Agoraleaks Agoraleaks
للمسيحيين: من هالشعرات الشايبة بكرا الأمور بِتروق بلا ذيول مدمرة.. بكفينا 🙏
(1) الطائف والمحاسبة..⚖
- قديه كان المسيحي ياخود بالوزارات⁉ وزير سياحة ووزير صناعة وإنتهى الموضوع.. 😏
- اليوم من بعد مجيء العماد عون وحالياً مع وصوله الى رئاسة الجمهورية.. أخد المسيحي 15 وزير 😉
- صحيح اليوم في 15 وزير مسيحي ومش عم يقدرو يعملو شي.. ما إتفاق الطائف بطياتّو في عدم محاسبة 👂
(2) عودة
- المطران عودة راح بعيد.. بيسوا رجال الدين من كل المذاهب خدونا بحلمكم نتفة 👏
- مفروض رجال الدين يكونو محبة الناس والسلام والمساعدة وعدم نبش القبور الخ.. 🤐
- يكونو لرعاياهم أنقياء وأتقياء.. وللاسف طلِع أثناء الحديث إنّو المطران عودة عمِل 50% تخفيضات.. للأسف إجا إنكار إنّو لاء مش صحيح.. يا سيدنا مرقها ماشي الحال للمعترين بالأشرفية للروم الأورثوذكس لأنُن بحاجة للمساعدة.. 👍
(3) المسؤوليات
- اللي ظاهر مزبوط هوي رئيس الجمهورية على الأرض 👆
- الرئيس بري قاعِد عَ جنب مع قصة البرلمان 😉
- الحريري ساكت ومستقيل 👂
إنّو ما بيسوا شخص سياسي وآدمي.. 🤔 يعني صار عَ طول السياسي أزعر.. 😉 بيسوى يكون آدمي وبكل هالأحزاب في ناس أوادم 💯
(4) رسالة الى المسيحيين
- نداء لأخواننا المسيحيين بشكل عام.. وللأحزاب المسيحية.. خدونا بحلمكم..👂
- الأحقاد والمشاكل والتوترات كلها خسارة وبتزيد الحقد بمجتمعنا.. نبقا حضاريين.. ومعليه هالدقن والخبرة والشعرات الشايبين.. بكرا الأمور بِتروق وبترجَع كما كانت.. ما نترك ذيول مدمرة.. بكفينا اللي فينا 🙏
(نائب رئيس قدامى ومؤسسي القوات اللبنانية – 9 كانون الأول 2019)
