بالفيديو – الأب مروان خوري: بفتخر بشعبي إنو مؤمن ولبنان بكل طوائفو شعب بصلّي.. في عجيبة عايشها لبنان رغم القرارات الدولية لّ تكسرو عَم يبَرعِم للحياة (Video)

📌 لمّا خِربِت الدنيي بلبنان.. صارت المساعدات ما أعرف من وين تِجي.. والرب هوِّي يللي عَم يِبعت..
📌 إذا كنت متكلّ على الله وبتصلّي وبتعتبري الله أمانتك.. بيِبعَتلِك كل شغلة عَ باب تمّك..👂🙏
📌 مع يسوع بدّو الرب ما نِعمِل حسابات “business” بدو حسابات إيمان.. حسابات عقلي 5 أرغفة وسمكتين مكسيموم بِطَعمو 3 رجال.. وساعة الله بدّو شغلة حتى بيجُبر أعدائو يكون خاضعين الو ويتمّمو مشيئتو..

• اليوم ما بقا في ضوابط عند الإنسان، وصاير وقح ومُستبيح الأرض كأنو ما عندو مرجع فيها.. 😏
• الرب صَح رحوم وشفوق بس كمان أبوته الها حدود.. محبتو ما الها حدود للضعيف، وللخاطئ، بس إنسان بطّل حاطِط حدود لشرّو، وبطّل يعرِف حجمو.. هون رحمة الله رَح توقَف.. 🤫 والرب رَح يسترّد الملك منُن، ورح يعاقبُن.. ⚖️
• الخطية هيّي لعنة، من هون لازم الإنسان يتحرّر من خطاياه، وسبب اللعنة خطايا نايم عليها.. 🤐 ولازم توب وكفّر عنّا بقلب نضيف مش بتجارة مع ربي.. إنو بترُك الخطيّة شو بتَعطيني مقابيلا.. ✋

(2- لبنان) 🇱🇧

• في عجيبة عايش فيها هَالبلد.. رغم كل القرارات الدولية على البلد إنّو تكسرو وتزيلو، بتلاقي عم يكسر الموت وعَم يطلَع ويبَرعِم للحياة.. وهون أنا بقول هيدي إيد الله معنا.. 🙏
• أنا بفتخر بشعبي، إنو شعب مؤمن، ولبناننا بكل طوائفو شعب بصلّي، وشعب عندو مرجع الله، رغم إنّو في أصوات من الأشرار كتار صارو..
• لمّا خِربِت الدنيي والإقتصاد بلبنان، في كتير ناس كنت ساعدها بالقليل المُتاح.. صارت المساعدات ما أعرف من وين تِجي.. وساعد الناس بِ يَللي قادرين عليه. ومش أنا يللي عّم أمّن، الرب هوِّي يللي عَم يِبعت..
• العالم عم يجرّب يفضّي هالبلد حتى يوصلو للحضيض، وربنا بوقت المحنة إذا كنتي فعلاً متكلّة عليه وبتحبّيه، وبتصلّي وبتعتبري الله هوي أمانتك.. بيِبعَتلِك كل شغلة وكل حاجة على باب تمّك.. وإذا حدا قلي ابونا صلينا وحطينا أمانات بين إيدَين ربنا والمشكلة عَم تزيد.. ما يطلبو مني جواب..👂
  انا بجاوب عن حالي.. انا عندي علاقتي مع ربي.. وكل شخص عندو علاقتو مع ربو.. أنا ما في مرة بصدق دقّيت باب ربي، الاّ ما لقيت كل يللي عايزو.. طبعًا أنا إنسان وبحاول إغلب كل خوفي بقعدة مع يسوع وإطرح عليه كل الصعوبات..

(3- منطق الله وبونا يعقوب)

• نتذكّر أبونا يعقوب بس إجا حتى يعمّر هالأمبرطورية يللي عمِلها ويللي بتِإوي أقوى أنواع الأمراض وأصعبا.. في دول بتِعجز يعملو يللي عِملو..

