ريتا حنا لأتباع “شهود يهوى”: Please ما تعملو غلطتي.. وامي “خدي مصاري وما ترجعي للكنيسة”! (Video)

– الأب فغالي: شهود يهوى بتعتبر الكنيسة مقرّ الشيطان والإنجيل تبعن مزوّر
– الأب مبارك: ما بأمنو بالتجسّد ولا بعذرية العدرا ولا الفداء..

حقيقة شهود يهوى

يقول الأب كميل مبارك بخصوص شهود يهوى:

• عقيدة شهود يهوى، فيها خلل بقضايا أساسية،
  تمتّ بالعقيدة المسيحية الصلبة، يعني:
  1) بتجسّد سيدنا يسوع المسيح،
  2) عذرية مريم العذراء
  3) المسيح إبن الله
  4) سرّ الفداء
  5) أسرار الكنيسة
  6) الكهنوت
• الشيطان يحاول هدم الكنيسة، منذ اليوم الأول لتأسيسها،
  ومن هذه المحاولات، البدع والهرطقات كلها

تقول إحدى السيدات:

• بيجو بصيرو يفتحولك الإنجيل تبعن، وبقلولك هيدا الصح
• بحبو ينشحطو، عندن هواية الشحط

تقول ريتا حنا:

• صرلي سنين طويلة قضيت حياتي مع شهود يهوى
• افراد عيلتي كلن من شهود يهوى
• نحنا كعدد بس اخواتي وافراع عيلتن، حوالي 35 شخص
• نحنا من شهود يهوى
  ونحنا الصح، وكلشي باقي هوي خطأ،
  نحنا الحق والحقيقة
• بالنسبة الن الله هوي المسيح. أكيد هيدا غلط
  كل شخص منو من شهود يهوى، رح ينال الهلاك
  نحنا منعتبرن أشخاص ضالين
  المسيح احد الأنبياء، والكنيسة هيّي مقرّ الشيطان
  البابا بذاتو هوّي ممثّل للشيطان على الأرض

تقول إحدى المنضويات الى جماعة “شهود يهوى”:

• المسيح لم يُصلبْ. العدرا هيّي مرا خلّفت يسوع، وخلفّت غيرو

الأب بولس فغالي يقول عن شهود يهوى:

• بالنسبة لالهم، لا يمكن يكون المسيح الله وابن الله،
  خصوصاً عندن انجيل جديد، كلشي مغيرينو

يسأل الإعلامي “مالك مكتبي” إحدى المنتسبات لشهود يهوى، إن خُيرّت بين شهود يهوى والمسيحية، ماذا تختار، تقول:

• شهود يهوى
  وبين عيلتي وشهود يهوى، شهود يهوى

ورداً على سؤال إن تمّ اللعب على عواطفها قالت:

• ما حدا لعب على الوتر العاطفي، اشتغلنا دين
  اشتغلنا بيننا وبين ربنا، حسسوني صرنا قراب لربنا أكتر
• كنت اطرق بابا الكاهن تَ استفهم، بس منو فاضي

يردّ الأب بولس فغالي:

• إنتي عم تقولي رحتي عند كاهن وما استقبلني،
  أنا بستقبلك، تعي لعندي
• الإنجيل اللي معك غيرالإنجيل الأساسي المُترجم عن اليوناني،
  مثلأً: نحنا منقول: أخذ خبزاً وقال: هذا هو جسدي
  هني بقولو: هذا يُمثّل جسدي
  بغيرو الإنجيل كلو سوا

• إذا عم تناقشن، وقلتلن في تضارب بتعليمكن.. بفلو
• بعدان أهمّ شي هوي غسل الأدمغة،
  ليش انتو عندكم إجتماع، ساعتين، والكتب بتجي ورا بعضا،
  بيدرسوها ورا بعضا، ما الهم حق يفكرو
• هني بقولو بفضلو شهود يهوى على المسيحية.. ليش هني بيعرفو المسيحيي!!
• انتي بتتبعي ناس، ما بتتبعي الإنجيل
• هنّي بشوفو انّو معن كلّ الحقيقة،
  بس يشوفو انّو عم تقنعهم… بروحو

ريتا حنا تقول:

• بدي اطلب منك طلب.. انا كنت من شهود يهوى 14 سنة
  بشكر الله أنو رجعت على ايماني، ورجعت على كنيستي
• انا مستعدي خصصلك الوقت اللي بدك ياه، بس بليز ما تغلطي الغلطة اللي انا غلطتا،
  عن تقولي الكهنة مش فاضيين!
  عملي انتي جهدك؟ أنا من بعد ما رجعت على الكنيسة درست لاهوت، عملت 4 سنين

ورداً على سؤال كيف رجعت ريتا الى الكنيسة وتركا “شهود يهوى”، قالت:

• يا ويلك إذا بتجرب تتركيون،
  جربو يئذوني كتير، بكل الطرق حتى ما ارجع على الكنيسة،
  اتهموني بالفحش، اتهموني باشيا كتير، حتى زورّو وراق من حكما أنّو أنا إنسانة مجنونة
• الماما حكيتني: قالتلي ريتا قديه بدّك مصاري،
  انا سمعت خبرية بدك ترجعي على الكنيسة؟ قديه بدّك مصاري، طلبي اللي بدّك ياه، بس ما ترجعي على الكنيسة؟؟
• هيك بيجو بالبداية: متل ما قال بربنا، يأتونكم بثياب الحملان، وفي باطنهم ذئاب خاطفة
• صارو عم يغيرو كتير بتواريخ حاطينا،
  مثلاً بالبداية كانو عم يقولو: سنة 1914 نهاية العالم؟ ما صار شي
  سنة 1975 كمان حدّدو بمطبوعاتن نهاية العالم.. ما انتهى العالم،
  ممنوع تناقشي معن بوقت الأوقات، بالبداية ما بدن ينقزوكي..
• بس نكون بإجتماع وفي ضيوف حاضرين، بتجينا التعليمات: الكلّ مبتسمين، الكلّ بأحسن وضع، بس بغير أوضاع في مشاكل
• قالتلي امي انتي ميتة.. طول ما انتي معلقة الصليب برقبتك، انتي ميتة، وانتي منّك بنتي
  بكرهوها فيّي، وبعرف انو تعاليم شهود يهوى بتقول،
  انو أي شخص منتسب لشهود يهوى، وبيترك وبيرجع لدينو، هيدا الشخص مسكون من الشياطين،
  يعني امّي مفكرّة انو انا مسكونة من الشياطين
• أول شخص بيتركن، بيمنعو يصير في تواصل بين اللي ترك، واللي بعدن، ليش؟
  بخافو من الحقيقة

يقول:

• التسجيل واضح بقول: إذا ما رحت عَ بيت وما استقبلك،
  حتى الغبار بتنفضن وبتفلّ.. معناتا بتحترملو حريتو لأكتر حدود
• طالما منوصل لمرحلة بدقّ عليّ مرّة، وتنين، وتلاتي، وأربعة وخمسة.. شو معناتا
  في احترام للحرية!!

إذا شهود يهوى معن حق؟ ليه بيهربو من النقاش

رصد Agoraleaks.com

https://www.youtube.com/watch?v=M9kx5vVsecc&feature=youtu.be