بالفيديو – الأب مروان خوري: أقبل الإنتقاد البنّاء والأبونا إذا عندو فكرة يِحكيني.. وعَالأكيد منّي مِتِل ما وصف 👍 (Video)

🌷✝🌷 
مصرّ عَ كلامي وأعيده.. للبشرية الها مرجع. والها خالق.. ورحمة الله للتائب مش لَ يللي ما بدّو يتوب 📣 والله لا يطيق الشرّ 😉
عدالة الله لا تُحارب مع رحمته.. عدالتو تكملة لرحمته.. والرحمة بتاخود جمالها لأنو في عدالة 🙏

https://youtu.be/lomowUs1tjg

(1 – التِنقيف وإعلام وسائل التواصل)
الإعلامية تريز حاج: أعرف أنو ما بتحبّ تفوت بسجالات عَ الفايسبوك، ولكن مش غلط نوضّح، وحق الردّ كمان لبرنامج “ما أطيب الرب” لأنّو تمّ تداول فيديو لحلقتنا السابقة، ومجتزأة.. 😞

📌 عَالأكيد ما منِتحاسب عَ كلمة قيلت، نُحاسب عَ تيار نحنا ماشيين فيه، من خلال الحلقات اللي منِحكي فيها عن رحمة الله تجاه الخاطئ، والضعيف وتجاه الإنسان 🙏

📌 تحية لكل أحبائنا يللي بيِسمَعونا، كانو كهنة أو علمانيين.. وبِقبل برحابة صدر الإنتقاد البنّاء وخاصةً الفايسبوك اليوم إعلام مِجوي، وفيه من هبَّ ودبّ 👌

📌 يعني ما فينا نتناقش من خلالو بأفكار نضيفة وبناءة.. وكل ما واحد عندو غاية براسو، بِتلاقي كبّ خبرية على الفايسبوك.. وخاصةً إذا كنّا كهنة مع يعضنا، مش حلوة نجاوب بعضنا على الفايسبوك. 😞

📌 الأبونا إذا عندو فكرة مغايرة لفكرتي، أو عندو توضيح لأفكار أنا حكيتا، في يِلقط تلفون ويِحكيني. يا بوَضحلو وبِقنعو، يا إمّا ما بيقتنع.. ساعتها عندو رأيو والكنيسة بِتساعو بِتساعني ، وبوجهّلو كل الإحترام الو ولرأيو، بس عَ الأكيد منّا مِتِل ما وصفنا 👍 وصفو كأني عَم إعمِل العدرا إرهابية، ومهدايّة إيد الله، وربنا بدّو يضرب.. 😞

📌 هلق أي كلام في الشخص يفسرو بِ 100 طريقة وطريقة حتى يظهر سذاجة الكلام.. وفينا ناخود الحديث متكامل وساعِتا منوصَل للفكرة 👂

(2) الأمانة 📣
📌 حكيت عن المُصرّ عَالشرّ، وبِرجع بصرّ عَ كلمتي وما بِتراجَع عنّا.. مني شخص عَم إحكي حتى إتسلّى، أو حتى قطّع أفكار ☝️

📌 أنا شخص ما بِطلَع برأيي لأنو فكرّت بالليل.. صليّت وبصلاتي أنا مصرّ.. الإنسان المُصرّ على شرّو.. سيحاسبه الله لأنّ أعماله لا تليق بالله 👂

📌 ولا مُمكن إرضى باله مليان من الرحمة والحب، يوقَف موقف المتفرّج على إنسان مستبدّ بالبشرية، ومصرّ على الحرب وسرقة المال والفساد 😞 ما حدا عَم يقول عن الخاطي.. لأنّو أنا خاطي، والقديسين كانو خاطيين.. وربنا رحمُن، ورحمتو كلها النا.. لكن رحمتو ما بتِجي لإنسان ما بدّو يتوب.. ☝️

