ذكرياتنا القديمة..

نحن جيل لمّا كان المصروف ٢٥٠ ليرة !

• وبتفيق 6:30 وتروح مشي ع المدرسة لتوصل للـ 7:00..
• كانت إمك تحطلك سندويشة زعتر عأساس بنشّط الذاكرة، مش لأنه أرخص من الجبنة..

• كنا نشتري الفوتبول ١٠ شراكة والغول ٤ حجارات والناصح يوقف حارِس
• كنا ننطر بالدور ليخلصوا ال ٣ أرواح “ماريو” بالأتاري

• نرجع ع البيت قبل الغروب عشان ما ننحرم من الضهرة ثاني يوم
• يلي كان عنده بيسكلات، كان وضعه مرتاح

• كنا ننطر ليبعتنا حدا ع الدكانة، لناخد الفراطة الباقية
• كان مسبحنا بركة الضيعة ومشاويرنا عالحقلة والبساتين

• أعيادنا كان إلها قيمة
• كنا ما منبلّش أكل إذا حدا ناقص عالسفرة

• كانت الحيطان معبّاية بأسامينا وحَدها قلوب حب مع سهم
• كانت السيجارة عيبة ، والأرغيلة فضيحة

• كانوا الأهل إلهن هَيبَة

نحن آخر جيل يلي عاش بالفُقُر ويلّي انجبر يغوص ببحر الحياة ويطلع منه رجال،نحن الجيل يلي عنده للعوايد وللذكريات قيمة..

المصدر: وسائل التواصل