بالفيديو – الأب مروان خوري: العدرا بمديغورية وفاطيما أكدّت لا حرب عالمية ثالثة تدمّر الأرض.. فناء الأرض والحياة والخلق بيد الله لا الأشرار..(Video)

– ليه الرب سامح لفئة وأشخاص معدودين يدمرو شعوب.. ليه ما بوقفهُن..؟؟
– وقفو مَرجلِة عَ خالقنا.. وقفو تباهى بخطيّتنا.. وإنّو أنا كافر.. للأسف رغم كل نداءات العدرا، وصراخا لَ نعود لله.. بآخر رسالة للناس حذرّت *”ما في مستقبل النا إذا ما رجعنا لله”

---

(1- الصوم)

• الصوم يحررنا من التشويش، عندها نسمع صوت الله
• سر ضياعنا وخوفنا، مش عارفين مصيرنا شو بدو يصير فيه..!! من هون لما إقرا إرادة الله من خلال الأحداث بطمئن.. ولمّا بتنكشف الرؤية بيختفي القلق والخوف، وبيِرجعلنا الرجاء، لأنو منصير ماشيين عَ نور 🔥 وإذا ما في نور 🕯️ ما بتقدري تحطي إجرك.. اليوم عالمنا ماشي بالظلمة..

(2- العدرا تطمئن)

• أحلى قعدِة نِقعدها مع العدرا يللي عَم تخاطبنا.. لأنّو عَم تنقلنا إرادة يسوع
• بدّا منّا ما نخاف.. لو شو ما كانت الأحداث.. العدرا الها 41 سنة عَم تظهر بمديوغورية، مش حتى تخلّي الشر يربح..
• كلمة قالتها العدرا بفاطيما ورِجعِت رددتها بمديوغورية.. الله لن يسمح بحرب عالمية ثالثة، لأنّو الحرب العالمية الثالثة تُنهي البشرية.. والله خالق الكون، وهو لن يسمح بانتهاء البشرية على يد إنسان شرير..
• البشرية يتحكّم فيها الله الخالق، وهو من خلقها وبيده إنهائها.. ويُنهيها وفق مخططه، ومن أجل خير الإنسان..
• أطمئن الناس، لأنّو وسائل الإعلام صايرة تنشر أخبار مغلوطة تخويفية، ويتمّ نسبها للعذراء مريم..

(3- س: قديه في صراع بين إرادة الرب وعمل الشيطان❓)

• الصراع هو عَ إرادتنا.. نحنا البشر حقل الصراع.. الرب هو منتصر ولا يستطيع الشرير أن يُجربّه.. بتقدِر العتمة تقرّب عَ النور 🔥.. ما النور يُبددها بلحظة..
• لمّا تجسّد الرب.. قرّب الشيطان عليه كإنسان.. عَ جسدو يللي لابسو.. جرّب يحاربو بجسدو.. وشاف مقاومة رهيبة.. وما كان شايِف الألوهة يللي مخباية بالجسد..
• الشر اليوم يلعب على حريتنا..

(4- إرادة البشر)
وللأسف اليوم منشوف الإنسان يتعامل بوضوح وبوعي مع الشيطان، وما بدّو إرادة الله..

• الله مش موضوع للمَرجلة عليه.. الله خلقنا حتى نحبو ونعبدو ونحترمو..
• شو راسم الله للحياة.. أنو نكون يوم من الأيام إبن الو معو بالملكوت..
• إرادة الله مش تعذيبنا.. والله بدّو حتى يوصلني على الخلود، بدّو ينقيّني.. بدّو ينضّفني.. ما جايي لعندو ملوث.. والشيطان فالح فيّي فلاحة بالشر والجيّة..

(5- س: ليه الرب سامح لفئة وأشخاص معدودين، إن كان بلبنان أو بالعالم يدمرو شعوب) ⁉️

• الرب بالإنجيل بقلنا، في زارع زرع قمحًا.. أتى في الليل العدو وزرع بين القمح زؤان… ولمّا نبت القمح بيّن الزؤان.. قالولو الرسل: أطلق يدنا لنقلع الزؤان..‼️

قلُن يسوع: لاق، تركوهُن ينمو معًا.. وعند الحصاد آخذ القمح عَ إهرائي، والزؤان عَ الحريق الأبدي..

• الرب شايف الشرير مع البريء.. يمكن الصديق يصرخ، إنو ليه ما بيتدخّل..؟؟
• الرب من خلال ألمو للصدّيق عندو هدف.. ما الشرير بنظر الرب هوي كمان إبنو.. والله عَم يِنظرلو كإنسان ضايِع.. متل كيف كان قلبو شِفقان على الإبن الشاطِر بس ترك البيت..
• هون منعرِف ليه قال المسيح عَ الصليب ♰ إغفِر لهم 🙏 لأنو بدو يفتَحلُن مجال للتوبة..
• صحيح إنّو قلّة قليلة عَم يخططو.. لأنّو تلات أرباع البشرية هم ضحاياهم.. الرب لا يتدخل لإزالتهم.. لأنّو الرب لا يواجه الشر بالشر..
• الرب يحوّل شرّ الشرير على البريء والمظلوم، ليُطفئ شرّه..

على الصليب ♰ قوة الألم يللي تعرضلو الرب بصلبو حولّو شفاء لحقد البشرية..

• “البزقَة يللي بزقها العبد بوجّ يسوع، شِفيِت دموع يللي بتسببّها الألام لدى البشرية*
• المسامير يللي ندقِّت بإيدين الرب يسوع، ردّت الحرية للإنسان المُستعبد من الخطيّة
• الحربة يللي طُعن بها جنب يسوع وقلبه، شفيت الحب المُنحرف للبشرية...
• مسامير يللي سمرّوا إجريه، شفيِت إستقامة السيرة تبع الإنسان.

الله لا يقاوم الشر بالشرّ..

(6- رفض لله)

• للأسف تلات أرباع البشرية ما حابي ترجع لَ الله.. هَمّ الناس يملكو بهيدا العالم، ويطَلعو مصاري ويلبوّا شهواتُن، وأكل وشرب..
• للأسف رغم كل نداءات اللي أطلقتها العدرا، عم تصرّخ أن نعود لله.. بآخر رسالة للناس قالت “ما في مستقبل النا إذا ما رجعنا لله”
• الحياة بقرار من الله.. وقفو مَرجلِة عَ خالقنا.. إنّو نتباهى بخطيّتنا.. واتباهى إنّو أنا كافر.. وإتباهى بلعن الله بلساني، وعطاني حياة حتى مجّد الرب بلساني وأعمالي.. مين عَم يِتمَرجِل عَ مين.. نحنا كلنا غبرة.. والله خالق الكون وهوي سيّد الحياة.. وحياتي منّو وإستمراريتي منّو..