نشوف من وين قلّع❓وشو مقدرتو المادية❓منلاقي قلّع من تحت الصفر.. زلمي ما بيِملُك فرنك..❗منطق بشريتنا ما حدا بيِعمل يللي عِملو، لأنو منطق عقلنا منطق الـ”Business” ولكن مع يسوع بدّو الرب ما نِعمِل حسابات “business”، لازم نِعمِل حسابات إيمان.. حسابات عقلي 5 أرغفة وسمكتين مكسيموم بِطَعمو 3 رجال.. وساعة الله بدّو شغلة حتى بيجُبر أعدائو يكون خاضعين الو ويتمّمو مشيئتو..

• الرب بيتعاطى مع حريتنا المشاكسة وحريتنا الشريرة وحريتنا الهربانة يللي ما بدها تمّم إرادتو.. بيِمشي معا وبيِنصحا وبيِبعتلا علامات كتيرة، وبيَعطيا الشفقة علها تغيّر رأيا وتِرجعلو..
• نحنا منحصر الحل ضمن الأرض، عَم يقلي الله في حل خارج الأرض.. نجرّب نتطلّع فيه.. فقط الشافي ويللي بيَعطي ضمان لمستقبلي، هوي حضور الرب فيّي..
• الله بيطلّع عَ حاجياتي الجسدية، بس عندو أولوية تكون حياتي الأبدية مخلصّة ومضمونة.. مش يكون في عليها خطر.. وساعتها بيرجَع عَ حياة الجسد إذا في من حاجة..
• كل غايات الرب إذا إقترح العجائب والأرضية أن ينقل الإنسان ويصير عندي هدف بحياتي أن أطلب السما والملكوت..
• منشوف صلوات الناس كلها مركزّة عَ: الأكل والشرب والشغل والصحة والمستقبل والولاد ودرسُن.. بعدنا عَم نشتغل بالعجيبة.. والعجيبة بتخلُق عنا حماس بشري ما الو طعمة.. والرب ما بدو من العجائب شعبية.. ولا بدّو إستعراض، ولا جايي يِعملّي خوارق حتى يفَرجيني إنّو قديه بِقدِر إعمل..
• غاية الرب يخلّص الإنسان.. واليوم العالم بفاقة وبعوز لأنّو ساعة منصير هالقد منجهل الرب بحياتنا.. يعني قربنا عَ سدوم وعمورة بالطريقة يللي عايشينا.. وساعِتها الرب عندو طرقو حتى يوعينا..
• الرب سهران على شعراتنا.. حاجياتنا نصب عينيه، ومن قلبو بدو يعطينا لأنّو بدنا نعيش بكرامة.. ليه اليوم في ذل للإنسان؟؟ لأنو مش عَم يعرِف يطلب.. وما عَم يعرف يِفتَح قلبو لَ الله…
• الأم تريزيا دي كالكوتا خبرّت مرّة، إنّو كانت تلمّ من الناس الأدوية يللي مش عايزينا.. يعني متل شخص كان مريض وعَم ياخود دوا، وشُفي.. بقي من الدوا جزء قليل.. فكانت تلمّ هالأدوية..
  فبيِقصدها زلمي مريض.. وكانت السلّة بعدا واصلة.. قلها، صرلي شهر عَم إبرُم عَ دوا عايز منو 28 حبة.. ومش بمقدوري إشتريه.. وعَم دق البواب.. تطلعّت الأم تريزيا بالسلّة ولقيتو دغري ولقيت 28 حبة وكأنو ربنا عم يقلنا هيدا الزلمي أنا عارف إنّو جايي..

✏️(الخلاصة)✏️

• نروح صوب ربنا بتوبة لأنو بحبني وبحبو، وأعرف إنو الحب لَ الله هوي يللي بردّ البركة عَ حياتي وبشيل لعنة الخطيو من حياتي..
• ربنا بيَعطينا حاجاتنا إن كنّا نؤمن به