بالفيديو – الأب مروان خوري: الشطارة العالمية قلق.. ما نضيّع الجوهر، نحنا أبناء الله ومش لعبة بإيد الأحداث 📣 (Video)

🌷✝🌷
– زرع الرقائق الـ”BioChip” بالإنسان أمر خطير.. كأنو GPS تعقّب لحريتو وأسرارو الخاصة.. حتى أفكارو ☝️
– أحداثنا مِنشوفا كبيري، ولكنها صغيري عَ الله.. منقول المسيح غلب الموت بالموت.. شو هوّي شعار.. الخطر بكون لمّا بتكون السفينة ما فيها الله، ولكن إذا بالسفينة في الله، تطلع العواصف، منوعّي الرب ومنقلو انتا إهتمّ.. 👌🙏

https://youtu.be/WKhTtGKQexI

(1) الإيمان ✝️

• ما يؤلم إنّو قدام الأحداث نعيش حالة من الهلع والخوف، ويصير نخانعَنا يفَبرك أفكار.. 😞
• شو ما كانت الأحداث، مرض، وباء، أحداث سياسية، وأحداث مصيرية.. ما ننسى نحنا أبناء الله والإيمان، وعلاقتنا مع الرب فيها إتكّال عليه.. 🛐
• ما نضيع الجوهر، ونصير كأنو نحنا لعبة بإيد الأحداث، والشاطر بيَعرِف كيف يزمط منّا 📣
• إذا عشنا بخوف وقلق وشَطارة عالمية، منصير عايشين بقلق.. الرب متحكّم بكل شعرة من راسنا.. ومتحكّم بكل خلية من خلايا إنساننا وبكل الكون، وما فيشي خارج عن سيطرتو 👌

(2) الـ”Bio-Chip”

• العالم مليان من الناس الأشرار، يللي عَم يعيشو خارج إرادة الله.. ☝️ولكن نحنا المؤمنين منا متروكين.. 🙏
• هل يا ترى يللي عَم يصير، موازي لما ذُكر في سفر الرؤيا.. أو هي أحداث من وراء السرعة اللي تطوّرت فيها البشرية والتكنولوجيا.. هل زرع الرقاقة الـ”Chip” بالإنسان تطور..❓🤔‼️
• عرض الـ”Chip” اليوم عند زراعته بالإنسان يمكنهم أخد كامل المعلومات، وبالتالي، لا لزوم لحمل تذكرة، ولا “باسبور” ولا “فيزا”..

س: لكن هل زراعة الرقائق في الإنسان، ما إلها أهداف أخرى، كالسيطرة على الإنسان❓

• يسوّق اليوم بفكرة زراعة الـ”BioChip” أمور علمية، ولكن الإنسان شرير، بيِقدِر يستعملها لأمور تخريبية.. وأكيد أي إقرار بزرعها عَ الأكيد لازم يكون للإنسان موقف منها، وخاصة المؤمن والكنيسة ⛪
• زرع الرقائق، إنتهاك لحرمة الشخص. وانتهاك لكرامة الإنسان، لأنو ببطّل عندو حياة شخصية، ولا سرية بالتصرف، وبصير الإنسان مُلاحق بكل مَطرح ممكن يروح عليه، ويمكن بأفكارو.. 😉 😈
• زرع الرقائق (BioChip) يفقد الإنسان حريته.. والحرية أمر مقدس، وهي ميزة الإنسان.. ميشان هيك الفكرة تبعها، حتى لو كانت تُسهّل بعض الأمور، ويلفتون الناس على أمور إيجابية، كأن يضعوا عليها الملف الطبي، وبالتالي مجرّد دخول المستشفى ما بقا في لزوم نجيب الصور.. كلّو موجود عليها.. ومجرّد تشغيل الـ”bluetooth” (نقل المعلومات عن قرب من خلال أمواج الراديو ذات الترددات فوق العالية) يمكن معاينة المعلومات.. وهذا هو الجانب البريء.. لكن؛ ☝️

بس اللي مخبّا فيها.. اليوم نحنا منَعرِف شو بيِقدرو يعملو.. متل كأنو زارعين بجسمك GPS ولاحقينك وين بِتروحي، وما بعرِف إذا من خلالها يقدرو يعرفو حتى بشو عَم تفكري.. 🤐

س: أب مروان، تمّ نشر فيديوهات تحذيرية بهذا الخصوص، وتمّ ربطه بنص الإنجيل الي ذكره القديس يوحنا في سفر الرؤيا. ✔️

• الإنجيل يتحدث عن سمة الوحش التي ستُعطى باليد اليمين، ومن خلالها فقط يمكن للناس البيع والشراء وإجراء المعاملات.. متل وكأنو التداول الإجتماعي بدّو يصير من خلالها.. 👉
• مجرّد نوضعت بجسمي، صرت أنا سلعة بإيدَيهُن.. وعالأكيد مرفوضة ☝️ لأنّو الحرية مقدسة، والسرية لكل إنسان حق، لأنو يمكن في نواحي بحياتك ما بدّك حدا يعرفا.. 👌 بزرع الرقائق، بتصيري مشاع.. ☝️وهون بطلّت القصة تطوّر ولا قصة تسهيل أمور البشر، صارت تعدّي عَ الكرامة والحرية الفردية 😉

(الخلاصة) 📣

• إذا كان زرع الرقائق الإلكترونية في جسم البشر (BioChip) مسعى يُراد فرضه على الناس، مفروض يكون للكنيسة كلمة بوقتا.. 🙏
• نروح بالإيمان لعند الرب، والرب بيِحمل همومنا، وحامِل الكون.. وأمام هذه الأحداث الله يضحك.. أحداثنا مِنشوفا كبيري، ولكنها صغيري على الله.. 👍 عملنا حلقة عن حدث الموت.. وقت قلها لمرتا خديني عَ القبر.. ؛ قالتلو: خيّي عفّن.. ؛ قَلها خديني عَ القبر.. وبالفعل ربنا غلب الموت، لأنّو مصدر الحياة.. لنعيش زمن القيامة ونحنا رايحين عَ عيد العنصرة.. ✝️
• منقول الله / المسيح غلب الموت بالموت.. شو هوّي شعار.. يا عمَي ما نخاف.. الخطر بكون لمّا بتكون السفينة ما فيها الله، ولكن إذا بالسفينة في الله، أد ما تطلع العواصف، منوعّي الرب ومنقلو انتا إهتمّ.. 👌 والرب اللي عملو مع الرسل، لما قال للبحر إخرس، وللريح إهدا.. بيعملو معنا 🙏
• الخطر مش الأحداث والعواصف والوباء.. الخطر أن لا يكون وجود للرب بحياتنا.. لأنو ساعتِها الأحداث ستغلبني.. 👂

(( ما أطيب الرب – نورسات؛ 7 أيار 2020 ))