بالفيديو- الأب مروان خوري: يسوع إنتصر بالصليب.. ليه المسيحيين مرتعبين من فيروس، القيامة بدأت من قبر فارغ ❓ (Video)

🌷✝🌷
إنسان اليوم متعجرف ونحنا متجهين لزمن التطهير وأبناء الله محميين والشفاعة إنتهت 😞
للأسف الآلاف مشو بنيوزلنده شاذين وكفار، عم يهيصو بكلمات بذيئة ضدّ الله 😞
أنا سعيد، لأنو حاسس إجا الوقت أن يقتصّ الربّ من الشرير يللي نزع البشرية.. 🤛👂

مقتطف من حديث الراهب المريمي الأب مروان خوري، ضمن برنامج “ما أطيب الرب” على قناة “نورسات”: (23 نيسان 2020)

(1) حقيقة المسيحية

• القصة مع يسوع لا تنتهي مع القبر🤛
• القصة تبدأ من القبر.. وبأعمال الرسل فصل 10 بقول بطرس عن القيامة: نحن شهود في كل ما فعل يسوع في اليهودية وأورشليم.. قتلوه معلقاًعلى خشبة ♰ ويسوع الذي علّق على خشبة ♰ أقامه الله في اليوم الثالث، وأعطى أن يصير ظاهراً ليس لجميع الشعب، بل لشهود سبق الله فأنتخبهم.. 🛐
• المسيحيي إذا ما قِدرو فاتو الى حدث القيامة ما الها طعمة كلها.. 👂 بتصير فقط ذكرى تاريخية فارغة من فحواها ✋
• كل أحداث يسوع النتيجة تبعُن هي القيامة 🙏
• إذا عِشنا كل الأحداث المسيحية، من إيمان بالله والإحتفال بالميلاد، وحتى لو وصلنا لعيش إختبار العجايب، وأقمنا الموتى وشفينا العِرج.. ولم ندخل الى إختبار القيامة مع يسوع.. كل ذلك ما الو معنى 🤔

(2) الإختبار

• لمّا راحو المَريمات.. لاقو القبر فارغ 🤔 المجدلية صارت تبحّش بالأرض وتقول “من سرق سيدي”.. وعاشت هاجس يسوع إنسرق جثمانه.. بس لأنو أد ما كان عندا لهفة وحب لله ظَهَرلا.. ولمّا ظهر ما عرفتو، افتكرتو البستاني.. لحتّى ذكر إسما.. 👉

شو معنى لفظ الإسم❓
معناتا الله دخل بعلاقة مباشرة… وهون بدّو يدخل بعلاقة مباشرة وفقط الروح القدس يستطيع أن يعطيه للإنسان⚡🔥 ✨

(3) القيامة ♰

• القصة منا جدل لاهوتي، ولا قصة مين يُفحِم مين، ومين يكسر مين.. 🛐
• إفترضي أنا قاعد مع شخص غير مسيحي عَم نِحكي، مش بكلمتي بِقدِر بَرهنلو إنو يسوع هو الله.. 👌 لأنو في أشخاص متدينين يحبون الله ولكن بالنسبة الُن يسوع نبي.. من يستطيع أن يُجاهر أن يسوع هو الرب ❓ ليست الكلمة البشرية، وليس العقل البشري..☝️
• من يستطيع أن يدخل الى حدث القيامة هو فقط الكلمة اللي تحمل قوة الروح القدس، ومن الروح سيكشف له 🛐
• من يُبرهن إنّو يسوع قدام المحنة اللي عَم تعيشا البشرية، يسوع إنتصر وقام، حتى هالترداد يللي بقولو ما يكون عبارات فارغة.. 👂

نحن بحاجة للروح القدس، ليُسقط هَالغشاوة 🙏

(4) الخلوة والصلاة 🛐 ♰🕯️

• الرسل شو عِملو حتى نزل عليُن الروح القدس..❓
• قعدو خلوة 50 نهار..
  وهلق بقول الله عَم يعطينا اليوم خلوة نِقعُد ونصلّي ونتوب 📣 ونستدعي روح الرب 🙏
• روح الله روح بسيط، وروح لطيف ما بيِجي عنوة لعنّا ، بدّو قلب ندمان عن الخطيّة ومتواضع.. 🛐

(5) كبرياء البشرية ✋

• وطالما البشرية عايشة بالكبرياء، ومستمرّة بفعل الشرّ، الروح القدس بعيد عنّا أد ما بيعيدي الأرض عن السما 😞
• البواب المسكرّة ما بتِدخلها الشمس.. بشريتنا اليوم بيوت مسكرّة عَ نور روح القدس 😞

📌 الرب حقّق الإنتصار على الأرض، بس نحنا ما عَم نتنعّم فيه..❓

• اليوم المسيحيين أمام أقلّ فيروس، وأقل شي بهدِّد حياتنا بموتو رعب.. 😞 والرب هنا معنا 📣 والرب حاضر 🙏
• الرسل رغم السقطات ما تركو يسوع بوقت آلامو.. هربو وإنهار إيمانُن.. لكن الأمانة والإنفتاح والتوبة بقيت فسمحت للرب أن يعود ويظهر في وسطهم، ويقلُن لا تخافوا.. 🔥 وقلُن إنّو كل الآلام يللي بيِعملوه فيكُن البشر، قدامي تنهار 🤛 وسيتحوّل الى مجد وقيامة ✝️

