمصر.. ابداً
• المسيحيين منن فئة صغيري،
  اليوم بمصر بفلسطين، بسورية، وبالعراق، بكل تاريخن، في شعب مسالم أكتر منن، في شعب محبّ اكتر منن.
  اليوم القبطي المصري، عندو انتماء لمصر قبل مسيحيتو، تماماً متل ما كان المواطن السوري، والسوري والعراقي..
• اخدونا بس نقلن، داعش بالمنطقة عم يهجّر المسيحيي بالسيف، انتو عم تهجروهم بالسياسة.
  عم نقلن مواجهة داعش الحقيقية، بتكون بالوقوف الى جانب المسيحيين بابقاؤن، وبالمحافظة على وجودن. مش عم نقلن انتو داعش
  بربطا هلق بلبنان، لأنو ما بقا في وجود مسيحي الو قيمة، الاّ بلبنان.
  بدكم تواجهو داعش، الوحوش اللي ما قبل العصر الحجري، بكون بالمحافظة على الوجود المسيحي، بدكم تسمعولو صوتو. عم يقول بدو يحافظ على الميثاق والدستور، بدو يكون شريك حقيقي، هيك منواجه داعش.

رصد Agoraleaks.com