بالفيديو – ملخص خطاب باسيل في 7 آب 2019

(التيار + قبرشمون + القوات والكذب + إتفاق معراب + تحذير جعجع + القوات وبيع المسيحيين + المادة 59 والعد… رح نشوف إذا في إسخريوطي وحصان طروادة)

***

مقتطف من حديث رئيس التيار الوطني الحرّ جبران باسيل، في حفل إطلاق الحجر الأساس لبيت التيار، في الضبيه – صخرة نهر الكلب: (7 آب 2019)

(1) التيار الوطني الحر✔
– بيتنا اللي هوي الإنسان، اساسو صلب كتير، وهوي العماد عون
– كان يقول، انو نحنا أحجار الزاوية بالبيت اللبناني، ويللي بحاجة لكل الأحجار، حتى أحجار الدَكّ..
– ميشان هيك نحنا مصرين عَ سياسة التفاهمات مع كل الناس
– رح تسمَعو كتير من الإنتقادات، لكن من مين⁉
* من يللي عندُن قصور وقلاع بنيوها من (الخوات على الناس) أو (مشاريع الدولة) أو (أموال الخارج)..

يبقى شرفنا بالتيار الوطني الحرّ ما منمدّ إيدنا عَ جيوب الناس حتى نِنزَع منُن مال.. وما منوضع إيدنا عَ مشاريع الدولة حتى نتموّل منها.. ولا منمدّ إيدنا علىالخارج حتى نبيع قرارنا والقضية

– قرر التيار يدفُن الإشاعة والكذبة ببيت التيار ، ويعطي درس لكل مين بيتطاول علينا بالفساد، بتخليد إسمو بنصب الحقيقة ومقبرة الكذب، ورَح نلقنهم درس بالأخلاق، ما ينسوه.. 😎

(2) قبرشمون ⚖
– الوقائع واضحة ما رح يستطيع حدا يتهرّب منّا.. وبأي قضاء سواء عدلي أم عسكري أو جنائي..
– الأذى الشخصي حطيّناه عَ جنب من أول لحظة، أمّا حرية الحركة والتعبير فلا تنازل عنو
– إذا نحنا ما إستئذنّا حدا حتى نِعمُل نواب ووزرا من الجبل، ما رح نستأذِن حدا حتى ندخل عَ بيوتنا وعلى طرقاتنا بالجبل 😉

(3) القوات والكذب.. 😏
– يللي متصدّر حفلة الكذب هوّي خَينا
– أنا تعهدّت إنّو ما مسّ ولا يوم بالمصالحة المسيحية – المسيحية، وتحملت الظلم والكذب، إعتقاداً مني إني عَم إحميها..
ولكن،
تبيّن عم سيء الها، لأني عَم زيد بسكوتي على الإستمرار بالغرز فيها.. 😎

(4) القوات وإتفاق معراب
– هوي إتفاق سياسي، طلب فيه سمير بَدَل سياسي مقابل تأييدو للعماد عون برئاسة الجمهورية.. 😎
– عمّم جو إنّو نحنا أخلّينا بالإتفاق.. والحقيقة جوهر الإتفاق نكون سوا بدعم رئيس الجمهورية ونتفاهم على التعيينات وعلى الإنتخابات.. واللي حصل بدو يِقعُد بالسلطة حتى ياخود حصتو، وبيقعُد بالمعارضة حتى ياخود ربحو 😏
– راح سمير يُمعن نهار وليل بشنّ الحملات الكاذبة علينا.. بدل ما يحمُل معنا الكتف بالكتف حتى نتشارك بالحِمِل متل ما هوي إتفاق معراب.. وصارت شغلتو يحارب الرئيس ويحاربنا..

(5) تحذير لجعجع
– أنا نبّهتو مراراً إنّو هيدا السلكون يجبرنا على وقف تنفيذ اتفاق معراب من جانبنا، ولكن اختار الإستمرار بسياسة الكذب والإفتراء علينا..
– جاوَبت كل الوسطا إنو ما في مشكلة بأي لحظة باستئناف هالإتفاق ولكن على سمير انو يوقف برنامج الكذب عنا.. لكن أصرّ وأكمل..
– أنا بقول اليوم قدام الجمهور اللبناني، إنو سياسة السكوت وتحمّل الظلم إنتهت.. وخيارنا رح يكون الكشف عن مين هوي الفاسد الحقيقي، والقاتل الحقيقي.. القاتل بالكلمة والشائعة ابشع من القاتل بالسلاح والرصاصة..

(6) القوات باعو المسيحيين
– ما بتوقفو معنا
* لا باستعادة الحقوق
* لا بالميثاقية
* لا بالشراكة بالجبل
على الأقل ما توقفو ضدنا.. 🧐

والله الرئاسة أرخص من الميثاقية وأرخص من الشراكة، وأرخص من حقوقنا.. ما فيشي أغلى منُن هودي

(7) وقفنا عدّ أو لاء.. (الديمغرافيا)
– نحنا إعتبرنا إنّو كل اللبنانيين طلعو من منطق العدّ الديمغرافي.. يبدو إنّو البعض بدّو يرجع الو..
– بدنا نعرف بمجلس النواب بِ 17 تشرين الأول، مين حزب العدّ ومين حزب وقف العدّ.. 🧐
– بدنا نعرف إذا بدو يكون في حصان طروادة بيناتنا من جديد، وبدنا نعرف مين هوي يهوذا الإسخريوطي متل ما كان بالقانون الأرثوذكسي..

(الخلاصة)
– بدنا نحصّل للبنان إقتصاد ومعو حقوق ووجود وصيغة وميثاق، حتى لبنان القوي..

https://youtu.be/6bpRg9YoiLk

(ملخص خطاب 7 آب 2019)