Agoraleaks Agoraleaks
– بقولولي أبونا المهم تصوّم لسانك، عظيم كتير يا زلمي، انت!!
مقتطف من حديث الأب الياس مارون الياس غاريوس في مجدلون عن الصوم:
- قديه مهم نقدر نحسّ كل يوم بحياتنا، انو فيشي ما بيقدر يتخلى عنو،
انو الإنسان بس يضيّع الطريق 1% قديه بيتعب - المشكلة اللي فينا اليوم كلنا سوا، مشكلة الإحساس والشعور والقيمة،
قديه منعطي قيمة لذاتنا..
اذا ضيعنا ذاتنا عن الطريق المستقيم، يعني ضيعنا ارادتنا وصرنا ناس بهالدني غايبين عن الوعي،
وفقدنا حريتنا - اذكر يا انسان انك من الله، والى الله تعود، وبس اعرف انو روحك الله ساكنة بجسدك، بتعرف انو عندك قيمة ما بتروح الى ابد الآبدين
- أوّل شغلة لازم نعيشا الحس الروحي، ومن بعدا الحسّ الإجتماعي، والتالتة الشعور بوجود الله اللي هوي بكلّل لحظات حبنا
- اليوم العالم ممتلكو ابليس، ولكن الله جعلك بطل،
بتقدر تكون سيّد العالم، أساليب الرب بايدك تَ تنوّر في العالم - الرماد هوي ظاهرة للتوبة، ومشكلتنا اليوم العظيمة اننا لا نطيع الله بأي شيء،
منطيع رغباتنا… وربنا عم قلنا ينكم يا ولاد - كيف بلّش حياتو يسوع حتى وصلّنا لقيمة دماتو؟؟
صام 40 يوم و40 ليلة، لا اكل ولا شرب..
واجا ابليس جربو، وقلو إذا انت ابن الله (قبضاي) شرّف حوّل الحجار وعملا خبز، كان جواب المسيح بأخر التجارب “لا تُجرّب الله الهك”… - يسوع بلّش سلطانو بالأرض بصوم وصلا 40 يوم وليلة،
وانتو إذا بتحبو تكون كاملين اعترفو بعضكم وحبو بعضكم،
بس تَ فيكم تحبو بعضكم وتغفرو لبعضكم، بدكم تصومو وتصلو حتى لا تدخلوا في تجربة
- يسوع قلنا في جنس من الشياطين ما بيطلع، الاّ بالصوم والصلا،
بالبداية كان من 12 ليل ل 5 بعد ظهر،
حرام الكنيسة لقت ولادا عجزة، قامو نيزلو الصوم من الساعة 12 ليل ل 12 الضهر حتى الشعب يقدر يصوم،
وبردو الشعب بعدو عجوز - يا الله دخيلك وجعني راسي، مش قادر
هيدي كذبة تاريخية.. لأنو وقت بتكون معصّب بتقعد بلا اكل كل النهار وما بتحسّ بوجع راس
علامة انك انت شخص اناني ومتكبّر بالك بحالك، مش بابن الله اللي فيك - ان كنت مسيحي تلميذ يسوع المسيح لازم تصوم،
بيوجع راسك اول نهار.. مزبوط بيوجع راسك، وانا بيوجعني راسي كمان،
كون بطل، وقول لراسك خراس، راسك بيخرس.. واطلع بيسوع، يسوع بعينك - ما حدا عندو عذر، لأنو يسوع المسيح خبرّك انو هيدا هوي سلاحك العظيم
- آبائنا القديسين بالصوم والصلا بنيو الكنيسة وجعلوها حرّة،
الله ما بيضحك عَ حدا، الله فاتح قلبو لكل انسان يتوب بزمن الصوم - بدّي آكل لحم، وبدّي آكل فاصوليا فيها لحم.. الصوم حالة الزامية، وبالصوم لا يؤكل لا لحم ولا بياض،
بتقولو شو بدنا ناكل يا بوناااا
بدك تاكل، عندك حمص وعندك فول، عندك عدس، عندك بندورة وخضرا وفواكه..
