Agoraleaks Agoraleaks
كيف بتحوّل قطعة ارض 2% استثمار ل40%، كأنك بتشتري محل (Flippers) وبتعملو كازينو !!
مقتطفات من حديث رئيس حركة الأرض طلال الدويهي لقناة الـ”OTV”:
- رفع عامل الإستثمار يعني عوض بسلامتك، لأنو بهيك جو عم تعرض اراضيك للبيع
- يعني في هجمة وجايين ياخدولك أرضك.. بيعا بالتي هي احسن، احسن ما تصفي محصور ومضغوط
- بدنا نواجه تلك المشاريع مع الحكومة ومع مجلس النواب، ومع المسؤولين الكبار، عنا رئيس للجمهورية بدنا نطلع لعندو، وبدنا نشوف مع رئيس مجلس النواب كيف الموضوع بدو يتعالج لأنو هيدا مصير شعب
- اذا نحنا بدنا نغضّ الطرف عن هون مشروع، وهون مشروع، وهون نساير بلدية، لشو المؤتمرات لتوعية الناس
- القانون منو منصفنا، معوّرنا. عم نجرّب مع البلديات والقوى السياسية والمجتمعية ورجال الدين كيف بدنا نحصّن حالنا
- اليوم كيف بتحوّل قطعة ارض أو مشروع 2% بتحولو ل 40%. عم تزدلو ثروتو 40 مرة !!
- عن أيا انماء عم يحكو، أنا بشتري محل (Flippers) بتغيرلو الرخصة وبتعملو كازينو !! هيدا الشي ما بصير لو ما في واسطة سياسية
- في قوى سياسية عم تدعم هيك مشاريع لفكر ما بعرف لوين بدها تروح بالموضوع
- هيدا الشي شي مهول، دولة ما بتقدر تعملو.. من وين بدو يتموّل ؟
- صاحب المشروع “علي تاج الدين”.. شركائو الله أعلم.. ولا منعرف من وين مبلش ولا وين بدو يخلص، مشاريعو بالخارج واليوم مشاريعو بالجنوب، ولكن كل مشاريعو مقبولة، بس مشروعو بالدامور كتير ضخم، اكتر من المنطقة ككلّ
- الوزرا المسيحية اللي حكيت معن، حطّو المسؤولية على البلدية، لو رفضت ما مشيت القصة
- القصة منا بريئة، منّا مشروع رجل اعمال عم يعمل مشروع، في خلفية سياسية وراه.. والاّ كيف بيوصل المشروع على مجلس الوزرا
- رئيس لجنة الأشغال بمجلس النواب محمد قباني بقول قصة رفع التصنيف او تنزيلا يا بتخرب بيت ناس، يا بتعمّر بيت ناس !!
- انا تفاجأت بوضع إعلانات بالتلفزيونات.. سألنا بمنطقة “الدبية” قال ايه مشيت ومضاها مجلس الوزرا بآخر جلسة
