Agoraleaks Agoraleaks
– عن استطلاعات التيار الداخلية وخريطة التحالفات: المتن وايدي معلوف. عن الشوف وماريو عون وغياث بستاني.. عن جزين والمتن وكسروان وزحلة وجزين.
– بشري منطقة عريقة ورمز للبنان.
مقتطفات من حديث مدير مركز بيروت للأبحاث والمعلومات عبدو سعد لقناة الـ”OTV” ضمن برنامج “حوار اليوم”:
عن الموضوع الحكومي
- شفت الصديق يعقوب الصراف، سيكون وزير للدفاع
- كمان شفت السيد سيزار بو خليل، قلتلو ح تكون وزير للطاقة، قلي، ما حدا خبرني.
- في تكتم شديد حول الموضوع، يعني لأول مرة بصير هيك تكتّم، الوزير باسيل أستاذ بموضوع التكتّم، ما فيك تاخود منو شغلي أبداً، الاّ إذا أراد يقولا، هيدا شي جيّد بالعمل السياسي، تربية الجنرال عون
- انا كمان كنت كتوم كتير عن نتايج الإستطلاعات
عن انتخابات التيار الوطني الحر المرحلة الثانية:
- اهنئ التيار الوطني الحرّ وجمهور التيار الوطني، وبهني الرئيس جبران باسيل، لأنو حقيقة في شجاعة كبيري، وهذا الأمر غير مسبوق.. فيها ابداع، لأنو لم يحصل في تاريخ بلدان الشرق الأوسط وحتى في معظم البلدان، ان يلجأ الحزب الى ناخبيه ومؤيديه، أن يشاركوا في تسمية او انتخاب المرشحين
- التيار عمل اوّل مرحلة اللي حاملين بطاقات مين برشحو، والمرحلة التانية من يومين كانت نتيجتا، نحيي التيار ونتمنى على بقية الأحزاب اللبنانية أن تقتدي بما فعله التيار
- الوزير باسيل ماشي بالتيار بشكل علمي ودقيق، وكنت بتمنى ما يعمل وزير. يضلو بالتيار، لأنو التيار أهمّ من الوزارة. ولكن عندو اعتباراتو قنعني فيها صراحة
- ما شاء الله عليه، بيشتغل 24 ساعة
عن نتائج استفتاءات التيار لإختيار مرشحين الحزب للإنتخابات النيابية:
- عملنا استطلاعات بكل الأقضية، الى جانب استطلاعاتي كان اللجنة المركزية في التيار الوحيدين
- عرض على المرشحين ان يختاروا هم شركات الإستطلاع، وكان في 5 شركات أنا منهم ( مركز بيروت للأبحاث والمعلومات ) وكان في اللجنة المركزية، اختاروني انا واللجنة المركزية، وهذا الأمر بغاية الشفافية
- ما حصل كان في كتير عدالة، انو نحنا بالتراتبية الأول والتاني والتالت… على سبيل المثال،
- كسروان: الأكثرية تيار، إذا احتجنا انو فينا ناخود 3 تيار حَ ناخود أول تلاتي.. يعني ملزمين، يعني النتيجة هيي بتحدّد مين رح يكون المشرح، بس في أماكن بيطلع أوّل واحد ما قادرين ناخدو بسبب التحالفات، لأنو بحاجة لتحالف سياسي،
- ع سبيل المثال الدرزي بالشوف؛ الدكتور خليل حمادة، بيطلع الأول بالدروز بانتخابات التيار، اجت الانتخابات لقيو انو لازم يتحالفو مع الوزير جنبلاط، ما عاد في مقعد درزي، بقولولو ما تواخذنا لأنو في تحالف، يعني مصلحتنا السياسية نتحالف مع السيد وليد جنبلاط..
- المتن: في 4 موارنة، ما عندن منافس، اول وتاني وتالت ورابع.. يمكن يصير تحالف مع القوات. طلع مثلاً الأول بالمقعد الكاتوليكي اللي فاز ادكار معلوف (ادي معلوف) بدن يتحالفو مع القوات، والقوات قالو بدنا الإستاذ ملحم رياشي، هوي يترشح عن المقعد.. بقولولو مصلحة التيار انو عنا مصلحة بالتحالف مع القوات.. ساعتا بقولولو لإدكار معلوف ما تواخذنا…
ورداً على سؤال لماذا لا يقال للقوات علينا التمسك بـ”ادي معلوف”.. يقول عبدو سعد، موضحاً:
- في حينه لماذا التحالف من أساسه، لأنو ساعتا عم تضحّي بالتحالف السياسي يللي بربحك.. بتخسر ساعتا.. الفكرة انو مكسب سياسي كونو بدنا نربح اكبر عدد من النواب، هذا الأمر ما بتمّ الاّ إذا تحالفنا مع الحزب التقدمي الإشتراكي، اذا ما تحالفنا منزلكم كلكم، بس رح نخسر
- الشوف: الأول طلع الوزيرالسابق ماريو عون، التاني السيد غياث البستاني… إذا اخدو واحد ماروني، رح يطلع الأول، رح ياخدو الأول مش التاني. إذا بحقلن بتنين، رح ياخدو الوزير ماريو عون وغياث البستاني.
