بالفيديو – القربان أد ما نحترمو قليل.. الأخت كلارا: يسوع قلها للقديسة “بنينيا”: ما تفكري الإعتراف أقلّ قيمة من المناولة، بالإعتراف عَم غسلك بدمي..🙏

---

الله كَألله موجود وين مكان، بس الله كإنسان واله مش موجود غير بالقربان.. والمناولة بالإيد، عطِت مجال يتجَروَح يسوع كتير بجهل أو بجهل.. 🙏

شاهد الفيديو بالضغط هنا

(1- القربان المقدس)

♰ عندي حرقة بقلبي عَ القربان، بحبّ عرّف كل الناس، شو هيّي القربانة.. هيي يسوعنا يللي عاش عَ الأرض 33 سنة.. يعني هوي ذاتو يسوع اللي قام الموتى، وشفي المرضى.. هوي ذاتو ساكن بالقربانة..

♰ كتار بقولو إنّو الله وين مكان، ويسوع قال: اينما تطلبوني تجدوني.. الله كَألله موجود وين مكان، بس الله كإنسان واله مش موجود غير بالقربان 🙏

♰ يسوع بقلها للقديسو “بينينيا” حتى في العالم لي واحات أستريح فيها وسط الصحراء.. مين هالواحات..؟؟ هنّي ناس بقلب العالم، عم يعزوّلو قلبو ليسوع، وعم يرتاح بقلبُن.. ونشالله كل واحد منا يصير واحة لقلب يسوع..

(2- الإعتراف)

♰ س: شو أهمية الإعتراف قبل المناولة..؟
♰ ج: رح إحكي بأبسط الأمور.. بوعا الأحد ما الي جلادة روح عً القداس.. يللا معليه بلاها.. تاني أحد بروح عَ القداس.. بقرّب إتناول.. (ما في أحد ما كان الي جلادة إجي عَ القداس، والرب طلب منّي إحفظ يوم الرب، والكنيسة بوصاياها بتِطلُب مني القداس يوم الأحد والأعياد..

إذًا مطلوبالقداس.. ليه بدي إتناول وأنا في عليِّ دين…!

بقلها يسوع للقديسة “بنينيا”: ما تفكري الإعتراف أقلّ قيمة من المناولة، لأنو بالإعتراف أنا عَم غسلك بدمي..

وتاني يوم، هيي وعَم تعترِف، لمّا إجا حتى يحلّها الأبونا، طلعّت فيه، لقيتو يسوع.. يسوع بشخص الأبونا عَم يحلّها من خطاياها..

وبعد الإعتراف فَرجاها نفسا بيضا متل التلج، وقلها “يا بنتي أوعا تفكري، إنّو هلق أنا بحطلّك خطاياكي على جنب، حتى إذا ضعفتي ووقعتي فيُن بذكرك فيُن.. أبدًا مجرّد ما إعترفتي بخطاياكِ مَحَيتُن للأبد.. من هون نفهم سر رحمة الله..

مش الله رحوم يعني بعيش على ذوقي، وبكرا لمّا إطلع لعندو بقلي “أهلا وسهلا فيك” لو بلا حلّة العرس..(حلّة النِعمِة)!!

لو كانت خطاياكم كالقرمز فإني أبيّضها كالثلج.. تعني وقت بتِجو لعندي على كرسي الإعتراف مهما كانت خطاياكُن، قلبي بحر كبير خطاياكُن مش رَح يبينو.. هيدا بحر رحمة قلبي..

لذلك من بعد ما إتغسَّل بجسد الرب، بروح باخود جسد الرب بايمان… بلا إيمان بروح وبِرجَع ذات الشي..

الله منّو مايع عدل كمان.. ما فينا نلعَب على عواطف الله، ونستغلّ رحمة قلب الله حتى نِبقا بالخطيّة…

(3- القداس الإلهي)

♰ في الو تهيئة قبل وقت، أنا رايح بلقاء مع يسوع، بهالقداس في ذبيحة تُعدّ.. هيي ذبيحة يسوع، وهيّي عَم تتقدّم عن نيتي أنا.. ومن ألي أنا..

طيّب بس يقدّم ذاتو من أجلي.. كيف لازم قرّب الو..؟؟ كيف بفوت عَ الكنيسة..؟؟ بأي إحترام ولبس وحشمة..؟؟

♰ في كتار بقولو، انو شو خص الحشمة، أنا قلبي.. أكيد القلب هوي الجوهر.. بس صَدقوني ما في قلب بيِتقدَّم ما بيتغيّر كلّو سوا…

• بيتغيّر كلامي
• بيتغيّر قعدتي..
• بيتغيّر حديثي..
• بيتغيّر لبسي..

أنا بتذكّر لمّا تغيرّت حياتي، تغيّر لبسي تلقائيًا.. ما حدا حكاني عن اللبس.. هيدا الله، يللي خلقني.. يللي حبني واللي هوّي مات من أجلي وحبني أكتر من إمي وبيّي..

♰ بعد المناولة أكتر وقت يسوع بيِسكُب نعم بالنفس.. هالوقت الثمين إذا ما عَم نعرِف قيمتو ما كأنو عرِفنا تناولنا..

♰ هيدا لقاء بيني وبين الله، قديه منِغرُف، قديه مننمى بالنعمة.. وقديه ما منِغرُف قديه منبقا فقرا بالنعمِة..

(4- المناولة باليد) ❌

♰ القربان أد ما نحترمو قليل.. أحد الكهنة القديسين يللي كان يشوف ملاكو الحارس، قبل ما يرتسم كاهن كان ملاكو يفوت قدامو.. لمّا إرتسم صار ينطرو الملاك ويقلو تفضل أبونا..

سئلو: ليه صرت تفوت بعدي…؟؟
قلو الملاك: قبل أنا كنت أعظم منك، بس هلق إنت صرت أعظم مني (من ملاك)..

♰ هيدا إيماننا بالكهنوت.. نحنا ماشي بالنسبة للأبونا..

• الأبونا يللي بيِمسُك القربان،
• الأبونا يللي بيِكسُر القربان،
• الأبونا يللي بقدِّس،
• الأبونا يللي بقدّم الذبيحة الإلهية،
• الأبونا يللي بيئمُر إبن الله يسوع المسيح ينزل عَ المذبح ويحلّ بخبزة صغيري كرمالنا..

لاق مش أي شخص متلو متل الأبونا.. والأبونا بغلّط لمّا بقول: متلي متلكُن.. لاق إنتا أعظم منا بكثير.. إنت كاهن الرب، وأقسم الله انك كاهن الى الأبد.. حتى لو بدّو ترك الكهنوت باقي كاهن بعين الله.

♰ المناولة باليد بتنزّل الهيبة للقربان، والإحترام للقربان.. القربان هوي حياتنا وهوي مصدر نعم كبيري، ولما يُهان القربان، مصدر مشاكل كبيري..

♰ المناولة بالإيد، عطِت مجال يتجَروَح يسوع بجهل أو بجهل..

تناول جسد الرب ودمه… الله يغسلك.. الله رحوم ولكنّه ليس مائع

برنامج “منبر حر” للإعلامية ميا برهوش على صفحة “تجمّع أبناء مريم”، إذا أردت مشاهدة المقابلة كاملةً إليك الرابط:

الأخت كلارا لقلب يسوع المسؤولة عن الراهبات لقلب مريم الطاهر في مزار القديسة فيرونيكا جولياني بالقصيبة

أعيدوا لنا التناول بالفم 🙏