بالفيديو – هيك بِتكون المعنويات.. النَربيش إنتزع.. بس الله (الحَنَفية) طول ما نحنا عايشين ما رَح يوقّف رحمتو..

كلام أكثر صوابية من كثير من الكهنة والقساوسة والمشايخ الذين يتحدثون بالسياسة والحقد عم ينقّط منهم..
______
رجاءً إستمعوا لكلام هذه الفنانة من الطائفة الشيعية..

ومما قالته:

• أنا كمان عَم إمرق بتحديات.. لأنو فتحت بظروف اللي فاتحين من زمان عندُن أصلاً تحدي..
• أنا بشتغل الصبح وبشتغل حنى نص الليل، وكلنا منعرف الظروف الإقتصادية والمالية.. هيدا كلّو إسمو تحدّي مش أزمة، ولمّا نصنع من التهديد فرصة نصنع نفسنا..
• كل التهديدات إذا منتطلّ‘ بعين الفن (أنا كفنانة) بشوف الإشيا عَ طريقتي.. لمّا بيَعطوني جبلة طين وبنحَت فيها.. ريشة النحات قاسية وبتِحرح.. لكن مضطرة حتى أعمِل التفاصيل أوقات بِقسي عليها.. بس إذا ما قسيت عليها بتضلّ جبلة طين..
• الله وهيدي الدنيا والعالم اللي نحنا فيه، الله نحات مُبدع.. الله فنان.. الله حلو.. لمّا بيِقعُد ينحب فينا كأفراد أو كمجتمع نوثَق بريشتو.. لو وجعّت شوي.. نليّن طينتا الو.. ونوثق فيه، ونطلّع أحلى ما عنا.. لأنو إذا إستسلمنا رح يطلّع أجمل ما فينا..

https://youtu.be/HskMQWK8MrI

وتضيف الفنانة زهراء:

• يا شباب وصبايا نحنا بس يكون عنا نبتة،
  وبكون عنا نبريش ماي، عم نسقي فيه النبتة ونشرب ماي،
  منكون مفكرين انو هيدا النربيش هوي كل حياتنا، إذا نقَطَعت الماي منّو مِنخاف..
  ماتت النبتة ورَح موت من الجوع… عطشت..

عَ مهلك..

• الحَنفية عَم تِدلُق ماي
• ما الله (الحَنَفية) طول ما نحنا عايشين ما رَح يوقّف رحمتو..
• الحَنَفية عَم تِدلُق ماي والله..
• الفكرة إنّو يا النَربيش نقَطَع يا إنتزع…
  هلق الفكرة كيف بدنا نوصّل الماي بذكاء من “الحَنَفية” لعنّا..
• نحنا جيل عَم يِمرُق بتحدّي إقتصادي.. اتمنى عَ كل الإعلاميين والسياسيين والشباب والصبايا ما بقا نِستَعمل كلمة أزمة إقتصادية نستعمل تحدّي إقتصادي..
• نحنا جيل مش ضعيف..
  ما بقا حدّا يصوّرنا جيل مهزوم، ودغري بيِنهار وبيستسلم..

لاء

• نحنا جيل مُبدع.. وانا تعاملت مع كتير شباب بورش عمل.. إذا بحطّو راسُن بشغلة بيعملوها..
• ومش بس بيعملوها..
  بنفذوها بطريقة مش تقليدية..
  بيعملوها بطريقة تشبهُن.. فيها شي خاص..
• نحنا جيل قادر يخترع ويتصرّف.. وقادر يبتكر.. ونحنا جيل ما بيستسلم بسهولة.. وقفتو هون مِنروح لغير مطرح..

مينن قال: بدّو ينهار..!!

• نحنا ما منِنهار..
• وعنّا معنويات عالية..
• بحرب تموز كنا بالمدارس، وكان شهدائنا مش مدفونة.. وبيوتنا مهدمّة.. وكانت معنوياتنا بتهزّ الدنيي.. هلق في تحدي إقتصادي بدنا ننهار..
• ليه السيّد عباس شو كان ياكول أكترمن لبنة وزيتون.. وأم ياسر كانت تشيل السجاد وتَعطيهُن للفقرا، وتحط جرايد وتقعّد ولادها..
• نحنا قوايا ومش رَح ننهار.. وعنا كتير من الطاقة..

https://youtu.be/IoXeF5xfT3o