ابراهيم كنعان: مرجعيات كبيري بالدربكة راحت، مسرحية الحراك كخبرية وعد بلفور “ليسقط واحد من فوق” (Audio)

– عم نتعاطى بمسؤولية وغيرنا بشعبوية ليبني عليا أبراج من رمل
– إذا حدا زعلان عم نحط رسم عَ الطيارات الخاصة 200$ منعتذر
– مرجعيات كبيري بالبلد دغري بتتاخد بالدربكة…

مقتطف من حديث رئيس لجنة المال والموازنة النائب كنعان حول مسرحية “الحراك المدني“: (الجزء1)

• بهيدي المواقف العامة كل الناس بتعلّي السقف، يعني يا مين يزيد..
  تنصير بالآخر متل خبرية وعد بلفور.. المظاهرة الشهيرة، فليسقط واحد من فوق،
  ما بعيد حدا يعرف شو عم يقول
• موقف الكتل النيابية بالتقارير يللي بتصدر عن اللجان المشتركة واللجان الفرعية، وهيدي التقارير واضحة،
  وتمثل فيها كل الكتل أكرم شهيب (الإشتراكي) – وليد سكرية (الوفاء للمقاومة) – جمال الجراح (المستقبل) – جوزيف المعلوف (قوات) – رياض رحال – غازي زعيتر (أمل)- فادي الهبر (كتائب)- ميشال الحلو الله يرحمو (التغيير والإصلاح)
  كل الكتل النيابية ممثلة، وأول تقرير صدر ب 13 حزيران 2013،
  وكان في تحفّظ واحد ومش اعتراض وكان من النائب جمال الجراح عن المستقبل وعلى بند ضريبة شركات الأموال والمصارف بوقتا
• كل سائرالكتل النيابية لم يتحفظ أحد على المشروع الكامل اللي تقدمنا فيه واللي بيبلغ 100 صفحة، واللي بيتضمّن الإيرادات والجداول
• هيدي الضرايب اللي رعبو فيها هيي من سنة 2012 تعدّلت نعم بلجنتي، لأنو نحنا علقنا المادة اللي الها علاقة بالـTVA
• رحنا عَ أساس في سلسلة مرقتْ بمسار كامل، وكل الكتل النيابية شاركت،
  وما حدا اعترض على الإيرادات الضريبية،
  ما حدا بقا يطلع بالإعلام – يا حرام – كان الإعتراض بوقتا على قلّة الإيرادات الضريبية
• ليكو المسار من 2012 – 2013 لهلق، وهالمرّة شو كانت المسرحية..
  وين صرنا من المواقف اللي عم نسمعا هلق!!! انو نحنا ما منقبل أبداً أبداً بولا ضريبة
• هلق بالـ2017، نحنا عم نتعاطى بمسؤولية مش بشعبوية،
  غيرنا عم ياخود جزئية من هون، وجزئية من هون، ويبني عليون أبراج من الرمل
• مسرحية 2017، هيدي اللايحة المزورة.. ما حدا حكي بربطة الخبز يا جماعة
  عَ المازوت 5000 ل.ل.
  عَ فاتورة الكهربا 9000 ل. ل.
  هيدا المهندس يللي عامل اللايحة عنجدّ تعب.. بعد 5 سنين شغل من ارقام وناس نسألت ومراجعات منطلع بآخر شغلة بورقة كاذبة
• بدّي أتوجه لناسنا بكلّ محبة، ما بقا تتاخدو بهودي الأخبار، الهدف مطرح تاني
  ضريبة على الدوا.. يا مجرم
  ما حدا حطّ على الدوا
• تذاكر السفر، الضريبة تطال الدرجة الأولى، وعلى الطيارات الخاصة،
  إذا حدا زعلان عم نحط رسم عَ الطيارات الخاصة 200$ عنجدّ نحنا منعتذر لأنو هيدي ضريبة عَ الفقير،
  بالحقيقة الفقير كل يوم عم ياخود طيارة خاصة، وكل يوم عم يسافر بـ”تيكيت” درجة أولى،
  ميشان هيك يا عيب الشوم عليكم… همروجة كبيري
• حتى ما حدا يفهمنا غلط، إذا ما في معارضة لازم نخلق معارضة،
  ونحنا ولادا للمعارضة، وما منعرف نعيش بلاها،
  نحنا بس نفوت عَ السلطة منضيع.
  خلقنا وربينا وكبرنا على شي اسمو معارضة وعلى شي اسمو رفض
  نحنا منعتبر انو رفضنا شي محق، رفضنا احتلال ورفضنا تهميش وطالبنا بالإصلاح،
  لكن،
  لازم تكون المعارضة مسؤولة، متل ما نحنا بالحكم لازم نكون مسؤولين
• البعض يللي عم يدعّي أوعا الفقير،
  وفي مرجعيات كبيري بالبلد دغري بتتاخد بالدربكة،
  حرام الفقير.. كمان الـ250 الف عيلة (العسكر والموظفين والمعلمين) هودي مش فقرا،
  العسكري يللي عم ياخود 655 الف ل.ل. عم نزدلو 900 الف ل.ل. هيدا غني كبير، ما بينبكى عليه،
  الو من سنة 1996 مش معمول إعادة نظربرواتبو

شو هني الضرايب الأساسية النوعية، يللي نحنا كتيار وطني حر كنّا وراها ومنفتخر بذلك حكومياً ونيابياً

• رفع معدل الضريبي على شركات الأموال من 15 الى 17%
  حدا يوعيني شوي.. شركات الأموال يعني المصارف والشركات الكبيري،
  ما بعرف نقلب المقايس،
  هيدي اليوم يمكن عم تزقف، ارتاحت
• رفع معدّل الضريبة على ربح التحسين اللاحق بأصول الشركات من 10 الى 15%،
  وفرض ضريبة على ربح التحسين العقاري بنسبة 15%،
  منطلع بالآخر هيدي الشركات كمان للفقرا،
  ربحنا.. !!
• الغاء التخفيض الضريبي على توزيع الشركات المساهمة التي تودع اسهما بالبورصة،
  ما بعرف مين بحطّ اسهمو بالبورصة؟؟ الفقير!!!
  هيدي الشركات كانت معفية لمعلوماتكم، لأوّل مرّة لحتى نحفزا ونشجعا مطلعين قانون سابق باعفاءا، حتى تجي تكتتب بالبورصة،
  اليوم قلنالن: تشجعّت كفاية، معليش خليها تشجعنا شوي في ناس،
  ماشي الحال إذا ساهمت معنا مع الأرباح يللي عم تجنيها
• رحنا على فرض غرامات على مشغلي الأملاك البحرية دون مسوّغ قانوني..
  احترنا..
  كل الإنتقاد والحملات اللي نعملت من 7 سنين لليوم، انو هودي كيف تاركينن،
  وحيتان المال الموجودين بمجلس النواب..
  نسبة غرامات شطور بتوصل حسب وزارة المالية بحدود 800 مليون$
  والتمويل مرّة بكون، بعدان بتصير رسوم إشغال بتصير ب 150 مليار ل ل سنوياً،
  هيدي اليوم Bravo طارت، او يمكت تطير

رصد Agoraleaks.com

باحترام شديد لأ يا شربل نحاس ولأ يا جميل السيّد

باحترام شديد لأ يا شربل نحاس ولأ يا جميل السيّد