- طرابلس: مقعد طرابلس افتعل افتعال. ترضية كان. مافي موارنة بطرابلس. تماماً متل المقعد الدرزي ببيروت. كمان افتعال. بطرابلس بينتخب حوالي 1000 صوت، عدد الموارنة حوالي 4000. بينما المقعد الماروني ببعلبك – الهرمل ، بعلبك جزء أساسي من الموارنة.
- مقعد الموارنة في طرابلس يجب ان ينقل إمّا الى جبيل أو الى البترون
- لو منعمل قانون نسبي، بيجو من بلاد الإغتراب لينتخبو، لأنو بيعرفو ستكون النتيجة لن تذهب هدراً، صوتو بكون نافع، ونفس المنطق صاير لدى المسيحيي الأطراف، نسبة تدني الأصوات لأنو صوتن بيعتبرو مش نافع
- المسيحيي تاريخ ببعلبك. بقلب المدينة، وبالأرياف والقرى والبلدات المحيطة، ما هيي امتداد لبشري المارونية
- بشري ما فيها مسلم واحد. فيها عدد قليل من الأرثوذكس، عم احكي عن لوائح الشطب.
- بشري الأكثر مارونية لناحية السكان، وهي منطقة عريقة. وهيي رمز للبنان. وبلاد الأرز، ومهد المارونية بشري واهدن
عن تحالفات التيار مع حزب الله و المستقبل:
- تقارب التيار مع القوات والمستقبل، لا يعني انّه يبعد التيار عن حزب الله.
- بعبدا: من الناحية النظرية، لو تحالف الحزب التقدمي الإشتراكي مع حزب الله، ما بيجي مسيحي خارج هاللايحة هيدي. الشيعة الدروز نسبتن مش أقل بكتير من المسيحية، حوالي 5 – 7%. ولكن قوة تجييرن اكتر بكتير من عند المسيحية. الشيعة بجيرو 97%. الدروز بجيرو 80%. لو تحالف التيار مع القوات ما بيربحو. هيدي مش رح تصير كون حزب الله والتيار سيكونو متحالفين.
- جبيل: الصوت الشيعي ما بأثّر. حوالي 16-17 الف، ولكن بس يتحالف التيار والقوات (الكتلة المسيحية كبري) بمثلو اكتر من 60%، والقوة المسيحية الرئيسية هيي التيار، والقوة التانية القوات. التنين مجموعين خلص، القوة المسيحية الأخرى ما فيها تربح لو اجا حزب الله معها.
- زحلة: باعتقادي، حَ يكون في ائتلاف عريض يدخل الجميع، كيف الحكومة. ح يكون فيها سكاف، وتيار المستقبل. وحزب الله. والقوات اللبنانية. والتيار الوطني الحر. ونقولا فتوش. إذا القوات بدها تتحالف حكماً مع التيار الوطني الحر، وحزب الله بيعطي اصواتو للتيار ولسكاف وفتوش كما في الانتخابات البلدية، القوات صحيح بجيبو أكثرية مسيحية 55%، مش يعني البقية بياخدو 45% لكن الأصوات تتوزّع، لكن اذا ما عطاه تيار المستقبل اصواتو للقوات، بيخسر. تيار المستقبل بوزّع اصواتو كما يفعل حزب الله بين سكاف يللي بكون قاسم مشترك بين حزب الله والمستقبل. وتيار المستقبل بيعطي القوات والتيار. لهذا السبب يمكن نتجه الى لائحة ائتلافية واحدة، وهيي الأرجح.
- جزبن: التيار لا يحتاج الى حليف مسيحي. وحتى دون تحالف حزب الله. واصلاً رح يكونو حلفا. ولكن مرشحي التيار الوطنيالحر حكماً لا يحتاجو الى أيّ تحالف.
- القوات في جزين ضعاف، مش مبينين كما في جبل لبنان. ولكن بالعموم متقدمين.
رصد Agoraleaks.com
