زوادة اليوم: الفلاح وربّو.. الدنيي عم تشتّي من اسبوعين (Audio)

– ما ننظر المعجزات، انما نقرا العلامات…

***

• الدني عم تشتّي صرلا أسبوعين بلا توقف، والنهر عم يهدّد البيوت القريبي…
• بهونيك بيت، كان في رجال، تقي وبحبّ الله، حلم بنومو انّو الله عم يحكيه ويقول: ما تخاف من الطوفان، انا معك مش رح اتركك..
• وعي الزلمي من نومو فرحان، على هالضمانة اللي جايي من فوق. بس ميّة النهر عم تعلا ، وغطّت الطابق الأرضي من البيت
• مرق زورق من رجال الإطفاء كانو عم ينادو، يللي بعدن ببيوتن يهربو لأنو الماي بدها تِعلا كتير..
• بطلّ صاحبنا وبقلن، انا مش عايِزكم.. بفلّ الزورق وبتعلا الماي وبتغطّي الطابق الأول، صاحبنا بيطلع على “الروف” بيمرق زورق الصليب الأحمر، صاحبنا ما بهمّو..
• الماي بتعلا وبتغطي قسم كبير من البيت، وصاحبنا عربش على عامود الأنتين على السطح، بيمرق زورق الجيش وبقلو، يللا نزال شو ناطر.. بجاوبن أخونا وبقلن: “معلوماتي بتقلي،ما خاف”
• بتعلى الماي وصاحبنا بموت على السما.
• ما كان مصدّق يلتقي بيسوع حتى يعبِّرلو عن استيائو.. لأنو خيبلّو أملو وجرصّو قدام كل الناس
• بطلّ يسوع بيضحك وبقلّو: ولو يا قليل الإيمان، بعتلك 3 زوارق حتى تخلصك… بس انتا ما فهمت

الزوادة:

• الله بحياتنا بيحكينا بعدة طرق، وخصوصي من خلال أحداثنا اليومية
• خلينا ما ننظر المعجزات، انما نقرا العلامات، وما نقسي كتير قلوبنا حتى نقدر نكتشف شو بدو يقلنا الربّ..

الله معكم

المصدر: زوادة اليوم – صوت المحبة