كلام مثير لشربل نحاس عن حزب الله.. وزرائه نعاج.. (Video)

– أوراق إعتماد يرافق الكلام عن حكومة تكنقراط.. 

***

مقتطف من أحاديث للوزير السابق شربل نحاس، مع محتجين في ساحتي الشهداء ورياض الصلح:

• عزيزي حزب الله كتير بهمّو يكون عندو صفة رسمية شرعية حتة يواجه تصنيفو كإرهاب، وبالتالي يكون عندو نواب ووزرا
• بما إنّي مرَقِت بهيدي التجربة، بدي خبّرك وزرا حزب الله بالحكومة نَعجات، دخيلك ما بدنا مشكلة، واللي بدّك ياه..
• غاية حزب الله بالحكومة إنّو يضلّ بالحكومة، لدرجة ما فيك تتصورها..
• العناتر يللي بيِعملو مشاكل جوّا هني زلم وليد بك.. وزلم ميشال عون، وعلي حسن خليل. حزب الله شو بدّي الك، تلاميذ Jardin d’enfants.. شي ما بيتصدّق..؟؟

ليه؟؟

لمّا تولّى الحكومة محمد فنيش (الكهربا) مِشي بالخصخصة حتى يفَرجي إنو هوّي الموضة تبع الشرعية العالمية النيوليبرالية…

هيدا همُّن بالممارسة صدّقني.. ما بِعارضو شي..

إنّو حزب الله مين هنّي هالعالم..!!

• هودي عالم أساساً من الجنوب، يللي عيالُن بسنة 1982 كبّو رز عَ الجيش الإسرائيلي.
• حزب الله كان حلقات كتير صغيري…
• ركِب بذات الوقت باتفاق لطائف، بالأوتيل هونيك.. مسيرة السلام ومن جهة تانية، إنّو منخلّي خط إمداد بَركي ما زبطت مسيرة السلام. يللي كان عَم يِنعَمَل واحد شيطان وإسمو حافظ الأسد.. هيك رِكبِت.
• صار في حروب هون بالزواريب بين حركة امل وحزب الله.ز معليه الناس تَعرِف..

يللي صار من سنة 1992 لليوم.. برضى عام ونحنا نرفضها.. هيدي خبرية هانوي وهونك كونغ طلِع فيها جنبلاط.. طيّب كيف؟؟؟

إنّو شرعية المقاومة من جهة، وهودي من جهة تانية قاعدين مَبطوحين…

تمّ بناء فصل داخلي مش بس مجتمعي، حتى على شرعية العمل السياسي، ورِكِب عند حزب الله إنّو هوّي عندو مهمة الهية.. ما كانت هيك.. ما كانو بغير أحزاب.. ما هيدا مجتمعنا..

لمّا عَم نِجي نقول: دولة قادرة، وقضية إسرائيل لأسابابنا، مش لمراعاة فِيُن. مش هانوي – هونك كونك.. مش بدنا بيروت تصير أوتيل للسواح وتحت يِنضربو.. (نحنا مع المقاومة حفلة كذب)..

مش أكترية العالم عندا عداء نع إسرائيل. مش صحيح. مش اليوم إكتشفا حسن نصرالله. يللي عَم يِنحَكا اليوم جايي من الإرباك..

نحنا عَم نتعاطى مع هالأمر بكلّ المعرفة.. عَم أدعيكم تفكرو كيف تطوّر هالمجتمع حتى وِصِل لليوم.. وكيف بدنا نتعامل معو عَ حقيقتو. مش ياي، وبخوفو…

ما حدا بخوّف حدا.. بِرجَع بكرّر، هودي لبنانيين إجاهُن دعم من ايران، ومقتنعين لأنّو تجيّر الفكر الديني لتحفيزهم للقتال.. مش هينة تِبعَتي عالم يقاتلو عنجدّ.. مش يقعدو بالمكتب وينظرو متل الخبراء الإستراتجيين عَ التلفزيون.

وأنجزوا ما لم ينجزه كل منظومة الجيش العربية.. هودي لبنانيين ولبنانيات.. إذا ذكّرونا عَ طول بتيابُن، إنّو هنّي شيعة.ز هيدي مشكلة بالنسبة النا كيف بدنا نحللُّن ياها.. نحنا بدنا ننقذهم من الأسر اللي هنّي فيه.

واضح الكلام.. مش نزبّطا بالبين الوزاري.. كَعوِكلي ياها بفاصلة وواو العطف.. معليه عنّا المسؤولية مش عند هوديك..

تعليق:

فائض القوة يبدو انّه إنتقل الى بقايا الحزب الشيوعي.. بدُّن يسقطو النظام (الفوضى)… والشيوعية في العالم نتاج حاخام يهودي لضرب الكنيسة والأديان.. لكن لبنان مكرّس لقلب مريم الطاهر ♰

https://youtu.be/f6H0r_xNK3g