Agoraleaks Agoraleaks
مقتطف من تقارير عن ظهورات العذراء مريم في مديوغوريه لقناة “نورسات”: (حزيران 2020)
(1- نعمة مديوغوريه) ⛪
- شهادات كتيرة نقلها الحجاج من لبنان والعالم عن مديوغوريه، وهي نِعَم لا تُحدّ.. وكل ذلك بفضل مسبحة الوردية 🙏
- فيض من النِعَم تحصل للمؤمنين الذين يلتزمون صلاة تساعية مريم ملكة السلام من كل عام في الذكرى السنوية لظهوراتها في مديوغوريه في 25 حزيران.. 🙏
- الجميع بيِحكي عن سلام ما عرفوه قبل.. بقولو عنو سلام غميق.. 🔥
(2- الزمن الصعب والأسلحة) ♰
- اليوم الناس تعبانة كتير.. بس امنا مريم لهالسبب عَم تِجي لعنّا.. وعَم تقلنا “أنا ملكة السلام والمصالحة” وعم تعطينا أسلحتنا..
- المسبحة
- الصوم ولما نسير فيه.. منكون عَم نقلو للرب تعا انتا لعنا وعطينا إنتا شو بدّك، العالم مش سئلانين عنو لأنّو إنتا الأهم..
- القداديس وسرّ المناولة
- الإعتراف اللي بجدّد الكيان، ويللي إمنا مريم تدعي الو أقلّه مرة شهرياً بظهوراتها بمديوغوريه
- قراءة الإنجيل يللي بخلّي الرب يوعا بكياننا، وبصير يتابعنا حتى يحلّ أمور حياتنا وصعوباتها…
(3- التعب) 😉
- العدرا عم تقلنا ما تعبت برسالتها الأخيرة وعلينا نحنا ما نِتعَب.. أوقات بكون عنا ثقة بأشخاص بيَعطوني نتفة قوة، كيف إذا عندي ثقة بإله يللي هالقَد حبني وخلقني.. أكيد ما الي حق إتعب.. 🙏
- إذا امنا الأرضية بتضلّ تذكرّنا بالأمور ذاتها من أجل مصلحتنا.. ذات الشي أمنا السماوية، بتضل دايماً تعيد الأمور ذاتها حتى تشوفنا مبسوطين، وبفرح أبدي.. 👍
- مشكلتنا بهالدنِي، بس نطلب ونصلي، منصلّي عَ قياسنا.. قياسنا قديه بدو يكون، 100 سنة حياة..!! 120 سنة حياة..!! الرب بدّو يعطينا عَ قياسو الأبدية.. 🤔 وهيك منتحوّل لرجال سلام.. ونحنا منَعرِِف إذا أنا اليوم وصلت منَرفزِة ومكشرّة بخسرّك شوي من فرحتك..😞 وإذا إنتي اليوم وصلتي فِرحانِة بتنسيني شوي من تعبي..🙂
(4- مديوغوريه سما عَ الأرض)🛐⛪
- العدرا برسالتها بتقول: أنا بِدعيكُم تِجو لعندي.. لأنو هوي زمن نعمة وجودا بمديغوريه لكل الأرض.. لكن الصعوبة نِرجَع لهون ونحافظ على هيدي الشعلة 🔥
- مهم كتير المثابرة على الصلا والصوم (أربعا وجمعة على الخبز والماي).. والإعتراف والمشاركة بالذبيحة الإلهية وقراءة كلمة الله، بخلّونا نتحوّل نتفة نتفِة بَينا السماوي.. 📣
- إنجيلنا واضح.. الإناء ينضح بما فيه.. الإنسان ما بيِقدِر يَعطي بما لا يملك.. إذا تغذيّت يومياً من كلمة الإنجيل يومياً وحطيت إيدي بإيد العدرا بالمسبحة يومياً ، وتناولت دورياً وشاركت برتبة التوبة والإعترافات.. ساعتها بدّي إنضح بيللي إنزَرَع فيّي.. لأنو مش بشطارتي ولا بقوة عضلاتي.. بقول مار يعقوب “مش بقداستي ولا بتقواي، لكن بنعمة الرب”..👂
(الخلاصة)
- نحنا ولاد الآب السماوي.. والعدرا بتقلنا، إذا منصلّي المسبحة جهنم كلها تجمعّت ضدنا ما فيها علينا.. 🔥
- ناخود الأسلحة (المسبحة – الإعتراف – المناولة – قراءة الإنجيل – الصوم) بين إيدَينا، ولمّا كل مرة نقول أبانا نَعرف إنو بَينا عَم يسمعنا وحَدنا.. وكل ما عَم نقول سلام عَم تبتسم وتشوفنا، ورَح تهتمّ.. 🙏
- ما النا حق نكون عَم نتناول جسد الرب ونكون زعلانين… وخايفين.. ومتكلين عَ ذواتنا.. ما هوي بدّو يِفعَل فيّيِ… واليوم العدرا بتقلنا رجَعو للقديسين وصلوّلُن وخدوهم شفعاء.. منتعلّم منُن.. عنّأ كنز بين إيدينا نستخدمو.. ساعتها ما في مجال للخوف.. 📣
- إتحاد الجماعة مع بعضا بالصلا دورياً تعطي قوة دفع قوية.. والله يسمع.. لذلك أدعو كل الناس ينضمّوا النا بقداديس كنيسة مار الياس انطلياس مع جماعة مريم ملكة السلام.. لأنّو فيها ربح وكنز.. والعدرا بتقلنا هالقداديس رح تفهموها بعدان قيمتها العظيمة.. 🙏 واليوم عقلنا مش قادِر يستَوعب بس قلبنا قادِر يحكي.. 🛐⛪
- وجود العدرا شي أساسي، وشخصياً بَعرِف إنّو بعدم وجود العدرا ما كنت أعرف أوصل لعند يسوع
