بالفيديو – الأب مروان خوري: الشاهدة ماريا بمديوغوريه تجندّت للبنان، وطلبت من العدرا بصلاتها أثناء ظهورا.. يا عدرا هالشعب بحبّك إحميه..🙏

ما حييت طالما أنا طيّب، بقداسي عَ طول جماعة “Ave Maria” اللي عَم يساعدو.. 💘

ما في لزوم نخانق.. الله ما رح يتركنا نجوع ونعوز..🙏 الله حاضر وسط الأزمات 🔥

أدعو كل اللبنانيين يللي عَم يصلّو ويصومو نوجهو لخلاص لبنان، وبإيماننا نتحدى كل يللي بيتمَسخرو ومفكرين إنو الصلاة هيي للضعيف والختيار ويللي مغلوب على أمرو.. الصلا هيي للبطل بايمانو بِ الله.. 🛐

(1- الصبر) 🌷

♰ بالمشكلة الكبيري الإنسان يراجع حياتو على من آمنت وعَ من أتكلت، وشو هدف حياتي.. هل الراحة فقط بالمعاش المؤمن، في ناس عندن ياها هالأمور ومش عايشين السلام.. سرّ الأمان هوي قديه الله واضح بحياتي وقديه علاقتي معو واضحة 🛐

♰ لاق ما بدنا نْنِق لو الظروف صعبة لنختبر إيماننا ولنضع رهاننا على العذراء 🌻

♰ الصبر فضيلة ونعمة، ومن يمتلكها يتحرر من العنف والغضب، ويمكن الله بحكمة منو بخلّي الإنساني يعاني من مشاكل لحتى يُنشئ فيه فضيلة الصبر 📣

(2- شكر لجماعة Ave Maria) 🙏

♰ ما تتصوري رغم المشاكل، كيف هبّ هالكرم والسخاء بقلوب كتير مؤمنين، وفاضت الخيرات، وصرنا مساعدين أكتر من 400 عيلة من قبل جماعة الـ”Ave Maria”.. هيدا بالمال وهيدا بغراض ومواد غذائية وتياب

♰ أنا بشكرُن من قلبي هالأشخاص، وبقول شغلة وحدي، إنو ما حييت طالما أنا طيّب، هني بقداسي على طول.. هالقد بِقدِر قول الشكر الُن.. هيدي مناسبة حتى اشكرُن بإسم كل اللي أخدو غراض وعايزينا، وخاصة إجو لعنّا بدمعة وفلّو بضحكة ومرتاحين مع إنّو المساعدة هيّي بحصة 🙏

(3- الإيمان) 🛐

♰ أمام المشاكل منوقِف مكَتفين.. لاق.. الرب حاضر وصلواتنا بتدّل إنّو قديه الرب مستعدّ يُنصف حق الضعيف..

(4- لبنان ومديوغورية) 💒

♰ أنا متأثر جدًا بظهور العذراء في مديوغورية، واختبرت عَ سنين طويلة قديه هالضيعة فيها نعمة سماوية 🔥

♰ العذراء تُسمي مديوغورية أرض سلام، وعَ مدى 40 سنة ضربة كَف مش صايِر.. أكيد هالنعمة ما أعطيت فقط لشعب محدّد.. نحنا فينا نكون أرض سلام.. والعدراء هيك بدّا، ورسالتها نشر السلام بكل العالم 🌼

♰ صلينا بلبنان من أجل السلام، وكرسنا بلدنا للعدرا ودايمًا منِصرخلا، ومنقول “ما النا غيرا”

♰ ماريا إحدى الرؤاة بسميها “ملايكة للبنان”، ولبنان لمّا كان بخطر سنة 2012، وكان في خطط كتيري حتى يِعمِل داعش إمارة الو بلبنان.. وقدِر يجتاح دول.. فنحنا كنا 30 سنة عَم نشتغل حتى الشاهدة ماريا حتى تزور لبنان، وكانت تقول عندما الرب بيسمح.. بلحظة أكيد بالهام إجِت وكان الإحتفال بـ”فوروم دي بيروت”، وبتقول العدرا برسالة النا لمّا تطلعّت بهالشعب يللي بحبا، وكانو قاعدين ساعات ناطرين القداس والظهور..

بتقول العدرا لماريا قوليلُن:

بحبُن كتير أنا إمُّن وما يخافو..

وبعجيبة هالبلد إنحمى وإنتهت داعش..

