Agoraleaks Agoraleaks
– لا معارضة ولا موالاة، مصلحة وطنية بوضع الضرايب، نشالله الرسالة تكون وصلت
مقتطف من حديث رئيس لجنة المال والموازنة النائب كنعان حول مسرحية “الحراك المدني“: (الجزء 3)
- بدنا ناخود بعين الإعتبار صرخة الناس،
بدنا نحاول نصغّر هامش الإنفاق حتى لو توجعّنا - تعو يا أصحاب المقامات،
تعو يا أصحاب الرأي،
تعو يا أصحاب الأحزاب..
شرفو تنعمل إصلاح فعلي وجدي، منقدر نعمل وفر حقيقي - خلينا نحترم النظام ونحترم عقول الناس
- اللي صار، صار شاعر أيّ نايب انو موافقتو على السلسلة عم يرتكب جريمة،
كل مين سبّب بتطيير هيدي المواد الضريبية كلها حتى مادة الـ”TVA” الـ1% وشو فيها إعفاءات عليا، عن سابق تصور وتصوير، يمكن عن عدم معرفة.. هوّي وصّل لهون - أنا حكيت عن 3 مسرحيات
كل وحدي الها عنوان، والتلاتي فارغين من المضمون، والتلاتي عم يغطّو هدفين،
ضرب السلسلة وحماية بعض المصالح - هيدا العهد،
ما قبل ميشال عون ليس كما بعده،
ما حدا يراهن.. الحقوق بدها توصل للفقرا وللمواطنين، ومافي أعباء، وما رح نقبل يكون في أعباء، وبدون مزايدة - في حلول لمسألة السلسلة، أصلاً موجودي،
لكن بدها إرادة سياسية قوية وبدها حماية من الشعب والناس والرأي العام،
وهون بقلو للرأي العام متل ما قلو الوزير باسيل من قبل، خليك معنا، وخليك واعي، وخلينا نحكي بوعي مع بعضنا،
ما تروح بالغريزة، رسمالنا ورسمالك هوي تضامننا، هوي وعيك، هوي الإصلاح الفعلي، هوي التغيير يللي بدنا ياه على مستوى المؤسسات من فوق - السلسلة مش معناتا ضربة الناس،
خلينا نهدّي البال، هيدا كلامنا للتوضيح ونشالله تكون الرسالة وصلت
رصد Agoraleaks.com
