Agoraleaks Agoraleaks
وجع حقيقي…
صرت بخاف انا ورايح ع شغلي الفساد يخطفني عن الطريق.
علّق الناشط السياسي “جوزيف مخايل” على الأحداثالتي يشهدها لبنان والوضع غير المستقرّ كاتباً عبر صفحته الخاصة:
صرت بخاف انا ورايح ع شغلي الفساد يخطفني عن الطريق.
صار الفساد متل خيالنا وين ما كان موجود ، صرت بشك بحالي ، والله العظيم القصة صارت بشعة كتير عن جدً ، منضحك اوقات ع حالنا ، بس أولادنا شو رح يعملو، خايف ع مستقبلون ، نحنا خلصنا بس الوجع انو ولادنا شو ذنبون بكل هالقصة ، ورتناهون بلد مكسور، موجوع، الفساد ، السرطانات الصحية والبيئية والاقتصادية والسياسية مغلغلة بكل ذرة فييون….
شو رح يقدرو يعملو ولادنا ل يعيشوا مرتاحين شو ذنبون هني ، اذا نحنا ما قدرنا عملنا وطن لاجلون، من 40 سنة نحنا وهيك بهالوضع المأساوي وكل سنة منتأمل نكون افضل تجوزنا وانجبنا ابناء اورثناهم عجزنا وفسادنا ووطن ما بيصلح الا لرمي قنبلة ذرية وابادته مع مسؤوليه وشعبه الفاسد الذي اوصله لهذه الحال المزرية…
شبعنا، قرفنا، تعبنا، ما بقا فينا نتحمل فسادكون….
ضيعانك يا وطن يللي ترابتو فييون ابطالنا ، شو بدنا نقلكون انتو استشهدتوا كرمال وطن يبقى ونحنا خربنا الوطن وشوهنا معنى استشهادكون بس نيالكون استشهدتوا انتو لأنبل قضية ، ونحنا عايشين مع فساد ارتضينا به ، انتو ابطال ونحنا ما منستحق شهادتكون بس الشهداء هني أكرم البشر ونحنا ما منسوى شي ، هيدي الحقيقة يللي بيشعر فييا ، المهم انو يرحمونا ابناءنا مستقبلاً ويفهمونا بعد مماتنا…
ولادي انا بحبكم ، بس ما طلع بإيدي اكتر من هيك ❤️❤️❤️