📌 ولمّا قلت العدرا الها 33 سنة عَم تشتغل.. عَم تشتغل عَ هالنوع من البشر، يللي ما بدُن يتوبو.. قلت أنا هلق الوقت، إنو الرب يطهّر العالم من أشخاص بدُن يدمروه ✋

📌 قلنا كأنو أغلب الناس اليوم، بتقول: زيحولنا هالوباء.. حتى نكفّي متل قبل.. 🤔 هيدي الفكرة يللي كنت عَم قولا، إنّو العالم ما رَح يِرجَع متل قبل هالوباء 🤛

(3) الحقيقة 🔥
📌 ربنا منَعرِف كيف تعاطى مع الخاطئ يللي تمثلّه المجدلية وبطرس بنكرانه، وزكا العشار.. تصرف الله كان بمنتهى الحنان.. وهيدا الهنا 👍 وهيدي رحمتو 📣

بس الرب

📌 ما كان هيك مع الفريسيين.. أقسى كلام حكي…

• قلُّن: قبور مكلسّة 🤫
• قلُّن: ذئاب خاطفة 🤫
• قلُّن: أولاد الأفاعي 🤫
• قلُّن: انتم أبناء إبليس لأنكم تحبون الظلمة وترفضون النور كي لا تنفضح أعمالكم… 🤫

ليه❓

• لأنو في خطأة تابو 🛐 وفي خطأة مصرين على أعمالُن.. وقلُّن يسوع: ما بدكم تآمنوا فييِّ، طيّب آمنو بالأعمال.. ☝️ مين غير الإله بقيم الميِّت..❓ مين بردّ لأعمى من مولدوالنور، الاّ من يللي عاطي الحياة وعاطِي النور 🙏 وبقي بعض الناس ما بدّن الخلاص وقرروا قتل الرب.. 👿

📌 وما قلنا إنّو الرب بدّو يقاصِصهُن.. أعمالُن رح تِنقلِب عليُن.. 👉 أنا ولا مُمكن قول إنّو الله بعَت الكورونا.. الإنسان بيِحصد نتيجة يللي بيزرَعو 👉

📌 كأنو بَدُن يسمعو كلمة.. حتى بالإنجيل قطِشي مقطع من مطرحو، فيكي تفسريه بميّة طريقة 💯

📌 الوباء مش الله بعتو، والرب ما بعاقِب.. الإنسان بيحصد نتيجة اعمالو 😈 الإنسان اليوم دمّر الطبيعة ولوّث الهواء والماي.. كل همّو مش يحافظ على القانون اللي وضعو رب الكون، همّو ينتج مال بأي طريقة، بفساد أو وباء… 👿

📌 قلنا إنو يللي صار هوّي علامة حتى الإنسان يعيد القراءة 👌 وقلت إنّو الرب يمكن من ضمن إرادتو، بياخود الأحداث السلبية اللي نحنا أنتجناها، وبزبطا.. متل ما أخد خطيّة داود من بعد التوبة ليُنتج المزامير يللي هيّي أفضل صلوات للكنيسة حتى اليوم 👍

📌 الرب دايماً ساعة منسلمّو أي سلبي بحياتنا، بيَعرِف كيف يحوّلو إيجابي.. اليوم هالوباء هوي سلبي، وهوي نتيجة إنسان دمّر بالطبيعة.. وبلشت الطبيعة تَعطيه من نتاج أعمالو 😞 الرب قادر من هالسلبي يعطي شي إيجابي بس للأشخاص التايبة.. 🛐 لكن يللي مُصرّ على شرّو بِرجَع بقولا الرب الو بالمرصاد ولن يجد رحمة من الله 🙏 رحمة الله يللي بمدّ إيدو لله وكل رحمتو الو 👌

📌 لمّا حكينا عن الشفاعة.. كلامنا موجّه لهالأشخاص ☝️ مش للخاطئ ولا للإنسان يللي ضعيف. 🙏 يللي بدّو يحرتق على الحكي ويحوّر رح يضلّ يحرتق.. 😈 لكن يللي فعلاً ضيعوّه أد ما صار في تعليقات، وراحو لمَطرح تاني، كلامنا فيه جواب 💯

