Agoraleaks Agoraleaks
إذا حدا عطس، بتطير الفيروس بتغط عَ الأرض، بتعلق بأحذيتنا، واذا كنت سيء الحظ بتدعس عليها، بتتلقط فيك بتكسدر وبتفوت معك على البيت. فاتت على البيت انتهيت تتعربطت فيك الكورونا، الأحذية كلها جردّت على الديتول وال eau de javel..
علقّت الناشطة Nada Elia على إجراءات الكورونا الهزيلة، كاتبة عبر صفحتها:
بتتذكرو اول ما فقعونا نظرية الكورونا شو استغبونا وعشنا برعب باول فترة قبل ما نوعى، مش الكل طبعًا، و تتضح الكذبة والمسخرة يللي كنا ضحاياها؟ حملات على التلفزيونات يعلمونا كيف نغسل ايدينا؟؟؟ ويستقبلو دكاترة ساعة وساعتين يحكو عن غسيل الايدين 😀
نحنا هالشعب المنفتح وبيتقن لغات العالم وحضارتو وتاريخو وصلو لأقاصي الارض، اهم العلماء والدكاترة بالعالم من عنا، قال شو عملولنا حلقات وساعات يعلمونا كيف نغسل ايدينا.
وجدل بين الناس عشرين ثانية نص دقيقة دقيقة نغسل ونفرك بالصابون. كأن بحياتنا ما غسلنا ايدينا ولا منعرف شو الصابون.
وغير هيك اذا حدا عطس، بتطير الفيروس بتغط على الأرض، بتعلق بأحذيتنا، وازا كنت سيء الحظ بتدعس عليها، بتتلقط فيك بتكسدر وبتفوت معك على البيت. فاتت على البيت انتهيت تتعربطت فيك الكورونا، الأحذية كلها جردّت على الديتول وال eau de javel والأهضم، على شهور نظريات وحلقات حول قديه بدها وقت فيروس العطسة لتوصل على الارض، والناس تفوت بنقاشات لساعات هيدا يقول ربع ساعة هيدا عشر دقايق هيدا ساعة، بتعرفو حاملين ميزان بقيسو وزنا وبيعملو حسابات.ما عدا نظريات الكمامات. وحدة، لأ تنين وبيطلعلك واحد بنظرية ٣ كمامات.هلق الموضوع اختلف صار، أي سم اقوى من التاني؟؟؟ ايه ما غيرو، يللي موقفينكن بالصف لتاخدو.بعد سنة من هلق رح تستغبو حالكن متل ما هلق مستغبيين حالنا على قصة غسيل الأيدين، والما غيرا هيدي الفيروس بتتعربط بحذاءنا وبتكسدر معنا، بس ليه؟ لأن رح تكتشفو بعد فترة انو المصنع المُصنع لهالسم هوي واحد بوزع على الكل، وكل واحد بيتفنن بتسميتو.ولا واحد احسن من التاني، كلو “زي بعضو”.
