بالفيديو – الفنان أمير يزبك يُطلق ترتيلة دم وزيت وقنينة – كونوا كتار بعنايا.. ما بقا بينفَع الاّ الصلا (Video)

بيتي صار مقابيلَك ومن قلبي عَم صلّيلَك..

دم وزيت وقينينة
فيهُن مَسَحت جبيني
كأني عَم البس توبك
بردان شربل دفيني
وصلي معك بانجيلك
من نعمة الله عطيني

• الله يقوي الدولة وكل مقامات الرئاسة، من رئاسة الجمهورية الى الحكومة ومجلس النواب.. لأنو إذا كانو متماسكين ومؤمنين بوطن إسمو لبنان منكون بخير.. وما بينفَع الاّ الصلا
• تحية لكل الضيع المجاورة (عنايا – مشمش – حجولا..) أنا ضيف عندُن..
• إحتمني نِعمِة من الله. وأنا ما بِرشَح زيت، ولكن مار شربل بقوة ربنا أراد إنو حنجور من دم مار شربل والموجود من سنة 1950. والحادثة صارت لمّا كنت عَم صوّر مباشر عم إحكي عَ للي سرقو البلد.. (ومش قصدي إحكي سياسي، ولكن كلام نابع من مواطن لبناني) وكنت عَم وجّه رسالة للفاسدين يللي سرقو لبنان من 35 سنة.. وإذ بتجي سناء أبي يونس ومعا قنينة دم مار شربل.. وكان الها عادة تعطيني بركة من قنينة دم القديس..
• عيلة أبي يونس كانت متل عرف متل بعض العيل يللي شالو ضريح مار شربل سنة 1950 وكان جسمو بعدو عم يرشح دم وزيت.. ووجمعوهًن بالحنجور..
• أشكر رئيس الدير، لأنو من بعد مصادرة الحنجور، لأنو أكيد بخصّ الدير والرهبنة المارونية، لكن رِحت وقدرِت بالمونة أستعيد الحنجور، ورجّعتو لصحابو، وأخدت منو شوي، وهيدي نعمة كبيري
• للناس يللي شككت، عندي فيديوهات وحالياً مش للنشر، من بعد ما صار معي الأعجوبة من وقت ما دخل الدم لبيتي..

عُرض عليّ من وقت بدأت مسيرتي الفنية حوالي 200 ترتيلة، وما اقتنعت، ولكن من وحي المناسبة دقلي الأخ روجيه ضهرية من كندا وقلي “دم وزيت وقنينة” واللي تعاون بإصدار الترتيلة من كل الطوائف لأنو مار شربل للكل..