خاص بالصوت هلا المر وكواليس برنامج 24/24 لداليا فريفر: شتغلنا وتعبنا ولقينا.. (Audio)

– للأسف في ناس حذفت الاسماء لأنو بتغار، وقنعنا الضيوف انو بتوصلو فكرتكم ب15 دقيقة

الإعلامية هلا المرّ وكواليس برنامج 24/24 للإعلامية داليا فريفر:

• طلعت الفكرة من 6 أشهرن وعرابتها السيدة جاكلين جابر أبو عقل (امينة سر المجلس الوطني للإعلام)،
  عرضت عليّ اشتغل معا،
  وحبينا نساعد داليا فريفر بهالتجربة، مش لأنو ضريرة، لأنا ذكية وشاطرة وحلوة
  لأنو البرامج التلفزيونية بدها شخص حلو

• هالتحدي بقوّي ذوي الإحتياجات الخاصة، انو ما يوقف طموحن عند حدود معينة
• بلشنا نشتغل أنا وجاكلين، ونسقّت العلاقة مع “غينيس” السيدة غرازييلا أبي خليل
• شهرين كنا عم نحضّر ونركض،
  حضرنا كل الأسئلة، تعاوننا مع أسماء كتير مهمة، متل
  عبد الهادي محفوظ (رئيس المجلس الوطني للاعلام) وغيره الكثيرين أمثال الإعلامي بسام براك..
  وكذلك تبنى  وزير الإعلام ملحم رياشي البرنامج
• والضيوف تنوعت لتطال جميع المجالات، من مفكرين وفنانين وسياسيين ورجال اعمال واعلاميين ومصممي أزياء..
• كتير شتغلنا تنقدر ننسّق، ولنقدر نقنع الضيف اللبناني انو حسب القوانين،
  اللبنانيي ما بيقبلو يطلعو 15 ساعة، بيعتبرو هيدا مش كافي
  والواحد بيقدر يقول اللي بدو يقولو ب 5 دقايق
• شتغلنا وتعبنا ولقينا
• كسرنا الرقم القياسي بـ 12 ساعة ومقابلة 45 ضيف
  نحنا عملنا “الدوبل” لأنو السيد طلال مقدسي (رئيس مجلس إدارة تلفزيون لبنان ) اعطا الإذن لفتح الهوا 24 ساعة

• هيدا اكبر بث برنامج تلفزيوني مباشر حصل،
  نشالله يعطي آمال لكل الناس،
  لأنو انت بتعرف لو عملت عمل حلو بلبنان،
  بضل في حدا بغار وبحاربك
• شغل الإعداد التلفزيوني صعب
• الأصداء ايجابية، وبدأنا نلمس ذلك من خلال الإعلام، سيما من الذين يعملون بموضوعية،
  للأسف في بعض وسائل اعلام حذفت اسماءنا ( المر – أبو عقل)
  وبالنهاية أي عمل بكون نتيجة فريق مش شخص أو شخصين أو حتى تلاتي،
  ونحنا كأشخاص ما تطلعنا للأمور المادية، لكن الحق المعنوي حلو
• بشكر السيدة جاكلين جابر أبو عقل للمبادرة المهمي
  وكان التحدي كبير، وممنوع ما ننتصر، كون التحدي على الهوا
• نبسطنا لأنو نجحنا، وخاصة بس يكون العمل والهدف إنساني
  بتحس انو الله مهديك بايديه، وبيمشي الحال
• نسقنا مع الضيوف، انو السياسيين ورجال الأعمال بالنهار،
  والفنانين بالليل، كونن معودّين يسهرو بالليل، ومنن خلصو حفلاتن ووصلو
  وزبطت معنا
• أصدقاء داليا فريفر بمجالات عديدة اخدو أوقات بالليل لأنو بحبوها، وبعضن اجا من ميروبا رغم الطريق مجلدّة
  وقدرنا ب 24 ساعة نستقبل 91 ضيف،
  والفوز تحقق من 12 ساعة و45 ضيف..

***

انتصر الإعلام اللبناني بوجهه النبيل…
وانتفت الحجّة التي تقول أنّ البرامج السيئة هي التي تجلب الإعلانات،  فهذه الحجج هَزُلت، و”باخْت”… ولم تعد صالحة للتسويق…

فشكراً من الموقع.. للإعلامية داليا فريفر وفريق عمل تلفزيون لبنان والإعلامية مي المر والسيدة جاكلين جابر أبو عقل،
كسرتم النمط السخيف المبتذل وانتصرتم …

ومعكم انتصر لبنان الحضارة والأنموذج النظيف،

فهنيئاً للبنان بكم، وهنيئاً لتلك البقعة المضيئة التي انطلقت.. لتعيد للجمال رونقه..

Agoraleaks.com