📌 أنا أترك الحكم لَ يللي كل متابعين حلقاتي، مش اللي سمعني مبارح على الفايسبوك، وأخد مقطع من الحديث.. وبيِعملّي موضوع إنّو هوّي ردّ وكأنّي عم دمّر الكنيسة، وهوّي عم يدافع عنّا.. 🤔

(4- مسار العالم) ♟️

📌 اليوم في شرّ وقح.. وبطّل شرّ ضعيف إنسان جاهل.. 👉 أو شرّ إنسان مغلوب عَ أمرو.. اليوم الإنسان صار قادِر ونكاية بالله، بيِحكي بجبروت المال والسلاح والزعامة والسلطة، حتى يتحكّم بالبشرية 🤔 هيدي البشرية الها مرجع. والها خالق. والمسيح – الله عطانا مثل الرجل الغني جَمَع عبيده ووزّع ماله وسافر الى بلد بعيد.. ثم عاد.. وطلب تأدية الحساب 💯

📌 بتأدية الحساب، إذا كنت فعلاً ندمان على أغلاط (بعزقت بحساب الله) رح يكون مصيري متل الإبن الشاطر 💞 رح يغسلني وينضفني ويستقبلني كملك، لأنو في بقلبي تواضع وندامة 🙏

لكن إذا كان مصيري متل الفريسيين، ومصرّين رغم مجالات التوبة من الرب.. في حساب.. وهيدي البشرية عايش فيها القديس 🙏 وعايش فيها التائب 🛐 وعايش فيها الشرير 😈 وكلنا عَم نِربى سوا علّه يللي عمّر بحياتو زؤان، يتوب ويزرع قمح.. حتى أعمالو تليق بلقائو مع الله 🌱 والاّ أعمالو رَح تِخزيه 🐉

(5- الموت) ♰

📌 الموت منو شرّ.. لأنو الله مات.. العدرا والقديسين ماتِو 🙏 ويسوع لمّا إجا ما لغي الموت، راح عليه 👉 وحولّوا لقيامة ✝️

📌 حتى يللي أُصيب بوباء، مش معناتا الله غضبان عليه 👂 ما عنّا تاريخ كنيسة بخبّر :

• المرض رفيق القديسين 🙏
• الصليب والآلام رفيق القديسين 🙏
  المرض والموت مش هوّي الشر.. 💯 ليس ما يُهلك الجسد خافو منّو، خافو مَن يُهلك الروح والجسد 📣

(6 – الله أب يسمع ويتدخل) 🙏

📌 وفي محطات بتاريخ الكنيسة، متل هيرودوس نهايتو كانت على الأرض عقاب، بقولو دوَّد وهوّي وطيّب. كونو إستفحَل بالشرّ وبالكبرياء.. صار ما يرضى الاّ ما يقولولو اله..‼️ وهالأمور هيّي وَمضات.. لأنّو حتى في الموت يسوع بقول “أنا لا أدينكم” أعمالكم ستدينكم..* ليه..❓

لأنو الرب محبة 💞 ولكن بس يموت الإنسان ستنكشف الأعمال ورح تكشف إنّو لا يستحقّ الرب.. ولا محبته 👂

(7 – مديوغوريه) 🛐 ⛪

📌 صحيح الكنيسة بعد قالت الكلمة الأخيرة النهائية بما يخصّ الظهورات 👉 ولكن لم تعارض الكنيسة على أي شي صار بمديوغورية، لأنّو قارنت كل الرسائل اللي صدرت بأكبر لجان لاهوتية مع صحة العقيدة والإيمان، وشافت إنّو كل ما يُقال بهالمكان ليس هناك أي غلطة لاهوتية 🛐📣📣

