Agoraleaks Agoraleaks
مارينا شليطا عيراني: لأيمتى الشخص اللي بيِحترم القانون بيِحصل عَ حقو لمّا يضيع حقّو..!!
لأيمتى الشخص المستقوي بيِربح.. (التفاصيل – Agoraleaks)
في 28 نيسان ناشدت عائلة عيراني عبر موقعنا، المعنيين في الدولة، آملة بأخذ حقها.. سيما أنّ المُتمادين الفاسدين المُرتكبين يظنون أنفسهم أعلى من القانون.. اليوم مع صدور الحكم القضائي، بدل أن تستعيد العائلة البعض من فرحتها لاستعادة منزلها المسلوب منذ أكثر من عام ونصف العام، تتأسف على وضعها كون جنى عمرها تراه يتبخّر.. اليكم معاناة العائلة في هذا التقرير..
تقول مارينا شليطا عيراني:
- لأننا ولاد عيلة وكنيسة ونؤمن بالقانون كنّأ ناطرين القرارات القضائية.. لكن للأسف شو كانت المكافأة.. تسلمّنا بيتنا منكوب مسروق..
- للأسف بين الإعتكاف القضائي والعطلة القضائية والتعبئة العامة لجائحة كورونا.. وبعد انهاء وعد التوعّد بالشراء الذين سكنوا بيتنا (الفيللا) حولّوها لخربة.. وهيي كانت بكامل تجهيزاتها..
وللأسف
- إكتشفنا من بعد سنة، إنّو الأشخاص اللي سكنوا بيتنا والدتهم شخص خارج عن القانون، وبحقها مذكرات توقيف، وما بتوقف القصة هون.. لأنّو؛
- لمّا إجا أمر الإخلاء، كان في تعبئئة عامة.. لم نستطع أن يكون لنا حضور بالبيت.. جاء روني عيراني الى بيته، لأننا أردنا بيعه، كونه مرهون للبنك.. فتمّ تهديدنا، وإجانا إتصالات من سورية.. ودايماً هالأشخاص مستقوايين سيما الأبناء.. ويدعّون أنّه بلبنان كلشي بيِنشرى وبيِنباع..؟؟
لكن
- نحنا كعيلة بعدنا مؤمنين إنّو القانون بيِحمينا، وأكبر دليل على ذلك رغم تراخي بعض القضاة.. لأنو القضاة أعطونا إشارة لدخول منزلنا..
- لكن للأسف رغبة الأذية لهؤلاء الناس واضحة… كما يظهره الفيديو.. ولكن هالمشاهد هي بعهدة وزير الداخلية محمد فهمي، وزيرة العدل ماري كلود نجم.
والسؤال..
لأيمتى الشخص اللي بيِحترم القانون بيِحصل على حقو لمّا يضيع حقّو..!!
لأيمتى الشخص المستقوي هوي اللي بيِربح.. لأنو الآليات القانونية والترتيبات والمجريات القضائية بتاخود أكتر من قتها..
يمكن نحنا صارت هالحادثة معنا.. وأكيد رايحين فيها أمام القضاء وبالقانون، لأنو نحنا أصحاب حق، ومؤمنين بدولتنا.. ومؤمنين بتطبيق القانون.. ولكن حتى ما يتكرّر اللي صار معنا مع غيرنا لازم ورجاء على الأجهزة الأمنية تتحرّك..
نداء 28 نيسان 2020
صرخة عائلة لبنانية: ما بدنا واسطة بدنا تطبقوا القانون.. !!
