بالفيديو – الإيكونوموس الياس رحال: عملو إختبار ونجح لوقف الذبيحة الدائمة من قبل فيروس غير المرئي والمنظور الشيطان.. (Video)

🌷✝🌷
– تدبير الكنيسة متسرّع وغير مدروس..
– النبي ارميا النبي ومار بولس تحدثوا عن “وقف المحرقة الدائمة/ الذبيحة الإلهية لمدة 3 سنين ونص
– العالم لا يعيش دون ذبيحة الهية.. الرب يقول: من يأكل دمي وجسدي يثبت فيّ

مقتطف من عظة الإيكونوموس الياس رحال عن فيروس كورونا وقرار الرُعاة بأقفال الكنائس، وإيقاف الذبيحة الإلهية، وكل الأسرار الأخرى : (20 آذار 2020) 📣

• هناك أنواع من الشياطين لا تخرج الاّ بالصلاة والصوم.
  فيروس كورونا شيطان.. ولا يخرج بالقَعدَة بالبيت.. بدو يِطلَع بالتطوافات.

• رجال الدين المسيحيين بدُن يحملو أيقونة العذراء مريم، والصليب ♰ والقربان المقدس.. هيك كان تاريخ الكنيسة كلّو..

• كل الأوبئة وقفت هيك.. وقول سكروا الكنائس وقعَدوا بالبيوت.. وارسال Voice للكهنة أوعا حدا يصلّي أو يقدّس..!!

لوين وصلنا..؟؟

• أملى الشيطان رأيه ومخططه على الكنيسة. وبعد ما ظهر المسيح الدجال. هيدا التطهير..

• الكل خنَع وإستسلم. وأوعا كنيسة تفتح..!! قعدو ببيوتكم، لأنو الكورونا جايي ع بيوتكم.

• الكورونا هوي شيطان. هوي فيروس مفبرك.. أحد الأطباء، قال إنّو الفيروس غير مرئي وغير منظور.. بس للأسف بعض الكهنة اللي تعلموا باكليركيات وجامعات، إنّو ما في شيطان، وما في جهنم بحسب اللاهوت المعاصر.

• نعم فيروس “كورونا” هوي عمل شيطاني، والله سمَح فيه لأنو الشعب بعيد عن الله. ونحنا بآخر القداس رح نعمل تقسيم مار ميخائيل على فيروس الكورونا.

• اكبر خطر على الكنيسة، هلق إنّو سكّرت الكنائس.. ما بقا العالم عندا ثقة بالله. ولا بتعليم الكنيسة من ورا هالإجراء.

مين بدّو يخلصنا..؟؟

• الدولة اللبنانية..!!
• الأطباء..!!

اليوم أصبحت الكنيسة ورعاتها يسكنهم الروح الأصمّ والأخرس.. لا بيسمعو كلمة الله، ولا بيعرفو يوصلو كلمة الله للمؤمنين.

لذلك،

• الإلحاد سيعمّ العالم
• تعودت العالم تقعُد ببيوتا، والكنائس مسكرّة. إنتو الكنيسة إذا قعدتو بالبيت…!! هيك رح يصير بكرا.. لشو تروح عَ الكنيسة، حتى لو وِقِف “الكورونا”..!!
• ولو رِجعت المناولة، تعودّوا على المناولة بالإيد..

هيدا هوي المخطط.. وهيدا الشي بعد ما ظهر المسيح الدجال.. لأنو المسيح الدجال بس يظهر بقول ارميا النبي ومار بولس “سيوقف المحرقة الدائمة” ويعني الذبيحة الإلهية للرب يسوع الدائمة لأبيه السماوي لمدة 3 سنين ونص سنة.

يللي عَم يصير هلق، كلو مخُطّط من قوى شرّ في العالم.. ورضخت الكنيسة لأنو في داخلها ناس عَم يتعاونوا معُن. وتم إقفال الكنائس، وايقاف المحرقة الدائمة للذبيحة الإلهية.

هيدي تجربة إنعَمَلِت ونجحوا فيها.. يعني بكرا الناس رح تتعوّد على التعليمات الجديدة.. وسنبقى دون ذبيحة الهية.. وهل العالم بيِقدِر يعيش دون ذبيحة الهية..!! والمسيح قال:

• إصنعوا هذا لذكري حتى مجيئي..
• من يأكل جسدي ويشرب دمي يثبت فيّ وأنا فيه، وله الحياة الأبدية، وأقيمه في اليوم الأخير..

العالم بلا ذبيحة الهية وبلا دم وجسد يسوع، سيُصبح صحراء قاحلة، وستصل البشرية الى مرحلة صعبة للغاية.. وللأسف بهيدا التدبير المتسرّع وغير المدروس بايقاف الذبيحة وإقفال الكنائس غلطو.. وعودّوا العالم عَ يللي بدّو يصير، بس يظر المسيح الدجال.

الناس ما بقا عندا ثقة بالمسؤولين الكنسيين.. وين الأعاجيب يللي كنتو تخبرونا عنها..!! كل الأوبئة والأمراض وقفت بتدخل الكنيسة وتطوافات الكنائس بالأيقونات والقربان المقدس..

عَم قلكُم من هلق، ما فيشي بوقّف الفيروس الاّ العذراء مريم. على شرط بدنا نصلّي وتنِعمِل تطوافات بأيقونتها، وبجسد ابنا القربان المقدس.. وبعلامة الصليب الغالبة.. وغير هيك تذكروا كلامي، جايي عقابات أقوى من “الكورونا” على البشرية وعَ لبنان.. والشيطان الفيروس (الغير المرئي والمنظور) مرّة بِجِبلنا الإنفلونزا ومرّة بجيب الإيدز والإيبولا.. ومرة بجيب الطاعون.. وهلق جايِبلنا “الكورونا”..

لنكسر الفيروس بشفاعة العذراء مريم آمين.

https://www.youtube.com/watch?v=hMXq5SM1vxg&feature=youtu.be