كول يا خيي مين مانعك تاكول؟
- ما تزعلو من حكياتي الوقحين، بس لازم نقول الأمور متل ما هيي، هيدا تعليم ربنا
ليش لأنو اللحم شي مهم لاق؟ لأنو اللحم بيعطي للجسم قدرة انك تعصّب بسرعة،
البروتينات بتقوي فيك الغريزة.. مش لأنو هوي شرير لاق، ابداً - خلينا نرجع لكنيستنا ولعقيدتنا، ما تتراخو.. انا وانتو بدنا نبقي بذواتنا رحمة الله وننطلق فيها صوب العالم تنقدر نسكر ونسكّرالعالم بحب الرب يسوع المسيح
الأب الياس مارون غاريوس: (الجزء 2)
- اختبرتو كلكن سوا الطب، واختبرتو العالم، والحضارة والثقافات، والزعما والدول وكلشي،
من منكم طلعلو شي؟ مين منكم اخد زوادة من شي؟ - الزوادة اللي اخدا وحدي، هيي تعب النفسية، قلق، وجع ضمير، ودوا اعصاب، وضياع..
- صار لازم نكتشف اخوتي، انو ما حدا بيقدر يشفي نفسك، الا ما تكون متحّد بيللي حبّك وعطاك ذاتو..
- بدك مال خود.. بس بتهلك نفسك، وبتتعب نفسيتك،
بصير بدّك حرس (bodyguard) وكل واحد بصير معو فرنكين، بدو حماية لأنو بطّل عندو الله بحياتو يحمي
- انتو بحد ذاتكم يسوع الله اختاركم مسكن لإلو،
يسوع الله تجسّد حتى يقول كلمتين: انا احببتك، وحبو لالك جعل اجريه يمشو للجلجلة،
حتى يشفي كآبتك، يسوع مش مصرّ انو يدينك بخطيتك ابداً،
بدّو يشفيك من خطيتك.. مين اللي بدينك؟؟؟ الشر اللي فيك - متل اليوم مين بريّح شبابنا.. الـ(Night-Club) مين بيسعدن “البارات” !
مين بثقفن؟؟ الزعما - بزمن الصوم شعبنا المسيحي، بقلي بترجاك، الإيمان مش هيدا يا أبونا.
المهم تصوّم لسانك.. مين خبرك يا حبيبي مين؟؟
انتا عظيم كتير يا زلمي؟؟ انت تلميذ يسوع بدّك، تحكي عَ الناس!!
انت تلميذ يسوع المسيح بدك تحكم على غيرك؟؟؟
احترمو اجسادكم يللي الله احترما، وسكن فيها، وانتو مش عم تحترمو أجسادكم، لأنو بالكم بالكبريا والأنانية وبالحسد والغيرة،
اوعا تزعلو مني - يسوع خلّص الإنسان من حالة المرض وعطاه الصحة الروحية والنفسية أولاً والجسدية، وإذا بتبعدو عن يسوع بتمرضو نفسياً وجسدياً
- يسوع ظهر على الرسل بالعليّة، وقلن كلشي بتربطو للبشر يُربط، وكلي بتحلّو خطايا تُحلّ
- الصوم اللي صامو يسوع، هوي صوم رفض لقيم العالم،
لأنو يسوع قلكم: يا ولادي انتم لستم من هذا العالم،
انو تساير بيّك وما تصوم، لأنو الـ”Papi” بيزعل؟؟ يقبرني بيك حبيبي.. - مع المسيح ما بيتساير لا بيْ، ولا امْ، ولا اختْ ولا خيْ، ولا رجال ولا مرا..
المش عاجبو يدق مخو بالحيط، أو يفلْ عن يسوع…
بقلولي حل وسط..
الله ماعندو حل وسط.. ارفضو رغبات العالم واغراءاتو، ما تستحو بمسيحكم.. صومو،
ماتقولو، انا صايم، والساعة 12 بدي آكول.. كول صحتين حبيبي
يا قلبي الله ما عندو موعد للصوم.. عندو حب
رصد Agoraleaks.com