ومن بعدا كمان كان في خطر إنو المسيحي بوجودو، وما باقيلو غير رئاسة الجمهورية.. إجت ماريا وصلّت وقالت: صلّو وبصير في عندكم رئيس، وصار عنا رئيس… وما عَم إحكي بالبُعد السياسي، عم إحكي عن محطات عاشتها الرائية ماريا معنا مع أزمات لبنان..

واليوم اشكر الراهبة ماري-ريمون يللي الها فضل كبير، وأكيد نحنا أدوات بيد الرب… طلبت منا بالخطر يللي عَم يهددنا، تطلب من ماريا عجيبة تطلبها من العدرا بوقت الظهور من أجل لبنان (بيوم 25 شباط 2021) لأنو بخطر وجودي كبير.. 🙏

بالفعل الرائية ماريا تجندّت وطلبت من العدرا طبعًا بالصلا… قدمّت هالنيّة بوقت ظهورها.. إنّو يا عدرا هالشعب بحبك، إحميه…

العذراء بتبعُت رسالتها لكل العالم، بس أنا كلبناني إذا بقراها هيّي أيضاً النا موجهّة، لأنو العدرا بتطلّع بالبشرية، وأي إنسان بيِقدِر إنّو الرسالة موجهّة الو.. وفينا كبلد موجهّة النا.. لأنو العذراء عَم تِحكي بحكمة سماوية، وكلماتها تطال كلشي أحداث عَم نعيشو بحياتنا..

شو قالت العذراء:

• أولادي الأحبة.. ولذلك على هالثقة علينا نبني صبرنا.. لازم نبنيه على هالحقيقة الإيمانية لأنو إم الله عَم تحكي، وهيي عَم تسمع ولادا..
• لقد سمح لي الله أن اكون معكم اليوم أيضًا لأدعوكم الى الصلاة والصوم، عيشو وقت النعمة هذا.. نحنا شايفينا مصيبة ونق، ومافيشي زابط، ومستقبل أسود.. بقلب هالظلمة عَم تقول العدرا “هيدا وقت نعمة” وما تخافو.. ما نتطلّع بس بعيوننا البشرية بالأحداث نتطلع بنظرة إيمانية.. لأنو بقلب السواد في نعمة الله عم تشتغل حتى نوصل للقيامة..♰
• كونوا شهودًا للرجاء، ميشان هيك بدنا نوقف النقّْ مع إنو الأحداث تُجبرنا ننق.. لكن الإيمان مواجهة ومنو عاطفة عابرة.. المؤمن هوي بطل يتحدى ظروف تُعاكس منطقو ونظرتو وبقول “لاق” الحقيقة غير هيك.. وغير يللي شايِفها بعينيي ويللي بفكّر فيها بعقلي..🔥
• أكرر لكم صغاري، (كأنو ما نتبهنا أو ما سمعتو) أنّه بالصلاة والصوم حتى الحروب يمكن صدّها..

دعوة

أدعو كل اللبنانيين يللي عَم يصومو نوجه صومنا من أجل خلاص لبنان، ونوجه صلاتنا متحدين من أجل خلاص لبنان.. وبإيماننا نتحدى كل يللي عم يتمَسخرو ومفكرين إنو الصلاة هيي للضعيف والختيار ويللي مغلوب على أمرو..

الصلا هيي للبطل بايمانو بِ الله..

• صغاري، آمنوا وعيشو وقت النعمة هذا في الإيمان وبايمان. قلبي الطاهر لا يترك أي منكم بحالة قلق إن لجأتم اليّ.. 🙏

ربّ قائل: طيّب ما كرسنا لبنان والتجأنا الها، وما عَم نشوف غير السواد.. لاق..✋ وسط هيدي المحنة نرجع نرتكز على قلب العدرا الأمومي، باسم صرختنا مع صرختها يسوع رح يستجيب.. نسلمها قلقنا وخوفنا.. 🙏

• أتشفّع لكم أمام الله العليّ وأصلي من أجل السلام في قلوبكم، والأمل في المستقبل.. العدرا عَم تقلنا المستقبل منو أسود.. هوي أسود بيللي عَم تشوفو، وبيللي عم تحضرو عَ الأخبار.. العدرا عم تقول، رح صلّي حتى يصير المستقبل حلو ويكون في سلام بلقوبكم.. وخلص كراهية بين اللبنانية… 🔥

(الخلاصة) 📣
عَ رسالة العذراء نأسس للبنان وساعتها الصبر الو معنى لأنّو رايحين لمطرح حلو مع يسوع 🙏