لأن “الشيطان” بالتفاصيل وشاطر بالكذب.. كنعان عن “دربكة” الحراك: شو هالحكي للناس انو عنا 5 مليار $ تحت الكنباية!!!

– يقولولنا ما بدن ضرايب على البنوك والمصارف وما بدن ضرايب نوعية.. بعتقد الشعب بدّو!!

مقتطف من حديث رئيس لجنة المال والموازنة النائب كنعان حول مسرحية “الحراك المدني“: (الجزء 2)

• بقينا معلقين مادة الـ”TVA” من سنة 2012 لليوم،
  تحفظنا على بند الـ1% TVA..
  بدكم سلسلة، بدكم تعطو الناس حقوقن، ايه أو لاق؟
  إذا ايه، ما تبحثو بدنا نروح للـTVA لو بنسبة ضئيلة، لأنها بتأمّن مردود ثابت
• أكيد بدها درس الضريبة على القيمة المضافة، ومن هيك فتنا بشكل مفصّل
• الإعفاءات اللي وضعناها، شلنا ما يقلّ عن 80 – ل 90 سلعة يعني اعفاء من الضريبة على القيمة المضافة،
  المادة 16: تعفى من الضريبة العمليات التي تتمّ داخل لبنان والمتعلقة بالأنشطة التالية:
  – الخدمات التي يقدمها الأطباء وأصحاب المهن التي لها صفة طبية
  – الضمان وإعادة الضمان، التعليم والتقديمات الصحية التي تقدمها صناديق التعاضد وارباب العمل
  – أنشطة الهيئات والجمعيات التي لا تتوخى الربح
  – النقل المشترك، المراهنات واليانصيب
  – بيع العقارات المبنية، تأجيرعقارات مبنية للسكن
  – اعمال المزارعين بالنسبة لتسليم محاصيلهم
  المادة 17: يُعفى من الضريبة على القيمة المضافة:
  – المواشي والدواجن، والأسماك الحيّة والمواد الزراعية الغذائية التي تُباح بحالتها الطبيعية
  – الخبز – الطحين – الحيلب – الأسماك – الألبان ومشتقاتها – الأرز – البرغل – السكر – الملح – الزيوت النباتية – المعكرونة – المخضرات المعدة لتغذية الأطفال

لسانات “الحراك” شاطرة بالكذب.. بتكبّ أرقام المهم تضييع الناس

يعقّب كنعان: هودي كافيار !!! ثم يكمل حديثه:

• الكتب والمطبوعات والمجلات، والصحف والورق والكرتون المستعمل في الكتابة او الطباعة وورق الصحف بشكل لفات أو صفائح، والحبر للطباعة
• الطوابع البريدية المالية، وأوراق النقد
• الغاز المعدّ للإستعمال المنزلي
• البذور والأسمدة والعلف والمبيدات الزراعية، الآلات الزراعية
• ادوية صيدلانية حفاضات الأطفات..
• الأدوات والأجهزة الطبية
• الأحجارالكريمة وشبه الكريمة.. التركيبة والمجددّة والألماس والذهب والفضة ومعادن ثمينة اخرى، والنقود الورقية واليخوت والمراكب، وزوارق النزهة، ووسائل النقل الجوي لنقل الأشخاص والبضائع

ويقول كنعان: رغم كل شيء ربطنا إقرار الـ”TVA”ّ بجملة اصلاحات، وقلنا يمكن تعديلها، واتفقنا يا بتطلع القوانين مع بعضن، يعني الرتب والرواتب مع الإيرادات مع الإصلاحات (3 أقسام القانون)

• شو صار تَ قامت الدربكة.. الهدف شو؟
  أدوار بتتوزّع وآخر شي الشعب المسكين بروح ضحيتا
• هدف الحراك تأمين حماية.. هودي الضرايب المفروضة ع قطاعات عم يحاولو يحمو حالن بمين؟
  بهالناس المعترّة

• ايراداتنا حسب الموازنة سنة 2017: 11 مليار و200 مليون $
  النفقات: 16 مليار 460 مليون $
  العجز: 5 مليار و230 مليون $
  عم نلمّ ضرايب بالمجمل: ما يُقارب 8 مليار $ وشوي
  عنا موارد غير ضريبية بحدود مليارين و300 مليون $
  إذا عم نحكي بتهرّب ضريبي ب 6 مليارات $ من اصل 8 مليارات $ ضرايب، هل يُعقل عنا 70-80% تهرّب ضريبي؟
  من وين إجا هالرقم؟؟؟
  عم نحكي بهدر بالنفقات: 4 مليار$ من اصل 5$ (يعني 80%)!!!!!
  ارقام خيالية عم يطرحوها بالإعلام!!!

