Agoraleaks Agoraleaks
مشكلة الكتائب انو ما بيحتكمو لإستطلاعات الرأي وبقيسو حالن عقياس الستينات !
مقتطف من حديث النائب السابق سليم عون في حديث الى قناة الجديد، مع الإعلامية كاترين حنا:
- لا يمكن تحليل نتائج الانتخابات البلدية واسقاطها على الانتخابات النيابية، والاّ في هذه الحال نرى حركة امل وحزب الله اضعف قوة لدى الفريق الشيعي!
في ضيع كانو متحالفين وخسرو، هل معناتا ما بمثلو الأكثرية بطايفتن؟
نحنا منعرف شو الخصوصيات اللي بتتحكم بالبلديات - منشوفن منقسمين بالبلدية، منلاقيهم صف واحد بالنيابة
رداً على سؤال عن الكتائب وانو في حدا عم يلغيهم
- لنفترض انّه في بشري في مقعيدن نيابيين، سموهم القوات، وفي تيار ببشري ولكن حجمن ما بيسمحلن يكون عندن نايب، بقول التيار عم يلغوني ببشري؟
- اليوم نحنا والقوات متفقين وما بدنا نسمّي ونستبق الأمور.. في محلات عنا الأكترية واوقات عندن حجم معيّن بياخدو قد حجمن. والعكس صحيح. وهيدا الاتفاق بيننا وبين القوات
- في افرقاء آخرين عندن حجم، ما جينا ببيروت لغينا الوزير فرعون.. الاتفاق بيننا وبين القوات منو الغائي لحدا.. ممنوع نتفق مع القوات لازم نضل نخبّط بعضنااا
- هنّي حساسين (الكتائب) .. في استطلاعات رأي هيي اللي بتحكم. في محلات يمكن الكتائب هني اقوى منا تنيناتنا، وبمحلات بكون العكس.
- المشكلة عم تكون مع الكتائب اللبنانية انو ما عم يقبلو بفكرة انو تلتجي لاستطلاعات رأي، وشو بتعطي هالإستطلاعات منلتزم
- ما في الواحد يكبّر حجمو، أو يقيس حجمو عما كان بالستينات والسبعينات
عن أهمية قانون الإنتخاب
- عن نشدّد ع قانون الانتخابات وعم ننسى الأهم فيه الإصلاحات، متل الورقة المطبوعة سلفاً ومتل موضوع المنتشرين ونحجزلن مقاعدهم
- موضوع اعادة توزيع المقاعد، واذا ما قلنا إعادة العدد اللي لازم يكون 108 نواب مش 128 نائباً
- ما عم نحكي عن أهمية الرقابة المالية والإعلامية.. هودي إصلاحات حقيقية لازم يتضمنهم القانون
- في مسألة تمثيل السريان الأرثوذكس المحرومين من مقاعد نيابية
- ثقافة النسبية من شأنها تزيد عدد المقترعين، اليوم ابن القاع او البقاع الشمالي ما بروح يعطي صوتو وبقلك انا بتعذب وصوتي ما الو قيمة، وهيدا الشي منشوفا ببيروت التالتة، وبالجنوب وبعكار
- الأهم بالنسبية عامل المال.. (الوزير سليم صايغ يتحدث عن الدائرة الفردية) اليوم في دوائر فردية في ظل تقسيمات طائفية عم تروحي تشتري المقاعد شراية، صار كل واحد متمول بيشتري الأصوات ب 10 آلاف $ بيدفع حق الصوت، خصوصاً بوضعنا اللبناني، القانون كفكرة جيّد، ولكن هل يصلح ببيئة متل لبنان
- المال كيف بينقضى عليه.. النسبية هيي بشكل معين، عم تقضي على المال الإنتخابي
