بالصوت والفيديو عن الصورة اللي تنبأ لها العماد عون عام 2014 وأعلنها في توقيع كتاب “وحدك كتار” (Audio+Video)

حبيب يونس: آآآخ شو هـ الحمل الكبير فخامة الرئيس

معلقاً الشاعر حبيب يونس على كلام العماد ميشال عون (رئيس الجمهورية) خلال توقيع كتاب “وحدك كتار” في حزيران 2014، قائلاً:

آآآآآآآآآآآآآآخ شو هـ الحمل الكبير يا فخامة الرئيس:

وممّا قاله الجنرال عون:

• أخواني وأحبائي، دايماً بشعر بالإرباك بس بدنا نحكي بعد حبيب يونس ورندلى جبور، الإعلامية المفوهة، والشاعر  اللي بالفعل بيقدر يعطينا الصورة اللي فيها كثافة الشعور، اكثر من أي انسان يتصور.

• بالتأكيد عطاكم لمحة عن حياتي الخاصة وقت كنت صغير، عم بلعب ببساتين الليمون
• منشكرك بهالصور الجميلة اللي عبرّت فيها عن حياتي
• اكيد موضوع الكتاب كتير جميل، إرخّت فيه حقبات بشعر جميل، وفيه الدم، وفي الدموع، وفي الألم، وفي الأمل
• والأمل بدأ يتحقّق لأنو الحق ما بموت

• بس نحنا بدنا نحكي عنك كمان كلمة كتير حلوة، وقت عزّت الكلمة، وعزّت الشهادة للحق كنت تقول الحقيقة بآنيتها، وكانت تكلفك الحبس
• ما كنت هيداك الشخص اللي بحطوه بالحبس وبيتربّى، كل ما تطلع من الحبس تزيد تمرّد وتزيد عناد، وهون عظمة الإيمان بالقضية وعظمة الدفاع عنها والتمسك فيها اكتر
• بالفعل كنت نموذج لكل الشباب يللي واكبوك، وكل مرة كنّا نلتقي فيا بالصوت، كنت حسّ على انّو كلامك، كأنّو جبل بيتكّو عليه هالشباب المناضلين، وبيناتن اليوم كلن زايرين السجن تقريباً، وصارو نواب ووزرا، و تخرجو من كل جامعات السجون في لبنان، ونقلوهم من محلّ لمحلّ

ولكن بالفعل كانت تجربة كتير عظيمة بالنسبة لالن، وهنّي عندن ادراك أكتر من غيرن بانّو ما فيشي بيجي على الهين، والنقّ بزوايا البيت أو بالإنفراد أوبأي محلّ ما بيعطي نتيجة

• صوت الجماعة هوي اللي بيهدر وهوي اللي بيغيّر، نحنا اليوم ناقصنا هالإلتفاف حول هالبرنامج العاملينو للإصلاح والتغيير، والاّ بكون متل ما بقول مار بولس “إذا المسيح لم يقم، فانّ ايماننا باطل”
• إذا ما قدرنا حققنا التغيير والإصلاح، كل جهدنا باطل صار
• بدنا ياكم تضلكم واعيين لهالحقيقة هيدي، نحنا اليوم عايشين بكوما
• اليوم اجت على بالي صورة، صورة متل كأني عم بحلم ووعيت.. تصورّت حالي، أو تصورّت لبنان وكل اللي عم يهتمو فيه من برّا، تركوه وفلّو.. وصار لبنان مستقل غصبن عن اهلو، لأنو ما بقا في حدن عم يتدخل معن

https://www.youtube.com/watch?v=i0tOH0vpnvA

صرت فكّر قديش منكون معترين لأنو ما رح نلاقي ناس رح يعرفو يديرو بلدن، لأنو ما حدن عم يوجهن

• نحنا وقت اللي منحكي، منحكي حتى نخبركم الحقيقة،
  أحيان بيفتكرو كلامنا خطاب سياسي، منبتغي من ورا توجيه،
  لاق مش توجيه نحنا عم نعطي معلومات، وعم نخبّر عن الحقائق يللي نحنا عم ندركا بالحكم
• نحنا اليوم معرضين لكلّ السهام، ويمكن خصوم لكل الموجودين بنظام الحكم.. ليه؟
• لأنو الحكم مهتري وما فيشي بيوقف على اجريه..
• ما فيشي اليوم، الحق ضايع.. واّية كلمة حق بتضيع بتطوّق، والبرهان على ذلك الفساد اللي حكينا عنّو

• بأيا بلد بالعالم، ما بضلّ حدا منن برات السجن، حتى اللي بيهرب، بيعملولو مذكرة استرداد من أيا بلد، وبيقدرو يرجعو
• لا القضاء تحرّك. لا المسؤولين تحركو. ولا حدن تحرّك؟
• بالواقع لو نحنا منخاف كنا كنا خفنا وسكتنا، ولكن لا منخاف ولا رح نسكت
• ونش الله بتشوفو بالقريب العاجل الإصلاح والتغيير عم ينتصرو