الأب غاريوس بتصرف الطفل جوزيف.. الذي باعت العائلة كل ممتلكاتها لتنقذه (Video+Audio)

طفل بيشبه يسوع يضلّو متألم.. صار بدي أعرف يسوع من خلالو، وعيلتو ابطال..

تسأل الإعلامية ميلفين خوري الأب الياس مارون غاريوس عن مساعته للطفل جوزيف.

يقول: المهم بالموضوع، تخيلّت حالي قدام قصة الخلق، ربنا خلق الإنسان بمحبة لا توصف.

ربنا نفسو جعل ذاتو طفل ووضع حالو بمزود، ت يخلص كلّ العالم، وت يكون خادم لكل انسان.

قدام هالواقعة الحلوة، تخيلت حالي أنا خادم متل الله لهالإنسان الحلو.. وتخيلت الصبي جوزيف، المليان من فرح ربنا، تخيلت حالي انسان مجبور مساعدتو مثل اما لله دعانا نعمل… واخترت كون انا خادم للولد.

واقدر كون حدّو 100%، لننتج عمل محبة جديد، ويللي اسمو خلاص نفس.

متل ما الله خلّص نفوسنا، نحنا بدنا نخلّص جسد انسان، لتكون نفسو محررة معنا.

ما عندي معرفة شخصية بجوزيف. بس سمعت من كذا واحد خبرني الخبرية، وحضرتك خبرتيني الخبرية. انو طفل بيشبه يسوع يضلّو متألم. ما بدي اعرف فيه. صار بدي اني أعرف يسوع من خلالو.

تسأله ميلفين خوري: شو بتقول لعيلة جوزيف؟

يقول: انتو ابطال. عرفو يحملو الصليب بفرح. وبقوة. وعرفو انتصرو بكل شي عندن. حتى يكونو حدّو الصبي. صحيح انو هني بيّو وامو. ولكن انتصرو بارادتن على كل صعوبات الحياة. وكانو شاهدين حقيقيين لمحبة الله لالهم.

ما تنسو أبداً، يسوع قلكم، لا تخافو أنا معكم

صح بعتو كل ارزاقكم، وكلشي عندكم، كرمال الصبي.. ولكن يسوع طلب منا نترك كلشي من اجل خلاص النفوس..

بدي قلكم، يسوع ترك كلشي ت يكون معكم وحدكم. الممتلكات راحت، الله قاشع وبعوّض ما تقلقو، الله يقويكم، كونو أكيدين رح تكونو منتصرين، لأنو الرب بعزي قلوبكم

https://www.youtube.com/watch?v=RKPFcJ8p7KY&feature=youtu.be