بالفيديو – شهادة إمرأة من مار مخايل للأب مروان خوري.. قديه في شرّ بلبنان، في خير أكتر منّو.. وأنا عشتو.. 🇱🇧

رديّت لمَرتْ خيّي أجنبية قاعدة برّا قالتلي، إنتي معك باسبور أجنبي، وعشتي برّا 10 سنين.. ليه ما بتِرتركي، ما فيشي لبنان.. لا أدوية.. ♰ قلتلها: يمكن ما عنّا شي، بس عنا يسوع، إنتو عندكُن كلشي وما عندكُن يسوع.. أنا بِطلُب من كل شخص بحاجة اليوم سواء كان مريض أو أي شي.. يطلب من قلبو ليسوع، ويقول نعم للصليب.. نعم يا يسوع بقدّملك صليبي بس عَ شرط عطيني سلامك..*🙏 *وبِشكُر كل إنسان مسلم أو درزي أو مسيحي وفي بقلبو روح الله، وإجا ساعدنا..* ✔

الأب مروان خوري:
♰ بطّلت إسمع الأخبار.. وبلبنان في حرب علنية، بس بالمجتمعات التانية في حرب خفية مش منظورة، ولكنها عَم تحصُد قتلى أكتر .. والأخت إيمانويل مايار بصورة نبوية عن لبنان.. يَفتدي كنيسة الغرب بصليبو.. ♰

شاهد الفيديو بالضغط هنا

---

(1- المسيحية تحرير من المرض) 🙏

♰ المسيحية لا تعني تكاليف يب أن نقدّمها.. تمامًا كأي مرض إذا دخل أي مريض، وبدّو يشيلو، هيدي مش كلفة.. 🤔

♰ أكيد في وجع، لأنو عَم نسلخ شي غريب عن جسمنا، لكن بذات الوقت في داخليًا فرح.. إنو أنا إكتشفت مرضي وعم إتخلّى عنّو ورح تِرجَعلي الصحة.. وهيدا هوي وجع البارّ أو التخلّي ليسوع 🛐

♰ قديه فينا من أمراض معلقّة فينا خاربتلنا حياتنا، أمراض روحية وعالمية، وتعلقات ما الها عازة.. ✋

(2- عظة كاهن إيطالي في مديوغورية) 💒

♰ إستهوتني وعظة لكاهن طلياني بمديوغورية.. وكلنا منعرف إنّو مديوغورية هيي منطقة بسهل محاظة بجبال.. وفي جَبَلين بزوروهُن كل الحجاج (جبل الظهورات + جبل الصليب) وتنيناتُن بيمتازو بوعورة الصخور.. الشخص بداية بيستوهِم الطَلعَة لفوق.. كان عَم يحكي هالأبونا بوعظتو، إنّو ليع العدرا بتدعي الحجاج اللي بروحو لهونيك يِطلَعو على هالجبَلين.. وفي ناس بتِطلَع حافية..

ليه العدرا بدها الحجاج تِطلَع لفوق..❓

♰ العدرا بدها تِنقَلنا لبعد روحي.. بدها تعلمنا إنّو السما أوقات منستوهِمها ومنحس إنّو الطريق وعرة.. بس الأبونا يللي كان ‘َم يوعِظ كان عَم يقول، يللي بّدو يِطلَع عَ الجبل، ما بياخود معو الاّ الضروري.. وإذا وضعنا أكتر من الضروري يمكن ما تقدري توصَلي.. 😐

♰ ميشان هيك العدرا عَم تنزَل كل يوم على هيدي الشنطة وتفضيلنا منها.. في أمور بتعرقِل وصولكُن عَ السما.. طريق السما لبدها إنسان خفيف نضيف.. متخلّي.. فقير.. بس غني بإبني يسوع..

♰ ميشان هيك بس يِجي يسوع حتى يدخل على هيدي السلّة يشَلحني منها، بصيرصرّخ.. إنو هودي عايِزهُن..

لكن هوي أدرى بسر سعادتي، وأدرى بسرّ وصولي ومجدي.. ميشان هيك لازم نسلّم الرب لو كان قاسي معي بمطرح معين.. 🔥

(3- النعَم تفوق الشر رغم إنتشاره) ⚡

♰ رغم إنتشار الشرّ كتير.. يدلّ ذلك على إنّو النعمة رح تكون أقوى.. ورح تِجي تدمرو..

