Agoraleaks Agoraleaks
من ميلة العالم بتساعد بعضا، ومن ميلة تانية مرا عمرا 80 سنة ما بحسّ معا..
في اتصال من السيدة عتيق من الرابية ضمن برنامج “اجندة اليوم” على قناة الـ”OTV” شكت ما حصل مع عائلتها، إثر إدخال والدتها الى المستشفى، وقالت:
فوتنا الماما عَ الطوارئ على المستشفى، الساعة 3 بالليل، وكانت مخنوقة مسكرة الروايا (الرئتين) طلبو 2000$ ت نفوت على المستشفى، الساعة 3 ليل مين معو 2000$.
رجعنا دبرنا ودفعنا 1500$.
فوتنا الماما على المستشفى، مبارح رحت اعمل معاملات وزارة الصحة، حالتنا مش زيادة.
قلي الشخص المسؤول بالمستشفى، الوزارة مسكرّة، وإذا ما عجبك. نقليها لمستشفى حكومي.
والماما بعدا مخنوقة بالمستشفى.
شوف هالتصرف، شو هالإستقبال المرتّب من المستشفى.
يعني بتطلع من ميلة تانية، العالم بتساعد بعضا، ومن ميلة تانية، مرا عمرا 80 سنة، وما عم يحسّ معي، وقاعد ع مكتبو ومبسوط، بقلي نقليها على مستشفى حكومي، لأنو الوزارة لبعد راس السنة، تحتى تعمل شغلا.
وين الإنسنانية..
الإعلاميان عبدو الحلو وناتالي عيسى تمنيا على وزارة الصحة التصرف لمساعدة السيدة، معتبرين أنّ تصرّف الموظف داخل المستشفى لا ينمّ عن موقف المستشفى..