الصلاة 🛐

• من هيك الإنسان ما لازم يوقّف الصلاة.. الصلا هيّي حوار مع الله 💞 والله من هيك كل يوم يحاورنا.. لكن الإنسان هربان 🏃‍♂️
• الإنسان اليوم المعاصر ما بدّو يصلّي، وما بدو يفتح قلبو لله، ويتمسخَر 😞

نيوزلنده

• للأسف مشي الآلاف من شاذين جنسياً والكفار، عم يهيصو بكلمات بذيئة ضدّ الله ما بيتصورها عقل 😈
• وقف زلمي معو ميكروفون، وعَم يقلُن الحياة لا تستقيم الاّ ما ترجعو تتوبوا، والرب بعدو فاتح النعمة 🛐 وباب التوبة 🙏 – للأسف صاروا يتمسخَروا.. ويسبوّلو بعبابرات نابية بإيدَيُن ولسانُن 😞

(6) البشرية والشفاعة 🙏

• حاسِس كأنو البشرية ناطرة إنّو بكرا بلاقولنا “لقاح” وبيِنهولنا “الكورونا” ومنرجَع لحياتنا السابقة 🤔
• قولو الأبونا تنبّى.. ما رَح يرجع الإنسان على حياتو السابقة.. 🤛 خلص الوقت من وقت اللي قالت العذراء للرائية ميريانا، ما بقا رَح إظهرلِك بِ 2 من كل شهر.. ✋
• خلصت الشفاعة، وإشتغلت العدرا اللي فيها تشتغلو على مدار 33 سنة على الخطأة 🙏 وكانت عَم تترجاهُن يتوبوا.. وتقلُن الخطيّة منو مكان تعتدّوا فيه على ابني… تواضعوا وتوبوا.. 🛐
• 33 سنة من سنة 1987 والعدرا عَم تظهر لميريانا بمديوغوريه، بطريقة إستثنائية.. وهالتاريخ إختارتو العدرا حتى تصلّي فيهُن للناس اللي ما عرفو محبة الله.. 🙏 اللي رافضينو.. 😞 وما تقول عنُن خطأة لأنّها إم طيبة 🙏
• مش يعني العدرا يئست.. لاق.. ✋ ولا هيّي تركت ولادا ✋

لكن شو بدها تقول العدرا قالتو متلا متل إبنا.. بسوع قدام بيلاطس، لمّا قلّو “عَم يتهموك دافِع عن حالك..❓ ما حكي..‼️ مش يعني الله مش قادِر يدافع عن حالو.. كأنو عَم يقلو: حكيت واللي بدو يسمع في يسمَع اللي حكيتو.. ☝️

العدرا قالت يللي بدها تقولو.. واللي بدّو يسمَع سِمِع…👂

(7) العلامات

• إنساننا اليوم إذا بدنا نعطيه تحديد شو هوي..❓ هوي إنسان متعجرف ومتكبر وأعمى 😞
• اليوم نحنا قدام حدث عالمي ومصيري، وما عَم نشوف.. ناطرين إنو بكرا بلاقو دوا.. ويللي كان عَم يخطي رح يرجع.. و بلحظة بتشوفيهُن إذا نتفة ارتاح الوضع، بيِرجَعو للغة الحقد، وهيدا بسبّ وهيدا بنقّف.. كأنو ناطرين حدا يعطينا إنو إنتهت وفي دواء، ونحنا راجعين لحياتنا السابقة 🤔

لذلك بقول: البشرية لن ترجع متل قبل “كورونا” ☝️

هل البشرية رايحة للأسوا❓

• لاق البشرية مش رايحة للأسوأ، نحنا رايحين لزمن التطهير إجا الوقت الرب يطهّر العالم من كل شخص ما بدّو يوقّف الشرّ يللي عَم يِعملو.. 😞
• فرجانا الربّ إنّو كل مالك وسلاحك، أكبر بارجات وحاملات طائرات، بفيروس زغيري سرّبت عَ بيوتا.. 🤛
• عَم يفَرجينا الرب إنّو برج بابل يللي عَم تعَمرو يا إنسان، قديه هشّ.. كيف إذا بيِطلَع شي فيروس فتاك أكتر.. ‼️
• الرب عَم يَعطيني علامات إقرا.. وعلامات للإنسان المُصرّ أن يتحكّم بمصير الضعيف.. ويقتل العدالة تبَع الضعيف من خلال جبروت إخترعو إسمو السلاح والمال.. 😈

لذلك

• نحنا عميان إذا ما منَعرِف نقرا.. وإذا ما رح نَعرف نقرا الأسوأ جايي.. ☝️ بس مش على ولاد الله 🙏 ولاد الله رح يكونو محميين بقلب العدرا ✨ ولاد الله رح يكونو محميين بنعمة الرب 🛐 لأنّو الرب سيُميّز الخراف عن الجداء 🙏
• يا ويل المصرّ إنو يكون جدي بمشروع الله 👂
• جايي وقت الحساب ولن تبقى البشرية شريعة غاب يتحكم فيها إنسان شرير مفكّر إنو بسلطانو بيِقدِر يِعمِل يللي بدّو ياه ✋
• ميشان هيك أنا سعيد، لأنو حاسس إجا الوقت أن يقتصّ الربّ من الشرير يللي نزع البشرية.. 🤛👂