♰ بطّلت إسمع الأخبار.. بس فقط حتى إقرأ الحوادث إذا في قطع طرقات الخ.. ما بقا تهمني تحاليل السياسيين.. ولا حتى بيِحملو خلاص للناس.. ما بتِحمِل الاّ الهمّ والبكي والنق والسواد.. ميشان هيك ضياع وقت إنو نقعُد نتسمّع عليُن..🤔

♰ يصلي كل إنسان للرب، وأنا أعلن إنو كل إنسان آدمي ببلدي، ومش عَم إتطلّع بدينو ولا بطايفتو، والآدمية ما بدها ديانة، وإذا في بقلبو رحمة ومحبة.. برأي هيدي هيي الإنسانية والديانة الحقيقية.. أعلن إنّو هالأشخاص ومَجدُن هوي يللي رَح يربَح.. ومجدُن رح يكون خزيّ لكل مين دمّر بهالبلد.. 🎬

*(4- لبنان/ الدول والحرب العلنية/ الخفية ونبوءة الأخت إيمنويل مايار)📣

♰ بلبنان في حرب علنية، بس بالمجتمعات التانية في حرب خفية مش منظورة، ولكنها عَم تحصُد قتلى أكتر من ما عَم يروح ببلدنا، بسبب المافيات والسرقة وقهر.. 👈 وبالرغم هالشي ما منِحسُد أي دولة ومِنقول، ليك كيف عايشين ونحنا معترين.. لاق ✋

♰ قالت نبوءة “Sr Emmanuel” عن لبنان، بتقول: إنو لبنان عَم يدفَع فاتورة كنيسة الغرب يللي فقدت المؤمنين وكنائسها فاضية، ويللي عَم تبيع كنائسها لمطاعم.. 😉

♰ لبنان بآلام كنيستو وشعبو، عَم يفتدي الكنيسة في الغرب، حتى تِرجَع للإيمان، وساعتها منشوف إنّو آلامنا مش رايحين سدى ♰

(5- شهادة لبنانية)🇱🇧

♰ أنا من سكان مار مخايل – شركة الكهربا، ونحنا تضررنا كتير من الإنفجار، بدي قول إنو الأب مروان خوري مو حق بكلشي عَم يقولو.. أنا من الناس يللي خسرت تقريبًا كلشي..

• الوالدة مُصابة بأذى كبير، نُصفها اليمين تقريبًا كلّو راح.. ضمنُن عينها وجمجمة راسها..
• خيّي إنصاب..
• بيتنا راح..

لكن

قديه في شرّ بلبنان، بأكدّ إنو في خير أكتر منّو.. وأنا عشتو..

♰ أنا من الناس يللي بِشهَد بوجود يسوع بكثير ناس موجودة عَ ارض لبنان 🇱🇧

♰ عَم تِحكي معي مَرت خيّي من برّا أجنبية.. قالتلي، إنتي معك باسبور أجنبي، وعشتي برّا 10 سنين.. ليه ما بتِرتركي، ما فيشي لبنان.. ولا أدوية..

قلتلها

♰ يمكن ما عنّا شي، بس عنا يسوع، إنتو عندكُن كلشي وما عندكُن يسوع.. وأرض لبنان آمنة أكتر من أي بلد يمكن عيش فيه.. رغم إنّو ما معي مصاري، وما عندي شغل.. والبيت مش خالص.. وطبعًا في عنا كتير قصص متل كل العالم يللي بحاجة، بس أنا بِطلُب من كل شخص بحاجة اليوم سواء كان مريض أو أي شي.. يطلب من قلبو ليسوع، ويقول نعم للصليب.. نعم يا يسوع بقدّملك صليبي بس عَ شرط عطيني سلامك.. 🙏

♰ كلامي جايي عن تجربة، أنا عشت أحلى سلام بهالإيام هيدي.. يمكن البعض بيتطلّع فيي وبقول، هيدي عَم تاخود حبوب أعصاب أو مجنونة، أنا عَم آخود حبوب يسوع.. أنا بقول لكل شخص تعبان، أنا عايشة كل تجاربكُن.. بالقلة وبالمرض وبالإنفجار، بالإصابة.. ما في جواب غير يسوع، وبِشكُر كل إنسان مسلم أو درزي أو مسيحي وفي بقلبو روح الله، وإجا ساعدنا.. ✔