Agoraleaks Agoraleaks
وصية الإبن تحققت، مش المهم التعب، المهم النتيجة سيارة الإسعاف جاهزة..
مات بسبب ما كانو يجو ياخدو على المستشفى.
بعد عرض قناة الـ”NBN” تقرير عن ام عباس اللي كانت عم تجمّع الألف ليرة ورا الألف ليرة، تَ تشتري سيارة اسعاف، واليوم حلم ام عباس تحقق.
ام عباس وعدت ووفيت. ووصية عباس عم تتحقق، وحق سيارة الإسعاف تأمّن.
أم عباس امنّت 8 ملايين ليرة… وهالمبلغ ما بينعدّ بقيمتو المادية بينعدّ ع قدّ تعبا وسهرها وسيرها بالشوارع لتأمنو
ام عباس طلب وتمنّي، الطلب يكون النائب هاني قبيسي يكون حاضر معا، والتمنّي انو السيارة تستلمها لجمية الرسالة للإسعاف الصحي.
تقول ام عباس: بدي جيب اسعاف لأنو ابني عندو وصية، لأنو تضايق بالإسعاف، وهوي هلق بكون نبسط.
النائب قبيسي تعرّف على الحجّة، وقال: الشعور النبيل اللي اعتبر من معاناة انسان، ما نقلتو سيارة الإسعاف بشكل صحيح، خلّى ام عباس تتعب وتجتهد ليكون في سيارة اسعاف سليمة إضافة للموجودين عندن، وبذلت جهد كبير لتشارك بسيارة اسعاف، وهيدا الشي مشاركة بعمل انساني ان بنقلالجرحى والمرضى واي انسان محتاج.
وتقول ام عباس: ان هذه سيارة الإسعاف هي في خدمة المستضعفين في الأرض.
من جهته مفوض عام جمعية الرسالة للإسعاف الصحي: السيد علي عباس القيمين على السيارة يعتبرون السيارة صدقة جارية، وهي ستكون في خدمة المجتمع.
فرحة ام عباس لا توصف: مش المهم التعب، المهم النتيجة سيارة الإسعاف ح تكون جاهزة.
https://www.youtube.com/watch?v=yWk0eSJLO10&feature=youtu.be