للمواطن اللبناني المعتّر اللي ناطر صرلو 12-15 سنة تَ ياخود اتعاب أو زودة، عم إجي الو عَ مهلك،
انا عندي 6 مليار $ هلق بجبلك ياهن بوقف الهدر بوفّرلك شي 4 مليار $ مع انو كل عجزي 5 مليار $، يحنّي تحت الكنباية، بس انتا عطيني كم يوم – شهر تنين بجبلك ياهن، وبعطيك ياهن وبيمشي الحال

•  شو هالحكي هيدا، لو هيدا الحل ممكن،
  كنا نحنا أوّل ناس مشينا بالموضوع، مافي تواضع فيه، النا حق نقول نحنا كنا بادرنا أوّل ناس
• هيك منكبّ أرقام،
  في تهرّب ضريبي ايه، بأحسن الأحوال بيوصل ل 200 مليون $، هيدا إذا نعمل إصلاح جدّي،
  وخلينا نقول 300 مليون $ بس مش 6 مليار $
• الرواتب بقيمة  8 آلاف مليار ل. ل.، وعنا ديون متوجبة (خدمة دين) بقيمة 7 آلاف و100 مليار ل.ل.
  هون الإصلاح بينشغل عليه، عَ خدمة الدين:
  من 2005 لليوم، مين عم يحكي عن تحسين وضع الإستدانة قول وفعل، ساعتا منتشارك نحنا وكل الأطراف السياسية يللي قلبا على الفقير، وبدها تعطي سلسلة بلا ضرايب نوعية.. الاّ إذا هنّي بدن هيك!!
  الفقير ما بدّو هيك؟
• إذا وفرّنا 1000 أو 2000 مليار ل.ل. من انفاق يصل الى 24 الف مليار ل.ل. منقدر ندفع سلسلة،
  ساعتا فينا نحكي، هيدي بدها تقشّف، ما بدها مشاريع طويلة عريضة ونفقات جرارة وصناديق فاتحة من دون رقابة
• الكن يا لبنانيين من سنة 1995 بلا رقابة على انفاق صناديقكم؟؟
  بقولو رقابة مؤخرة. ما في رقابة مأخرة
  ما بتدور الرقابة الاّ على الرواتب.. شو فيها هدر الرواتب؟؟
  اللي عم ياخود مليونين أو 650 الف ل. ل. او 4 مليون ل. ل. احسن واحد

• مطرح ما التغيير والإصلاح عمل قفزة نوعية، وقت فتح حسابات المالية، بوقت ما حدا كان عم يحكي فيه
• بطالب الرئيس الحريري يرجع يشيل من الجارور 35 توصية وقرار صادرين عن لجنة المال والموازنة،
  بيتعلقو بإصلاح الموازنة ووضع حدّ للإنفاق المتفلّت،
  هودي ينشالو من الجارور لأنو من سنة 2010 لليوم كانت الظروف السياسية والصراع بيناتنا كبير،
  وكان في انقسام عامودي.. ما حدا كان عم يفكّر بعقل،
  اليوم كلنا سوا ملتفين حول العهد..
  كلنا سوا عم نقول هيدا أمل أخير للبنانيين، ماحدا قلوحق يدمرو، ونحنا ايدنا ممدودة للكل،
  في تلاقي من كتير اطراف، بس بدنا نكون صريحين، مش عَ قدّ المستوى المطلوب

***

على الهامش
لأن موقع Agoraleaks.com، ليس مفعوط بسباقات لا تنتهي بين المواقع الإلكترونية والتلفزة حول الخبرالعاجل..

ولأن الحقائق التي يكشفها تكتّل التغيير والإصلاح بالعموم واي موقف سياسي لأي قضية محقة، عمد موقعنا على توثيق كلام كنعان بالأمس باللهجة المحكية، للإشارة الى أمرين وتأكيد أنّ :

• الحقائق لا تبوخ مع الوقت..
• كشف التفاصيل الهدف هدفه طرد الشيطان الذي يتحدث بالعموميات والمبادئ (كما يفعل الحراك المدني #مش كلن يعني مش كلن) تاركاً اللبنانيين أن يغرق بالتفاصيل المشوهّة لتحقيق أهداف رخيصة..

البلد مش رخيص يا رخاااااص 

رصد Agoraleaks.com