Agoraleaks Agoraleaks
- بخبرو عن رجال تنين، كانو فاتحين دكانتين حدّ بعض.
الأول ببيع خلّ . والتاني ببيع عسل. - كل الناس كانو يشترو من بيّاع الخلْ. وما حدا يشتري من عند بياع العسل !
فكّر بيّاع العسل وقال:
يمكن بياّع العسل، يمكن غلى العسل هوي اللي عم يبعّد الناس عنّي..
لازم رخّص السعر حتى يصير متساوي مع الخل - هيك صار بس ضلو الناس يشترو من محلّ الخل، وما حدا يجي لعندو
قرّر يزور صديقو تيفهم شو السرّ…
بركي بلاقي حل لمشكلتو - سأل جارو بياّع الخل: ليش الناس بيتجمعو عطول عندك، مع انّو الخلْ طعمو وريحتو كريهة!
انا بيع العسل ريحتو حلوة، وطعمو طيّب، بس ما حدا بيجي لعندي! - جاوبو بكل بساطة، بلسان عسل
وانتا بتبيع اعسل بلسان من خل
الزوادة
- لسانك حصانك، اذا صنتو صانك، إذا خنتو خانك
لازم انا وانتا نفكّر انو بالكلام الحلو منقدر نحتل الممالك والقلوب يللي ما ما منقدر نحتلا بكل انواع الأسلحة
الله معكم
