Agoraleaks Agoraleaks
مقتطف من حديث والدة الشهيد جورج بو صعب سميرة لقناة الـ”OTV” ضمن برنامج “أجندة اليوم”:
- بينعاد علّي وقت العدل بيتحقّق، والمجرم بنال جزائو، وبتتعلق حبل المشنقة للمجرمين حتى يكونو عبرة لغيرن
- الإم ما عندا نهار للعيد. عندا عيد كل يوم لما بتجتمع هيّي وعيلتا وبكون ولادا بخير
- بدّي وجّه تحية لكل امهات الشهدا،
جرحنا واحد، مافي شهيد اغلى من التاني، كلن ذات المقام، من ظابط لعسكري
الدم دم، والتضحية تضحية. - نش الله بعهد الرئيس عون، عنا أمل بعد ما وصل على سدّة الرئاسة، انو ما بقا في حدا رح يروح حقو ضيعان،
وخصوصاً شهدا الجيش - جورج لما استشهد، استشهد كرمال لبنان،
ما استشهد بحادث سيارة، ولا استشهد خاين، ولا استشهد متآمر عَ بلدو،
رغم خسارتي الكبيري، استشهادو فخر الى ابد الآبدين لإلي،
بس بدي وجّه رسالة لأم المجرمين: نحنا ربينا أبطال لَ يقاتلو العدو،
انتو ربيتوا مجرمين لَ يقاتلو أهل بلدن، واللي حامييهن بشكل خاص يللي هوي الجيش اللبناني.
منطلب منون ما يطلبو عفو.. والعدل عند ربنا - جورج كان بدمو الجيش، وبدمو كانت الوطنية، كل عيلتنا جيش..
ما منحب خيانة الوطن، منحبّ خدمة الوطن - بطلب من كل ام ما تندم عَ شهادة ابنا، لأنو هيدي الشهادة ما حدا بيقدر ياخدا الاّ الأبطال،
من هيك بوجّه تحية لكلّ أمهات الشهدا - انا قوية من ورا جورج، بعرف شو قضيتو،
بعرف كيف تعامل بالقضايا، كل المعارك خاضا بشرف وببسالة ومناقبية عسكرية،
ما كان يسأل عن ولادو ولا على حدا
ضمن المعركة جورج بالعركة مش متل غيرو خاين هربان وعم يتاجر - نحنا ما منسى جورج، صوتو بدنينا بالبيت بعيلتو.. كيف ما برمتي جورج مقابيلنا
- بحيّي اللبنانية الأولى بعيد الأم الست ناديا عون، وتضلك راعية لالنا بكلشي،
والله يطوّل بعمر الجنرال ويحققلنا كل آمالنا يللي هيي آمالو
رصد Agoraleaks.com
