بالفيديو – فادي جريصاتي يردّ عَ طوني فرنجية ببيان منشور عَ موقع “المردة”.. وجعجع وفنيانوس..!!

– النفايات عندا بَي واحد هيّي وزارة البيئة.. ونحنا حدّ الكل، ومع الكل وبدنا نساعد..

***

مقتطف من رد وزير البيئة فادي جريصاتي على النائب طوني فرنجية، بخصوص أزمة النفايات في قضاء زغرتا: (15 تموز 2019)

(1) فنيانوس
– أنا أكيد إنّو خبّر الوزير فنيانوس النائب طوني فرنجية انو قدمنا خطة وخريطة طريق.. للإنتقال من 980 موقع مكب عشوائي على الأرض اللبنانية الى 25 مطمر صحي..
– بزيارة قمت فيها بِ 29 آذار 2019، على مطمر عدوي.. وهو مكب عشوائي على نهر.. ومن سنوات ولا إي اتحاد بلديات بالمنطقة فكّر يلاقي بديل…
– الوزير فنيانوس هوي بيَعرِف كافة التفاصيل.. ونحنا ما رَح نِقبَل ننظلم ونتهّم بقرار أثّر على المنطقة.. والمشكل هوي مالي، اتحاد بلديات زغرتا ما عَم يِقدِر يدفع المستحقات للمطمر..
– المبلغ اللي عندي ياه، هوي 600 مليون ليرة..

(2) اتحاد بلديات قضاء زغرتا
في بيان للاتحاد يللي هوي كتير قريب من تيار المردة والنائب طوني فرنجية، محطوط عَ ويبسايت “المردة”.. قروا شو مَحطوط.. بقول: وزارة البيئة أبدت إستعدادها كاملاً لدعم الحلول الذي يراها الإتحاد مناسبة، باعطاء التسهيلات من قبل الوزارة..

(3) جعجع
– ضمن نفس الأزمة.. اتحاد بلديات بشري لقى حل.. هل وزارة البيئة عرقلت الحل؟؟ طلعو عَ اتحاد بلديات قضاء بشري وسألوهم؟؟؟
– حصل اتصال الي من قبل الدكتور جعجع.. وطلب منا كل تسهيل، وإنو ما يتعرقل بالسياسة، وإنو ياخود طريقو المهنية.. وانا بشكر جعجع وعطيتو كلمتي.. إنو نحنا بالسياسة مش رح نتعاطى لأنو أنا متلمذ بحزب بيفصل السياسة عن الشأن العام..

(4) المردة
– لأخواننا بالمردة.. بيسوى أنا كون منتمي لحزب وإعمل شي منيح..
– النائب فرنجية إختار يروح لعند رئيس الحكومة وما يِجي لعنا، وهيدا حقو الدستوري.. في يروح محل ما بدو.. وفي ما يحكي معنا بكل حياتو.. بس أنا بقلو إيدي ممدودة الو..
– أول الحلول إعطاء اتحاد البلديات مواقع للمطامر..
– النائب ميشال معوض حكاني مبارح بالليل، وقلي انو صار في تواصل بينو وبين النائب فرنجية.. وبرأيي هيدي بداية رائعة..
– الوقت هوي التحدي تبعنا، انو بسرعة كتير نوافق عَ الخطة، بسرعة نمشي بالتنفيذ..
– النفايات عندا بَي واحد هيّي وزارة البيئة.. ونحنا حدّ الكل، ومع الكل وبدنا نساعد..

https://youtu.be/XyUW3Ltxnss

(مؤتمر صحفي لوزير البيئة – 15 تموز 2019)