بالفيديو – الأب مروان خوري من مديوغورية: الإنسان اليوم بطّل يهمّو موضوع الله، وهالشي كتير خطر بالنسبة للعدرا.. (Video)

الأب مروان خوري (مديوغوريه ٢٧-٦-٢٠٢١)

شاهد الفيديو بالضغط هنا

(1- فقدان السلام) 🤔

• العذراء من أوّل ظهور الها بمديوغورية وعَم تِدعي للسلام بين الإنسان والله.. ليه عَم تِحكي هالكلام..؟؟

لأنو في قطيعة من الأرض مع السما.. الإنسان على الأرض بطّل يهمّو موضوع الله، وهالشي كتير خطر بالنسبة للعدرا.. لأنّو ربنا هوي يللي بيَعطي معنى لهويتنا..

شو يعني الإنسان..❓

نتطلّع بالشجرة.. الشلوح الطالعة منها بتاخود غذاءها من الجذع.. إعتبرو الشلح قال بدّي إنقطع عن الشجرة.. بدّي عيش لوحدي.. هيك الإنسان يللي بِقول بدي عيش بلا الله.. ما فاهم لوين رايح..!!

نحنا البشر ما النا حياة بلا الخالق.. متل ما الجذع بمدّ الشلح بالحياة.. الشلح أخضر لأنو عَم ياخود ماويته من الجذع.. من هون بقول ربنا بالإنجيل: “أنا الكرمة وأنتم الأغصان”.

الإنسان اليوم متل الشلح عَم ياخود قرار يفوت عَ اليباس.. عَم يفوت عَ الموت.. اليوم البشرية بأغلبها لاغية الله.. تقريبًا 80% من الناس لاغية الله. وبرأيي مديوغورية ميزان.. لأنو العذرا عطيِت هالرسالة عَ كل أصقاع الأرض، وتقريبًا بقداسات مديورية فيها كهنة من كل دول العالم.. ما يعني إنو رسالة مديوغورية وِصلِت لكل العالم تقريبًا..

قديه الأشخاص اللي تجاوبوا مع نداءات العذراء❓

من هون منَعرِف قديه في كمية بشر ما بَدها الله، وما بدها تسمع شي عنو..

(2- الخطيئة رحمة الله وعدالته) 😐

إنتبهوا الله رحوم وبَي.. لكن بالنهاية ما بيِقدِر يجبرك..!! الحرية شي مهم وأساسي بالنسبة للإنسان.. وإذا قالت لله ما بدّي ياك.. الله بيتعطّل عن العمل..

نحنا منفكّر لأنّو ما صلّينا الله قاصصنا.. إجِت الحرب..؟؟

تحليلنا كتير بدائي.. وطفولي.. الله لما قلّو للنبي ابراهيم بسدوم وعمورة، نزال شوف بالمدينة مين بدّو ياني..؟؟ نزل نبّش.. ما لاقى..!! 😐

قلو إذا في 50 شخص بتعفى عن المدينة..؟؟ قلو إيه..؟ 40 ما لاقى.. 30 ما لاقى..!! نزل معو للعشرة.. بس 10 أشخاص ما لاقى.. بقلو لإبراهيم إنسحب وأنا مِنسحِب معك..

مش الله ضرب سدوم وعمورة.. الله انسحب.. وإنسحب لأنو في حرية ناس قالتلو ما بدّي ياك..

بس إنسحب الله.. الشرير ناظِر.. ما هوي شو بيِمنَع الشرير يفتك فينا.. عندو رغبة للشيطان بتدمير الإنسان.. وقالت العدرا برسالتها الأخيرة، الشيطان قوي وبدّو يدمّر.. بدّو يشلّح النفوس مني.. ساعدوني.. يعني ما تخاف تحطّ همومك بين إيدين العدرا وإبنا..

في ناس بينقمو عَ يسوع.. مش مشكلة.. بتشكّ أوقات.. ما في مشكل.. المهم ما تِقطَع العلاقة.. ما توقّف تصلّي وتقدّس..

ليه بسمّوه الخطيئة مميتة؟

يعني الخطيئة تُميت.. الخطيئة شغلتها تفصلك عن الله. متل ما الشح بتفصلو عن الشجرة.. فات عَ اليباس.. ونحنا بس نُخطي منِنقطع عن إرادة الله… ندخل الموت.. لذلك لمّا إرتكب الإنسان الخطيئة صار الموت حتمي..

شو هوّي الصليب ♰ هوّي خشبة الخلاص أو شجرة الخلاص من بعد ما كانت شجرة الموت.. الخطيئة هيّي شجرة الموت..

الإنسان شو بميزّو عن اي حيوان.. الكلب والبسين غرائزهُن بتمشيهُن.. الإنسان الوحيد هندو حرية القرار.. وهيدي قيمة الإنسان بالنسبة لله.

للأسف اليوم صلت حريتنا لرفض الله. قرار الغاء الله من حياة البشر يؤدي بنا الى الموت والهلاك.. الخطيئة مش قصة أكل تفاحة.. الخطيئة هيّي لمّا بتوصَل الحرية على مطرح تقلو لَ الله ما الك معي.. هيك قرار كأنو شلح عَم يقول للشجرة ما الي معك.. ورَح توقَف الماوية.. ويروح الشخص اللي رافض الله لليباس والموت.

الشيطان كان موجود قبل سقوط الإنسان.. وهوي كائن حرّ (ملاك) أخد القرار برفض الطاعة لله.. ولكن الشيطان ما عندو مجال للتوبة.. ليه لأنو الملاك كامل.. وبالكمال يللي عندو ياه، ما عندو عذر بقرارو.. بينما نحنا كبشر ككائنات ناقصة إذا غلّطنا، عاطينا الله مجال للتوبة.

من هيك الشيطان بيلعَب بحريتنا.. بحاوِل يقنعها تاخود القرار متلو.. ميشان هيك، بس تجي تصلو.. في قوة غريبة بدها توقّف صلاتكم. بدها تغفيكُن.. بدها تنعسّكُن.. بدها تعرقل مشواركم على الكنيسة.. على القداس.. الشيطان شغلتو وعَملتو يقلك شو بدّك بِ الله. بوَسْوِس براسك..

وساعة الإنسان ما بيستسلم للرب، ما نفهم حكمة الله بأي صعوبة عَم نِمرُق فيها.. وهيك يمكن نصير نسمَع أفكار إبليس وساعتها مناخود قرارات متلو.. ومنصير نقول للرب: إنت مش موجود. لأنو لو موجود ما تركتني..

عارِف الشيطان مُسبقًا إذا الإنسان أخد قرار برفض الله، أدخله للموت.. وعارِف إنو الإنسان ما معو حق يرجع على الحياة.. متل الشلح اللي قُطع من الشجرة