📌 البابا فرنسيس أعلن مديوغوريه مكان حجّ رسمي 👂👂

📌 والكنيسة لن تُعلن صحة الظهورات لأنّو الظهورات ما تزال مستمرّة 🙏 لأنّو الكنيسة ما فيها تقول كلمتها على شي بعد ما خِلِص 💯

📌 أنا كشخص أؤمن بحضور العدرا بمديوغوريه، لأني إختبرت.. متل كتار إختبرو.. مش إنّو أنا مرجع بالخبرية.. وأنا كشخص تحت مبدأ الطاعة لكنيستي.. ولكن أنا أنقل إختباري بمديوغوريه، ومش مُلزم يللي عَم يسمعني يصدّق كلامي بخصوص مديوغوريه.. ولكن هيدا إختباري 🙏

📌 تقول العدرا بإحدى الرسائل، نزلي عَ الطرقات، شوفي عدد يللي عَم يمجدو الله، وعدد اللي عَم يهينو الله.. 😞 لم يعد يستطيع الله أن يطيق واليوم ما بدها كتير حتى نكتشف قديه عَم يتعاظم الشرّ.. ليه بدّي إتعامى ❓

📌 اليوم كل الناس عَم تدفَع ثمن هالشر… الضعيف المغلوب على أمرو والآدمي وصاحب الحق عَم يدفع الثمن.. ما فيّي إجعل من الله بموقف متفرّج 👍 إنّو الله غير معنيّ بالموضوع وديّر حالك.. 😞

📌 نعم الله سيقتصّ من الشرّ… وكلامي مش للخاطئ يللي ضعيف وتائب.. وأنا خاطئ.. 🙏 كلامي موجّه للإنسان يللي ما بدّو يتراجع عن شرّو ☠️

سؤال – تريز حاج: نحنا كبشر نحبّ أن نتغنّى برحمة ربنا ومحبتو، ونرفض نقول إنّو بيِجي وقت للرب “ما بعود يطيق” فلا يجب أن نستهين برحمتو ❓

📌 أكبر فخ اليوم نعلّم إنّو الله رحمة وبس.. 📣 وننفي إنّو الله عدالة ⚖️

طيّب شو معنى عدالة الله
عدالة الله لا تُحارب مع رحمته.. عدالتو تكملة لرحمته.. والرحمة بتاخود جمالها لأنو في عدالة 🙏 وإذا ما في عدالة الرحمة بتصير منفقة 😞 لاق مش هيك الدني.. 📣

📌 أنا خلقت ببلد.. والحرب ما عَم تخلص.. وكل أوجه اللي عملو الحرب هنّي الحاكمين، واليوم حتى حقوقنا طارت.. 😞

هون أنا صرخت لربي متلي متل كتار من الناس، وكرّسنا البلد للعدرا 🙏 نحنا كبشر ما قادرين نقضي على الشرّ 👍 بدنا السما تتدخّل وتنصفنا 🙏 وأنا أؤمن إنّو الرب يُنصف شعبو.. وهيدا كلامنا 🙏 وبحقلي إبدي إختباري 🙏 من هيك عيب ننقّف على بعضنا بكلمات أو نحكم عَ نوايا بعضنا 😞 حلوة المواجهة البناءة 👉 والمواجهة وجه لوجه 👌 مش إنو نكب خبرية ونترك الناس تتسلّى فينا.. 😞

(الخلاصة)
📌 في نوعين من الخطأة،

• في الخاطئ الذي يقرّ بضعفه وندمان وبدّو من الرب المساعدة.. رحمة الله لا توقف 💞
• في الشخص اللي متجبّر ومتكبّر، ورافض ينصاغ لإرادة الله، وناطر الفرصة حتى يستبدّ.. لاق الله بالمرصاد الو ✋

📌هيدي البشرية في الها مرجع. والها خالق.. وهو أمام الشر لا يتفرّج..

(( برنامج ما أطيب الرب – نورسات ؛ 30 نيسان 2020 ))