بالفيديو – كريم بقردوني: ممنوع عربياً ودولياً وحدة التيار والقوات.. وعون رجل التحديات ✔ (Video)

* بشير الجميل من بعد تفكير رد بشرط وحيد.. إنو يستلم عون خطوط التماس👆
* يللي بيتصوّر دقيقة من الكبار بالعالم بيِقدِر يجبر عون أعمى هيدا 😉
* إذا ضعف الإقتصاد اللبناني بيِقوى إقتصاد حزب الله👂

***

مقتطف من حديث رئيس حزب الكتائب الأسبق كريم بقردوني، لقناة الـ”otv”، ضمن برنامج “حوار اليوم”: (تشرين الأول 2019)

*بالفيديو – كريم بقردوني: ممنوع عربياً ودولياً وحدة التيار والقوات.. وعون رجل التحديات* ✔

***

*(1) عون والرئاسة*
*- س:* الصحفي جوناثان راندل، واضع كتاب “حرب الألف سنة” نقل كلام عنك: إنو بشير الجميل كان إنتخابو صعب، ولكن حكمو سهل، بس إغتيل.. 😔 أمين الجميل إنتخابو سهل، ولكن حكمو صعب 🤔 بماذا توصّف مرحلة العماد عون بعد 3 سنوات⁉
*بقردوني:* أقرب الى معادلة بشير، انتخابو ووصولو الى رئاسة الجمهورية كان صعب، وبالحقيقة يمكن كان عليه أن يصل سنة 1989، كان بوقتا أفضل.. هلق إجا متأخراً 25 سنة

– أنا برأيي الرئيس عون في قضايا رح يطرحها، مثل المركزية الإدارية الموسعّة 👉 ومعظم بلاد العالم مطبقّتها، وبرأيي هالنوع من الأفكار بدها متل العماد حتى يِعمِلها 👍

*(2) عون والإصلاحات*
– لا شك إنّو بوصولو الى سدّة الرئاسة الأولى، ردّ..
* الهيبة للدولة وبخاصة لرئاسة الجمهورية 👍
* القانون الإنتخابي النسبي خلص عَ الـ 40 – 50 سنة المقبلة رح يضلّ 👍
هيدا التوازن أعادو بشخصو.. واليوم المطلوب بالمرحلة التانية تنفيذ بعض البرامج 🤺

*(3) الفساد*
– مواجهتو الو وَجهَين:
* لمّا كل واحد يَعرِف إنو بدّو “يِعمل” بدّو يفوت عَ الحبس (وإنو وضعنا خط بين اليوم وأمس)
* أمّا بخصوص من اليوم لمبارح.. شو فينا نعمل ببلد كلبنان.. ⁉ برأيي في صعوبة نقدر نِعمَل شي.. 😔 شو بدّي بسورية وبالسعودية.. 🤔

*(4) الإقتصاد وحزب الله*
– لا في إنهيار بلبنان ولا في عجز وإفلاس ولكن لبنان بدّو معالجات
– في إعتقاد بإسرائيل لأميركا.. يقول: ما قدِرنا عَ حزب الله بالعسكر، مُمكن يعملو بالإقتصاد.. 🤔 بقول شغلة لمّن يتضيّق عَ لبنان بيقوا حزب الله. وعَم إحكي إقتصادياً مش عسكرياً.. 👉 ما إذا ضعف الإقتصاد اللبناني بيِقوى إقتصاد حزب الله، وهالشي ما بدّو كتير بحث 👂

– يللي بيتصوّر دقيقة من الكبار بالعالم.. إنّو بيِقدِر يجبر ميشال عون يعمل شي اللي ما بدّو، وإنو يحاكم حزب الله.. مُخطئ وأعمى هيدا 😉 اللي بتقنعو فيه ما في أسهل من المَشي فيه، والأمر يللي بدّك تضغط عليه مستحيل يعملو ✔

*(5) كتاب* 📚
– عنوانو ميشال عون رجل التحديات،وعَم حاول شحّل أد ما فيّي، بس الكتاب رح يطلع كبير لأنّو بدنا نعطي حقو.. 👍 وأنا بلشت من واحد (ما منَعرف بعضنا) الى واحد (ضد بعضنا) 🤺 لأنو كان في القوات.. لواحد صرت مع بعضنا.. هالتطور هيدا الشخصي رح ارسما بالكتاب ومش رح يكون تمجيد لميشال عون 👏 رح يكون حقيقة ميشال عون، بما له وما عليه 👍

*(6) بشير/عون*
– بفترة رئاسة الياس سركيس طلب اللقاء مع بشير الجميل، بقلّو: “لازم نتَرجم شي بما أنك مرشّح رئيس دولة (جمهورية) لازم تِعمل شي للدولة القائمة.. 🤔
قلّو بشير متل شو ⁉
بقول الياس سركيس: ليه ما بيِنزِل الجيش يستلم خط التماس من عين الرمانة للصيفي ⁉
بفكّر فيها بشير شوي.. وبقلّو موافق، بس عندي شرط يستلم ميشال عون هيدا اللواء اللي بدّو ينزل 🤐

وقلّو: أنا بَعرِف رَح يصير في مشاكل بينو وبين القوات لأنو ما رَح يقبل شي مسلّح حدّو.. وبَعرَف إنّو التعامل معو صعب جداً.. ولكن أنا واثق من شغلة وِحدي: *إذا صار هجوم على مناطقنا، ميشال عون بيَعطي الأمر للدفاع على الأقلّ حتى نصل* وبالنهاية إستلم عون وهِديِت لسنتين تقريباً خطوط التماس قبل الإجتياح الإسرائيلي.. 👂
– بشير الجميل كان واثق إنّو هيدا الضابط يللي إسمو ميشال عون يُطلق النار ويدافع، لأنو كان مأخذ القوات خلال الحرب وينو الجيش⁉ وبالنسبة لبشير هيدا الوحيد من الجيش يللي بيِعمِل جيش 🤺

*(7) التيار/القوات*
– التفاهم بيناتُ، كان التساوي، وكلنا منِتذكّر إجا 4 وزراء للقوات و4 وزرا للتيار 😉
*لكن فجأة* بلشو وزراء القوات ينتقدو ويهاجمو وزراء التيار، وبلش الخلاف والتفكير إنّو عَم نعطيهُم وزرا ميشان يشتغلو ضدنا 🤐 نضَرَب فرامات 🤔

– أنا أعتبر في إرادة عربية ودولية، إنّو ما يصير في توحيد وتفاهم بين القوات والتيار.. لأنو المسيحي القوي (وإذا إتحدّوا) هم إستقلاليين، ومن الصعب إنّو تأثّر عليهم.. 🤔 متل ما كانت الجبهة كان من الصعب ينفرض علينا شي، ولما قلنا ما بدنا الفلسطينيي عملنا حرب وبنهايتها ضَهرو.. 👏

*س – جورج ياسمين: يعني الوحدة المسيحية ممنوعة هيك قصدك..⁉ بس الوحدة الشيعية والسنية والدرزية مقبولة*‼
بقردوني: الوحدة المسحيية مش مقبولة لأنو بصيرو المسيحيين متعبين للخارج، والموارنة أشداء بالحرب وصعبين بالسلم 🤔 والخارج يصعب عليه التعامل مع الموارنة ومع المسيحيين، لأنو إستقلاليين 👍

https://youtu.be/uz68eqWwxjo

(رئيس أسبق لحزب الكتائب – وزير سابق، حوار اليوم otv؛ تشرين الأول 2019)