نحنا وياكم والزمن طويل.. (بقلم سامر موسي)

بتقلّو بدنا نعمل سدّ بقلك منعمل بير.

بتقلّو بدنا معامل كهربا بعرقلك ياهن.

بتقلّو بدنا بواخر بقلك عمول معامل.

بتقلّو بدنا نمشي عالغاز بقلّك خلينا عالفيول.

بتقلّو منمشي عالفيول بقلك اوعى البيئة.

بتقلّو محرقة بقلّك مطمر ، بتقلّو فرز بقلك محرقة.

بتقلّو تعا نروح عالقضاء بقلك مسيّس وكيدي.

بتقلّو بدنا تدقيق بمصرف لبنان بقلّك بدنا ياه بكل لبنان.

بتقلّو بدنا رفع الحصانة عن متهمين المرفأ ، بقلّك بدنا نرفعا عن كل لبنان.

بتقلّو السوري محتل بقلّك صديق ، بتقلو السوري صار صديق بعد ما فل ، بقلّك صار عدو..

فاسد وبيتهمك بالفساد…

مهربجي وبيتهمك بالتهريب…

محتكر وبيتهمك بالاحتكار ….

عميل وبيتهمك بالعمالة…

المال معو والسلطة معو والاعلام معو والخارج معو …..

اما انت يا هالمواطن الصالح بتعرف مين معك ؟؟؟؟

معك عون الله وحزبو يلي رح يكسرو كل هالمعادلة بدأً من الخارج وصولا لازلام الداخل .

سْرقو هرّبو حَوّلو احتكرو تعاملو وتآمرو ، بالآخر رح توقعو من الطيارة متل ما غيركن وقع وما حدا لمّو..

وغدا لناظره قريب….