بالفيديو – الأب مروان خوري للأب مجدي علاوي: أنت تستحقّ كل خير ونعمة من ربنا أد ما رحمت أشخاص كانوا عَ شفير الموت، وآويت أطفال كانوا مَكبوبين على الطرقات..

وأنا بَعرِف قديه عانى من إنتقادات لاذعة ومن أشخاص حاربوه ما إضطرّ هالشي يهرُب فترة هوي وعيلتو لقبرص.. رجِعت أيادي الشّر تلقطت بإبنو ولكن الرب سيحوّل الشر الى مجد.. 🙏 متِل ما تحوّل صلب يسوع على الصليب، وصار الصليب منعلقو برقبتنا وصار مبعث للمجد، وصار خلاصنا وحق خطايانا من خلالو. ♰

شاهد الفيديو بالضغط هنا..

---

(1- جرح الموت)✋

• الأب مجدي علاوي تحارب كتير.. أكيد جرح كبير فقدان ابنو، وشخصيًا تأملت شو سر يسوع تجاه هالكاهن.. ليه خلّلاه يدوق هالكاس… 🙏
• حسيّت إنّو العمل يللي عَم يِعملو الأب مجدي، بدّو دم شهيد.. ويمكن الرب إختار إبنو حتى يأسِّس لعمل ناجح.. موت الأبرياء شهادتهم عظيمة.. وتزرع بذور ثمارها وفيرة.. 🛐
• أصلي لراحة نفس “ماتيو” وبدها نعمة خاصة حتى العائلة تتخطّى هالمُصاب.. وهون لازم نوظّف إيماننا.. صعوبة الموت لا نتخطاها الاّ بالإيمان وخاصة شَبْ بريعان عمرو.. نعمة الله وحدها تُقوينا.. يمكن السما أحقّ بِـ”ماثيو”.. ويمكن يللي بيِقدِر يعملو من فوق أكتر بكثير من يللي بيِقدِر يعملو بهالأرض مع المخاطر اللي بتلفنا والصعوبات اللي تعترضنا.. ⚡
• لتتمجد إرادة الله.. وعزانا الكبير لأبونا مجدي وعائلته، وكل معارفو وأقاربو..🙏

(2- موت البريء) 📣
س: ليه سمح الرب بموت البريء.. سيما وإنّو أبونا مجدي عم يربح نفوس للملكوت؟؟

• الأب مجدي علاوي مش عم يساعد بس إجتماعيًا.. عم يشتغل روحياً بفتح طاقة وباب ليسوع لكل ضعيف.. وعَم يقلُن إنّو الطريق لازم نكفيها مع ربنا.. ومن يسلك هيدي الطريق الشرير رَح يسعى يجرحنا ويزعزع إيماننا.. ولكن الرب بالمرصاد الو، والرب بيَعرِف كيف يحوّل كل دمعة لمجد وفرح.. 🔥
• لا أقرأ الموت إنّو شر.. وهالشي مش يعني صرنا منِقبل الموت.. بعدو الموت جرح بخوّفنا.. وبزعلّنا وببكينا.. ولو الموت شرّ، ما كان تركو يسوع.. العدرا ماتت والقديسين ماتوا.. وكل يللي بحبّو يسوع ماتوا أبشع ميتة، فهل يا ترى كانوا أشرار.. ❓
• الموت شريعة حتمية للإنسان، والرب تَركو، وبسرّو الكبير لجم جموح الإنسان، ويوقِف الكبرياء تبع الإنسان.. 🤔
• الشرير اليوم قتل.. هلق وجه الموت بالنسبة للرب عندو حكمتو.. أكيد هالشي صار بسماح منو.. لأنو بالإنجيل مذكور كذا مرّة لقَطو الحجار بدُن يرجمو يسوع ويقتلوه، كان يجتاز في وسطهم، وما حدا قدِر يمدّ إيدو لأنو ساعته لم تأتِ.. ولما طلع عَ جبل الزيتون قلُن “أبي سمح لكم، لأن ساعتي أتت”.. ♰
• موت البريء دم̮و ما تتصوروه قديش ثمارو وفيرة للأرض.. وآلامو تُصبح خلاصية، لأنو دم البريء تُدمج دمائو بدماء الرب الخلاصية.. وتتحوّل الى دماء خلاصية وفدائية.. 📣
• موت الخاطئ ممكن تكون تطهير ولكن الرب لا ينظر عَ الأرض بخصوص راحتنا، عَم يتطلّع على أبديتنا.. من هون يسمح الله بآلام تطهيرية أو فدائية وخلاصية المهم الملكوت ما نخسرو.. لأنو هيدا الموت الحقيقي ما إلتقي بِالله.. وهيدا هوي الشرّ.. ✋

(3- بونا مجدي)* 🙏

• بونا مجدي واعي لهالحقيقة، من خلال كلامو يللي مغلّب الإيمان على العاطفة البشرية، وهيدي نعمة كبيري. وأنا كتير بحبو وبحترم شغلو، بعرِف قديه عانى من إنتقادات لاذعة ومن أشخاص حاربوه ما إضطرّ هالشي يهرُب فترة هوي وعيلتو لقبرص.. رجِعت أيادي الشّر تلقطت بإبنو ولكن الرب سيحوّل الشر الى مجد.. متِل ما حوّل الإرادة الشريرة بصلب يسوع على الصليب، حتى صار الصليب مبعث فخر ومنعلقو برقبتنا وصار مبعث للمجد، وصار خلاصنا وحق خطايانا من خلالو. ♰